ការផ្តល់ប្រឹក្សា

ការដោះស្រាយបញ្ហាកម្ចីខូចគឺមិនមែនគ្រាន់តែជាការដោះស្រាយនូវបញ្ហាធម្មតានោះទេតែជាមធ្យោបាយក្នុងការគ្រប់គ្រងរបាយការណ៍សមតុល្យគណនីធនាគារ និងបង្កើននូវលទ្ធភាពក្នុងការរក​ប្រាក់​ចំណេញ។ ការគ្រប់គ្រងកម្ចីខូចដោយប្រសិទ្ធភាពមានន័យថា កម្ចីទាំងនោះអាចនឹងត្រូវបានជំនួសដោយដំណោះស្រាយថ្មី និងអាចទទួលយកបាន។ កម្ចីមិនដំណើរការ (កម្ចីខូច) ធ្វើឱ្យការប្រាក់កើនឡើង អត្រាការប្រាក់លើកម្ចីថ្មីគួរតែសមស្របទៅនឹងចំណូលដែលទទួលបាន។ អត្ថប្រយោជន៍ដទៃទៀតនោះគឺវានឹងកាត់បន្ថយនូវថ្លៃដើមនៃដើមទុន ឬកាត់បន្ថយនូវលក្ខខណ្ឌមួយចំនួន ទាំងនេះជាលទ្ធផលដែលបានមកពីការកាត់បន្ថយកម្ចីមិនដំណើរការ។នៅក្នុងសេវាកម្មសំខាន់របស់យើង គឺយើងធ្វើការជាមួយស្ថាប័នធនាគារ មីក្រូហិរញ្ញវត្ថុ ដោយរួមមានការវិភាគ វាយតម្លៃ និងផ្តល់ជំនួយនានា ដើម្បីជួយប្រមូល និងដោះស្រាយកម្ចីមិនដំណើរការ។ យើងក៏ធ្វើការងារជាមួយអតិថិជន ដោយមានសេណារីយ៉ោ ដែលសមស្របទៅតាមតម្រូវការរបស់ស្ថាប័នដែលផ្តល់ឥណទាន។

មិនថាអ្នកបើកគណនីសន្សំជាលើកទី១ ឬអ្នកមានគណនីបញ្ញើរាប់ឆ្នាំហើយក្តី អ្នកក៏គួរតែស្គាល់ពីប្រភេទ សេវាកម្មធនាគារផ្សេងៗដែលមាន។ ការណ៍នេះ ជួយឱ្យអ្នកអាចទាញប្រយោជន៍ពីស្ថាប័នហិរញ្ញវត្ថុបានកាន់តែច្រើន។ ការណ៍នេះផងដែរ នឹងនាំឱ្យអ្នកអាចរកឃើញពីអត្ថប្រយោជន៍ឬសេវាកម្ម ឬផលិតផលផ្សេងទៀតដែលស្ថាប័នផ្សេងមាន។ ការសម្រេចចិត្តថា​តើសេវាកម្មណាមួយសំខាន់ជាងអាចនាំឱ្យអ្នកអាចជ្រើសរើសធនាគារដែលអាចបំពេញតម្រូវការរបស់អ្នកបានល្អបំផុត។

យើងផ្តល់សេវាពិគ្រោះយោបល់លើផលិតផលប្រាក់បញ្ញើនិងផលិតផលប្រាក់សន្សំទៅឱ្យប្រជាជនកម្ពុជា និងអាជីវកម្មនានា ទៅតាមតម្រូវការជាក់លាក់របស់ពួកគេ។ គណនីប្រាក់បញ្ញើដែលត្រឹមត្រូវ គឺត្រូវតែផ្តល់ឱ្យដោយស្ថាប័នហិរញ្ញវត្ថុដែលអនុញ្ញាតឱ្យអតិថិជនអាចដាក់ និងដកប្រាក់បាន​ វាមានភាពងាយស្រួលនិងអាចប្រើសែក ប្រើបាននៅម៉ាស៊ីនដកនិងដាក់ប្រាក់អេធីអឹម ការទូទាត់តាមប្រព័ន្ធអេឡិចត្រូនិក និងតាមមធ្យោបាយផ្សេងៗជាច្រើនទៀត។

ដើមទុនអាជីវកម្មកើតមកពីទម្រង់ពីរប្រភេទ គឺបំណុល និងទ្រព្យ។ បំណុលសំដៅលើកម្ចី និងប្រភេទឥណទានផ្សេងៗទៀតដែលត្រូវសងនាពេលអនាគត ជាមួយនឹងការប្រាក់។ ម្យ៉ាងវិញទៀត ទ្រព្យជាទូទៅមិនពាក់ព័ន្ធនឹងកាតព្វកិច្ចនៅក្នុងការសងត្រលប់ទេ។ តែអ្នកវិនិយោគទ្រព្យទទួលបាន​ ដំណែងជាម្ចាស់កម្មសិទ្ធិនៅក្នុងក្រុមហ៊ុនជាទម្រង់ជាភាគហ៊ុនជំនួសមកវិញ។

យើងជួយសហគ្រិន អាជីវកម្មដែលទើបតែចាប់ផ្តើម និងសហគ្រាសធនតូចនិងមធ្យមឱ្យមាន ការ​យល់ដឹងពីថ្លៃដើមនៃដើមទុន រចនាសម្ព័ន្ធដើមទុនដែលត្រឹមត្រូវ (បំណុលៈទ្រព្យ) ប្រភពដើមទុន ។ល។ ក្នុងការធ្វើជំនួញ។

ទុនវិនិយោគគឺជាវិធីក្នុងការវិនិយោគលុយទៅឱ្យអ្នកវិនិយោគដទៃទៀតក្នុងគោលបំណងដើម្បីទទួលបាន ផលចំណេញ ចេញពីការធ្វើការងារជាក្រុម។ ទុនវិនិយោគមានច្រើនប្រភេទដូចជា សង្គហធន មូលនិធិជួញដូរពាណិជ្ជកម្ម មូលនិធិទីផ្សារររូបីយវត្ថុ មូលនិធិការពារហានិភ័យ។

យើងផ្តល់នូវសេវាកម្មផ្តល់ប្រឹក្សាគ្រប់ផ្នែកទាំងអស់នៃការវិនិយោគទៅដល់ស្ថាប័នឯកជន និងក្រុមហ៊ុនដែលទើបចាប់ផ្តើម រួមទាំងមុខជំនួញគ្រួសារ ដើម្បីគាំទ្រការងារដែលពួកគាត់ធ្វើ និងក្រុមហ៊ុនរបស់ពួកគាត់ផង។

ការកសាង និងរក្សាបាននូវទុនវិនិយោគប្រកបដោយជោគជ័យ តម្រូវឱ្យមានធនធានសំខាន់មួយចំនួន។ ពុទ្ធិពលជួយអតិថិជនឱ្យអាចទាញយកឱកាសវិនិយោគថ្មី និងអាចទទួលបាននូវការជួយគាំទ្រដោយផ្ទាល់នូវគ្រប់ដំណាក់កាលទាំងអស់។