លោក កំរង មានបទពិសោធន៍ជាង២០ឆ្នាំនៅក្នុងអាជីពដែលទាក់ទងនឹងភាពជាអ្នកដឹកនាំ គ្រប់គ្រង ក្នុងវិស័យធនាគារ ហិរញ្ញវត្ថុ និងអប់រំ។ លោកចាប់ផ្តើមអាជីពការងាររបស់ខ្លួនជាគ្រូបង្រៀនថ្នាក់បឋមសិក្សានៅកាលពីឆ្នាំ១៩៩៨ និងបានក្លាយជាគ្រូបង្រៀនមធ្យមសិក្សានៅក្នុងឆ្នាំ២០០៣។ នៅឆ្នាំ២០០៤ លោក ទិត្យ កំរងបានចូលបម្រើការងារក្នុងវិស័យមីក្រូហិរញ្ញវត្ថុជាមន្ត្រីឥណទាន និងត្រូវបានដំឡើងតួនាទីជាអ្នកគ្រប់គ្រងសាខា លោកបានបង្កើតនិងអភិវឌ្ឍនូវកម្មវិធីបណ្តុះបណ្តាលមួយចំនួនទៅឱ្យគ្រឹះស្ថានមីក្រូហិរញ្ញវត្ថុធំៗជាច្រើននៅក្នុងប្រទេសកម្ពុជា។ លោកកំរងបានសហការបង្កើតនូវកម្មវិធីសិក្សាមួយស្តីពីការអប់រំចំណេះដឹងហិរញ្ញវត្ថុនៅក្នុងគម្រោងកម្មវិធីមួយរបស់អង្គការ Good Return ដែលបង្កើតឡើងដោយអង្គការអប់រំពិភពលោកអូស្ត្រាលី ហើយលោកក៏បានដឹកនាំក្រុមគ្រូឧទ្ទេសផ្នែកបណ្តុះបណ្តាលចំណេះដឹងហិរញ្ញវត្ថុ ដើម្បីផ្តល់វគ្គបណ្តុះបណ្តាលទៅដល់សហគមន៍នានានៅក្នុងខេត្តចំនួន៧។ លោកក៏បានដឹកនាំក្រុមការងាររបស់ KTC ធ្វើការងារជាដៃគូជាមួយអង្គការក្រៅរដ្ឋាភិបាលអនុវត្តគម្រោងពង្រឹង អំណាចសេដ្ឋកិច្ចស្ត្រីដោយផ្តល់នូវការកសាងសមត្ថភាពទៅដល់ក្រុមប្រឹក្សាឃុំ អ្នកជំនួញជាស្ត្រី និងជាស្ត្រីមេផ្ទះនៅក្នុងខេត្តចំនួន៨ទូទាំងប្រទេសកម្ពុជា។ លោក កំរង ក៏បានបង្កើតនូវកម្មវិធីចំណេះដឹងហិរញ្ញវត្ថុផ្ទាល់ខ្លួនសម្រាប់យុវជន និងបានធ្វើសិក្ខាសាលាជាច្រើនទៅដល់សិស្សនិស្សិតនៅតាមសកលវិទ្យាល័យនានាទូទាំងប្រទេសកម្ពុជា។
អ្នកស្រី បុប្ផា មានបទពិសោធន៍ច្រើនជិត២០ឆ្នាំក្នុងវិស័យអប់រំ ផ្នែកបណ្តុះបណ្តាល គ្រប់គ្រង ភាពជាអ្នកដឹកនាំ និងការប្រឹក្សាយោបល់។ អ្នកស្រីបានបណ្តុះបណ្តាលទៅដល់ក្រុមប្រឹក្សាឃុំ ក្រុមប្រឹក្សាភូមិអំពីអភិបាលកិច្ចល្អ ការចូលរួមរបស់សង្គមស៊ីវិល និងការចូលរួមក្នុងការធ្វើសេចក្តីសម្រេចចិត្ត។ រយៈពេល៨ឆ្នាំចុងក្រោយនេះ អ្នកស្រីបានធ្វើវគ្គបណ្តុះបណ្តាលបំណិនជីវិតមួយចំនួនដូចជា