ចំណេះដឹង និង ព័ត៌មាន

រដ្ឋមន្ត្រីក្រសួងកសិកម្ម ក្នុងជំនួបពិភាក្សាពីគម្រោងប្រកួតប្រជែងខ្សែច្រវាក់តម្លៃនិងលើកកម្ពស់សុវត្ថិភាពកសិកម្ម (ACSEP) ជាមួយនឹងក្រុមបេសកកម្មវាយតម្លៃពាក់កណ្តាលអណត្តិនៃធនាគារអភិវឌ្ឍន៍អាស៊ី(Mid-term Review Mission ADB)​ បានឱ្យដឹងថាកម្ចីក្នុងអត្រាការប្រាក់ទាប ជាតម្រូវការសំខាន់សម្រាប់កសិករ និងសហគមន៍កសិកម្មទំនើប។

រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានជំរុញឱ្យក្រុមការងារធនាគារពិភពលោក (World Bank) ផ្តល់ប្រាក់កម្ចីដែលមានអត្រាការប្រាក់ទាបដល់កសិករ និងសហគមន៍ចិញ្ចឹមត្រី ដើម្បីពង្រឹងអាជីវកម្ម ឱ្យមានភាពរឹងមាំ និងមានលទ្ធភាពសងត្រលប់ទៅវិញ។ ការស្នើសុំនេះ ធ្វើឡើងក្នុងជំនួបជាមួយនឹង World Bank នៅថ្ងៃទី០៨ កញ្ញា ឆ្នាំ២០២៤នេះ។

CDC បានអនុម័តគម្រោងវិនិយោគចំនួន៥៣ ក្នុងទំហំវិនិយោគជាង១,២ពាន់លានដុល្លារ ក្នុងខែសីហា

កម្ពុជា និងចិនបានចុះហត្ថលេខាលើកិច្ចព្រមព្រៀងស្តីពីមូលនិធិពិសេសសម្រាប់គម្រោងកិច្ចសហប្រតិបត្តិការមេគង្គ-ឡានឆាងឆ្នាំ២០២៤ ក្នុងទំហំទឹកប្រាក់ប្រមាណ ២លានដុល្លារ កាលពីថ្ងៃទី០៥​ ខែកញ្ញាឆ្នាំ២០២៤នេះ។ កិច្ចសហប្រតិបត្តិការតាមរយៈគម្រោងមេគង្គ-ឡានឆាង ឆ្នាំ២០២៤ នេះបានបញ្ជាក់ពីការប្តេជ្ញាចិត្តរបស់កម្ពុជា ក្នុងការជំរុញការអភិវឌ្ឍន៍ប្រកបដោយចីរភាពនិងកិច្ចសហប្រតិបត្តិការជាមួយប្រទេសមេគង្គ-ឡានឆាង។

កម្ពុជា សម្រេចបានការនាំចេញអង្ករចំនួន ៤១២ ០២៣តោន ទៅកាន់គោលដៅចំនួន៦៥ តាមរយៈក្រុមហ៊ុនចំនួន៥៣ ដែលគិតជាទឹកប្រាក់មានចំនួន ៣០៥,១៥លានដុល្លារ ក្នុងរយៈពេល ៨ខែ នៃឆ្នាំ២០២៤។ នេះបើតាមរបាយការណ៍របស់សហព័ន្ធស្រូវអង្ករកម្ពុជា ចុះថ្ងៃទី០៥ ខែកញ្ញា ឆ្នាំ២០២៤នេះ។

ឧបនាយករដ្ឋមន្ត្រី និងជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ស្នើដល់សាជីវកម្មហិរញ្ញវត្ថុអន្តរជាតិ (IFC) ឱ្យជួយពិនិត្យ និងជួយគាំទ្របន្ថែមទៀត ដល់វិស័យថ្មីដូចជា វិស័យឌីជីថល សេដ្ឋកិច្ចបៃតង ពិសេសសហគ្រាសធុនតូច និងមធ្យម (SMEs)។ ការស្នើសុំរបស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន នេះធ្វើឡើងក្នុងជំនួបពិភាក្សាការងារជាមួយនឹងលោក អាសាដ យ៉ាកុប តំណាង IFC ប្រចាំកម្ពុជា កាលពីថ្ងៃទី២៨ ខែសីហាកន្លងទៅ។

ធនាគារអភិវឌ្ឍន៍អាស៊ី (ADB) បានសម្រេចអនុម័តផ្តល់ប្រាក់កម្ចី និងជំនួយឥតសំណង ៩៣,៦លានដុល្លារ ដើម្បីកែលម្អ និងពង្រីកការផ្គត់ផ្គង់ទឹកមានសុវត្ថិភាព និងអនាម័យមូលដ្ឋាន(WASH) នៅទីជនបទសម្រាប់ពលរដ្ឋ ៨,៨ពាន់គ្រួសារ ក្នុងភូមិចំនួន៤០០ នៃឃុំចំនួន៥០ នៅកម្ពុជា។ នេះបើតាមសេចក្តីប្រកាសព័ត៌មានរបស់ ADB នៅថ្ងៃទី០២ ខែកញ្ញា ឆ្នាំ២០២៤នេះ ដោយបានគូសបញ្ជាក់ថា គម្រោងនេះផ្តោតលើខេត្តចំនួន៩ រួមមានបន្ទាយមានជ័យ បាត់ដំបង កំពង់ស្ពឺ កំពត ក្រចេះ ឧត្តរមានជ័យ ប៉ៃលិន ព្រះវិហារ និងស្ទឹងត្រែង។

ក្នុងឆមាសទី១ ឆ្នាំ២០២៤ កម្ពុជាបាននាំចេញកសិផលខ្មែរទៅកាន់ទីផ្សារគោលដៅចំនួន ៧៧ប្រទេស នៅទូទាំងពិភពលោកដោយសម្រេចបានការនាំចេញជាង ៦លានតោន គិតជាទឹកប្រាក់ប្រមាណជាង ៣៦៥០លានដុល្លារ។ទំហំនៃការនាំចេញនេះ កើនឡើងជិត ៦០% បើធៀបនឹងរយៈពេលដូចគ្នា ក្នុងឆមាសទី១ ឆ្នាំ២០២៣ដែលជាកំណើនមិនធ្លាប់មាន ក្នុងរយៈពេល ៥ឆ្នាំចុងក្រោយនេះ។

អង្គភាពជំរុញពាណិជ្ជកម្មឥណ្ឌា (ITPO)និងសហព័ន្ធឧស្សាហកម្មស្បែកជើងឥណ្ឌា (CIFI) នឹងសហការគ្នារៀបចំ«ពិព័រណ៍ស្បែកជើងអន្តរជាតិឥណ្ឌាលើកទី៨» នៅ Bharat Mandapam, Pragati Maidan ទីក្រុងញូវដេលីប្រទេសឥណ្ឌា ចាប់ពីថ្ងៃទី០៨-១០ ខែសីហា ខាងមុខនេះ។

ក្នុងឆមាសទី១ ឆ្នាំ២០២៤នេះ កម្ពុជា បាននាំចេញអង្ករចំនួនជាង៣.៣ម៉ឺនតោន ដែលស្មើនឹងប្រមាណ ២៤៧,៦០លានដុល្លារ តាមរយៈក្រុមហ៊ុនចំនួន៥១ ទៅកាន់គោលដៅចំនួន៦៣គោលដៅ។ នេះបើតាមរបាយការណ៍របស់សហព័ន្ធស្រូវអង្ករកម្ពុជា ចេញផ្សាយនាថ្ងៃទី៩ ខែកក្កដា ឆ្នាំ២០២៤។