ការអភិវឌ្ឍផ្ទាល់ខ្លួន ការជំរុញលើកទឹកចិត្ត ការប្រាស្រ័យទាក់ទងនិងសម្របសម្រួល ទៅដល់សិស្សនិស្សិត គ្រឹះស្ថានមីក្រូហិរញ្ញវត្ថុ ធនាគារ ក្រុមហ៊ុន អង្គការក្រៅរដ្ឋាភិបាល និងស្ថាប័នរដ្ឋាភិបាលមួយចំនួនទៀតផង។ អ្នកស្រីជាវាគ្មិនផ្តល់កម្លាំងចិត្តម្នាក់នៅក្នុងប្រទេសកម្ពុជាដែរ អ្នកស្រីធ្លាប់បានបម្រើការងារនៅក្នុងប្រទេសនានាក្នុងតំបន់អាស៊ីអាគ្នេយ៍ និងអាស៊ីប៉ាស៊ីហ្វិកដូចជា ប្រទេសហ្វីលីពីន វៀតណាម បង់ក្លាដេស និងទីម័រខាងកើត និងបានចូលរួមកម្មវិធី ភាពជាអ្នកដឹកនាំស្រ្តីវ័យក្មេងនៅសហរដ្ឋអាមេរិក អេស្ប៉ាញ ជប៉ុន -ល- អ្នកស្រីក៏ត្រូវបានជ្រើសរើសជាអ្នកស្រីជាអ្នកដឹកនាំប្រចាំប្រទេសកម្ពុជា នៃបណ្តាញស្ត្រី YSEALI និងក៏ជាម្ចាស់អាជីវកម្ម និងសហគ្រិនមួយរូបផងដែរ។
លោកមានបទពិសោធន៍៧ឆ្នាំក្នុងវិស័យប្រព័ន្ធផ្សព្វផ្សាយ និងសារព័ត៌មានអេឡិចត្រូនិក។ លោកបានចាប់ផ្តើមអាជីពនេះពីតួនាទីជាអ្នកស្ម័គ្រចិត្តរហូតដល់ក្លាយជានិពន្ធនាយករង ទទួលបន្ទុកផ្នែកផលិតព័ត៌មានវីដេអូ និងជាប្រធានគម្រោងថ្មីៗ២៥ ដែលជាផ្នែកមួយរបស់សារព័ត៌មានថ្មីៗ ហើយលោកបានចូលរួមបណ្តុះបណ្តាលអ្នកសារព័ត៌មានវ័យក្មេងតាមខេត្តជាច្រើនរូប ក្នុងគម្រោងរបស់អង្គការស្ថាប័ន ជាអាទិ៍ កម្មវិធីអភិវឌ្ឍន៍នៃអង្គការសហប្រជាជាតិ(UNDP)។ សំណាង បានចូលរួមក្នុងសកម្មភាពស្ម័គ្រចិត្តមួយចំនួនទាក់ទងនឹងការអភិវឌ្ឍ និងភាពជាអ្នកដឹកនាំនៅក្នុងសហគមន៍ទៀតផង។ លោក សំណាង ក្នុងនាមជានាយកផ្នែកប្រព័ន្ធផ្សព្វផ្សាយរបស់ឫទ្ធិពល ប្ដេជ្ញាយកចំណេះជំនាញរបស់ខ្លួនដែលមានកន្លងមក និងការរៀនសូត្រថ្មីៗបន្ថែម មកដឹកនាំការផលិតព័ត៌មានសេដ្ឋកិច្ចប្រចាំថ្ងៃ ព័ត៌មានបែបចំណេះដឹង និងវីដេអូល្អៗ ដើម្បីចូលរួមលើកកម្ពស់ការយល់ដឹងរបស់ប្រជាពលរដ្ឋកម្ពុជាអំពីរឿងលុយកាក់ និងបំណិនជីវិតផ្សេងៗ។
លោក ផន រិទ្ធី, ជានាយកផ្នែកលក់ និងទីផ្សារនៃក្រុមហ៊ុនឫទ្ធិពល
លោកមានបទពិសោធន៏ច្រើនជាង ៣ឆ្នាំក្នុងវិស័យផ្នែកលក់ និងទីផ្សារ។ អំឡុងពេលសិក្សាមហាវិទ្យាល័យ រិទ្ធី គឺជាយុវជនសកម្មម្នាក់។ លោកមានបទពិសោធន៍ចូលរួមបង្កើតនិងដឹកនាំក្រុមបណ្ដាញយុវជន និងជាអ្នកស្ម័គ្រចិត្តរៀបចំកម្មវិធីសិក្ខាសាលា យុទ្ធនាការសង្គមផ្សេងៗ។ លោកទទួលបានវគ្គសិក្សាជាច្រើន ពាក់ព័ន្ធនឹងទីផ្សារ ទីផ្សារឌីជីថល ដំណើរការអាជីវកម្ម និងភាពជាអ្នកដឹកនាំ។ ដោយសារមាន ចំណេះជំនាញបទពិសោធន៍លើផ្នែកទីផ្សារ និងការងារសង្គមទន្ទឹមគ្នា រិទ្ធី យល់ច្បាស់ពីការធ្វើឲ្យផលិតផល ទទួលបានការសារទពីសង្គម និងមានអាយុកាលយូរអង្វែង តាមរយៈការបង្កើតគុណតម្លៃរបស់ផលិតផល ឬក្រុមហ៊ុនផ្ទាល់។
ទន្ទឹមនឹងការសិក្សាថ្នាក់បរិញ្ញាបត្រផ្នែកគណនេយ្យនៅវិទ្យាស្ថានវណ្ណដា កញ្ញារស្មី បានបញ្ចប់វគ្គបណ្តុះបណ្តាលជាច្រើនមានដូចជា ការគ្រប់គ្រងខ្លួនឯងនិងការបង្កើនគុណភាពរស់នៅ ការជំរុញលើកទឹកចិត្ត ទំនុកចិត្តលើខ្លួនឯង ផ្នត់គំនិតវិជ្ជមានឆ្ពោះទៅកាន់ឥរិយាបទវិជ្ជមាន និងផលិតភាពការងារខ្ពស់ ចក្ខុវិស័យដើម្បីជោគជ័យ ការនិយាយជាសាធារណៈ និងវគ្គបណ្តុះបណ្តាលជាច្រើនទៀត។ ក្រៅពីការងារប្រចាំថ្ងៃរបស់ខ្លួន រស្មីឆ្លៀតពេលវេលាចូលរួមក្នុងកម្មវិធីក៏ដូចជាសកម្មភាពសង្គមមួយចំនួន ជាពិសេស កម្មវិធីដែលទាក់ទងនឹងការអភិវឌ្ឍយុវជនក្នុងនាមជាអ្នកស្ម័គ្រចិត្តទៀតផង។ កញ្ញាបានរួមចំណែកក្នុងកិច្ចការសង្គម បរិស្ថាន និងកម្មវិធីផ្នែកកសិកម្ម និងការលើកកម្ពស់ចំណេះដឹងហិរញ្ញវត្ថុផងដែរ។
កញ្ញា ម៉ាលីន ធ្លាប់មានបទពិសោធន៍លើវិស័យបណ្ដុះបណ្ដាល និងការសម្របសម្រួលប្រហែល 3 ឆ្នាំកន្លងមកហើយ កញ្ញាចូលចិត្តក្នុងការចែករំលែក និងរៀនយល់ពីបញ្ហាប្រឈមពីមនុស្សជុំវិញខ្លួន។ ការងារកាលពីមុនរបស់កញ្ញា គឺជាអ្នកសម្របសម្រួល ហើយគាត់បានបណ្តុះបណ្តាលដល់ ស្ត្រីនិង សហគ្រិនស្ត្រីជាច្រើននាក់នៅក្នុងទីក្រុងភ្នំពេញ និងខេត្តគោលដៅមួយចំនួនផងដែរ វគ្គបណ្តុះបណ្តាលទាំងនោះផ្តោតសំខាន់លើអាជីវកម្ម និងចំណេះដឹងផ្នែកហិរញ្ញវត្ថុ។ កាលពីមុនគាត់ជាមនុស្សម្នាក់ដែលមានបញ្ហាប្រឈមផ្នែកហិរញ្ញវត្ថុ និងវិបត្តិសេដ្ឋកិច្ចជាប្រចាំ ប៉ុន្តែឥឡូវនេះគាត់បានយល់អំពីរបៀបគ្រប់គ្រងហិរញ្ញវត្ថុផ្ទាល់ខ្លួន ហើយគាត់ចង់ចែករំលែកគន្លឹះ និងមេរៀនដែលគាត់ធ្លាប់បានជួបទៅកាន់អ្នកផ្សេងទៀត។ កញ្ញាជឿជាក់យ៉ាងមុតមាំថាចំណេះដឹងនៃការគ្រប់គ្រងហិរញ្ញវត្ថុមានថាមពលខ្លាំងក្នុងការផ្លាស់ប្តូរជីវិតប្រចាំថ្ងៃរបស់យើងឱ្យកាន់តែប្រសើរឡើងពីមួយថ្ងៃទៅមួយថ្ងៃ។ ស្របតាមបេសកកម្មរបស់ ឬទ្ធិពល ក្នុងការផ្តល់សិទ្ធិអំណាចដល់ប្រជាជន និងសហគ្រាសកម្ពុជា ជាមួយនឹងចំណេះដឹង ជំនាញ និងភាពជាអ្នកដឹកនាំក្នុងការគ្រប់គ្រងហិរញ្ញវត្ថុ។
លោក សុផល ជីវន្ត បុគ្គលិកបម្រើការងារនៅក្នុងក្រុមហ៊ុនឫទ្ធិពល ជាអ្នករចនា និងគ្រប់គ្រងបណ្តាញសង្គម។ លោក ជីវ័ន្ត មានបទពិសោធការងារជាងមួយឆ្នាំលើផ្នែករចនា។ បច្ចុប្បន្នលោកកំពុសិក្សាឆ្នាំ៤ ជំនាញប្លង់និងរចនា នៅវិទ្យាស្ថានស៊ីតិក។ ក្នុងការចូលរួមជាមួយឬទ្ធិពល សម្រាប់ខ្ញុំគឺរំពឹងទុកថា និងទទួលបាននូវបទពិសោធន៍ និងចំណេះដឹងថ្មីៗ ចំពោះការងារស្នូល និងចំណេះដឹងហិរញ្ញវត្ថុ។ មួយវិញទៀតខ្ញុំពេញចិត្តទៅនឹងទស្សនៈវិស័យរបស់ឬទ្ធិពល ព្រោះវាជាចំណែកមួយជួយដល់ប្រជាជនកម្ពុជាអោយមានភាពសុខដុមរមនាផ្នែកហិរញ្ញវត្ថុ។
លោក វិន ដារ៉ូ បានបញ្ចប់ការសិក្សាជំនាញវិស្វកម្មអេឡិកត្រូនិក។ លោកមានបទពិសោធន៍បម្រើការងារផ្នែកបច្ចេកទេស និងរចនា នៅក្នុងក្រុមហ៊ុនបោះពុម្ពមួយកន្លែងនៅភ្នំពេញ អស់រយៈពេល ៥ឆ្នាំ។ លោកជាអ្នករចនាដ៏ប៉ិនប្រសប់ម្នាក់ ដែលតែងតែបង្កើតនូវអ្វីដែលប្លែក និងបន្តរៀនសូត្រអ្វីដែលថ្មី ដើម្បីធ្វើយ៉ាងណាឲ្យរូបភាពដែលខ្លួនបង្កើតឡើងមានភាពទាក់ទាញ ប្រកបដោយខ្លឹមសារ។ លោកអះអាងថា ការផ្សព្វផ្សាយពាណិជ្ជកម្មលើផលិតផលអ្វីមួយ គេត្រូវគិតពីការរចនានេះជាចម្បង ព្រោះបើរូបភាពស្អាតមានភាពទាក់ទាញ នោះសាធារណជននឹងត្រូវទាក់ចិត្តចង់ដឹងពីផលិតផលនោះបន្ថែមទៀត។
កញ្ញា លក្ខិណាជាបុគ្គលិកបម្រើការងារនៅក្នុងក្រុមហ៊ុនឫទ្ធិពលជាអ្នកថតរូប និងកាត់តវីដេអូ។ កញ្ញា លក្ខិណា បានបញ្ចប់ការសិក្សាបរិញ្ញាប័ត្ររងជំនាញកាត់វីដេអូ នៅសាលាបណ្តុះបណ្តាលវិជ្ជាជីវៈដុនបូស្កូ។កញ្ញាមានការចាប់អារម្មណ៍ចំពោះចំណេះដឹងហិរញ្ញវត្ថុជាខ្លាំង ហើយគាត់ជាបុគ្គលិកដែលខិតខំប្រឹងប្រែងជំនះឱ្យជីវិតមានភាពប្រសើរឡើងតាមរយៈការធ្វើឱ្យស្ថានភាពហិរញ្ញវត្ថុរបស់កញ្ញាមានភាពប្រសើរឡើង។ កញ្ញា បានចូលបម្រើការងារនៅក្នុងក្រុមហ៊ុនឫទ្ធិពលជិត១ឆ្នាំហើយ។
កញ្ញាសំភាស់ជាអ្នកហាត់ការផ្នែកសារព័ត៌មាននៅក្នុងក្រុមហ៊ុនឫទ្ធិពល។ គាត់បានបញ្ចប់ការសិក្សាថ្នាក់ទី១២ និង បញ្ចប់វគ្គបណ្តុះបណ្តាលផ្នែកសារព័ត៌មានវិជ្ជាជីវៈនៅមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ (CCIM)។ ជាបទពិសោធន៍របស់គាត់ផ្ទាល់ គាត់ជាមនុស្សម្នាក់ដែលមិនធ្លាប់កំណត់គោលដៅជីវិតសោះ ហើយក៏មិនដែលគិតថាការគ្រប់គ្រងហិរញ្ញវត្ថុជារឿងសំខាន់ដែរ តែនៅពេលដែលគាត់ឡើងមកបន្តការសិក្សានៅភ្នំពេញទើបគាត់ដឹងថារឿងទាំងពីរនេះគឺសំខាន់បំផុតសម្រាប់គាត់ ដូច្នេះហើយទើបគាត់ចង់ឃើញប្រជាជនកម្ពុជាចេះកំណត់គោលដៅជីវិត និងចេះគ្រប់គ្រងហិរញ្ញវត្ថុផ្ទាល់ខ្លួននិងក្រុមគ្រួសារឲ្យបានល្អប្រសើរ ហើយនេះជាមូលហេតុដែលគាត់ចូលមកហាត់ការនៅក្នុងក្រុមហ៊ុនឫទ្ធិពល ព្រោះឫទ្ធិពលមានទស្សនវិស័យ និង បេសកកម្ម ដែលសមស្របទៅនិងគោលដៅរបស់គាត់។
កញ្ញាជាអ្នកហាត់ការផ្នែកសរសេរមាតិកានៅក្នុងក្រុមហ៊ុនឫទ្ធិពល។ កញ្ញា ស៊ីណេត បានបញ្ចប់ការសិក្សាថ្នាក់ទី១២ និងបញ្ចប់វគ្គបណ្តុះបណ្តាលមូលដ្ឋានគ្រឹះនៃសារព័ត៌មាន នៅអង្គការកម្មវិធីអភិវឌ្ឍធនធានយុវជន (YRDP)។កញ្ញ ស៊ីណេត ចាប់ផ្តើមចាប់អារម្មណ៍លើចំណេះដឹងហិរញ្ញវត្ថុនៅពេលដែលគាត់បានចូលរួមការងារស្ម័គ្រចិត្តជាមួយក្រុមហ៊ុនឫទ្ធិពលកាលពីឆ្នាំ២០២១កន្លងទៅនេះ ហើយគាត់ក៏ចាប់ផ្តើមចូលរួមសកម្មភាពនៅក្នុងក្រុមហ៊ុនឫទ្ធិពលកាន់តែច្រើន រហូតគាត់បានក្លាយជាអ្នកហាត់ការសរសេរមាតិកា។ បន្ថែមពីលើការងារសរសេរមាតិកា កញ្ញាស៊ីណេតក៏ចូលរួមចំណែកជួយផ្សព្វផ្សាយពីចំណេះដឹងហិរញ្ញវត្ថុតាមរយៈការផ្សព្វផ្សាយវគ្គបណ្តុះបណ្តាលអនឡាញ និងការចូលរួមរៀបចំកម្មវិធីផ្សេងៗផងដែរ។
លោក ញ៉ុង ហេង គឺជាអ្នកគ្រប់គ្រងផ្នែកព័ត៌មាន និង ការផ្សព្វផ្សាយនៃក្រុមហ៊ុនឫទ្ធិពល
លោកបានបម្រើការងារជាអ្នកកាសែត ៥ឆ្នាំមកហើយលើផ្នែកសេដ្ឋកិច្ច។ ពិតណាស់ព័ត៌មានសេដ្ឋកិច្ច គឺមានលក្ខណៈបច្ចេកទេសច្រើនបន្តិចហើយ បើធៀបនឹងព័ត៌មានសង្គមឬព័ត៌មានជាតិ ដែលទាមទារឲ្យអ្នករាយការណ៍ព័ត៌មានផ្នែកនេះ មានចំណេះជំនាញគ្រប់គ្រាន់អាចធ្វើឲ្យភាពស្មុគស្មាញ ប្រែមកងាយយល់។ បច្ចុប្បន្ន លោកចូលរួមជាមួយ«ឫទ្ធិពលមេឌា»ដែលជាស្ថាប័នផ្ដល់ព័ត៌មានសេដ្ឋកិច្ច ធនាគារនិងហិរញ្ញវត្ថុ ជូនដល់សាធារណជន។ លោកជឿជាក់ថាព័ត៌មានទាំងឡាយដែលកើតចេញពីស្នាដៃរបស់ខ្លួន និងក្រុមការងារនៃ«ពុទ្ធិពលមេឌា»នឹងរួមចំណែកអភិវឌ្ឍន៍សង្គមជាតិ ជាពិសេស គឺស្របនឹងគោលដៅរបស់«ឫទ្ធិពល»ដែលមានចក្ខុវិស័យលើកកម្ពស់ចំណេះដឹងហិរញ្ញវត្ថុរបស់ពលរដ្ឋកម្ពុជា។
លីសាន់ឌឺ ជាអ្នកគ្រប់គ្រងផ្នែកបណ្តាញសង្គម និងឌីជីថល នៃក្រុមហ៊ុនឫទ្ធិពល
លោក លី សាន់ឌឺ កំពុងសិក្សាជំនាញទីផ្សារនៅមហាវិទ្យាល័យ។ លោកបានបម្រើការងារលក់ខុនដូ នៅក្រុមហ៊ុនអារ៉ាខាវ៉ា និងជាស្ថាបនិកជុំរុំឌីជីថលកម្ពុជា មុនមកចូលរួមជាមួយឫទ្ធិពល។ រឹតតែពិសេស សាន់ឌឺ ព្យាយាមសម្រួតខ្លួនលើជំនាញទីផ្សារឌីជីថល តាមរយៈការចូលរួមក្នុងវគ្គបណ្ដុះបណ្ដាលនានា និងស្វ័យសិក្សា។ លោកមានចំណង់ចំណូលចិត្តខ្ពស់ក្នុងការស្រាវជ្រាវពីការវិវឌ្ឍថ្មីៗក្នុងវិស័យឌីជីថល ដើម្បីជំរុញឲ្យការធ្វើទីផ្សារក្នុងជំនាញរបស់ខ្លួន តាមទាន់និន្នាការរបស់ពិភពលោក។ លោកមានការប្ដេជ្ញា ជួយឲ្យផលិតផលរបស់ក្រុមហ៊ុនឫទ្ធិពល ព្រមទាំងក្រុមហ៊ុនដែលមករកសេវាពីឫទ្ធិពលទាំងអស់ បានទៅដល់គោលដៅដែលក្រុមហ៊ុនចង់បាន ដើម្បីទទួលបានភាពរីកចម្រើនស្របតាមយុគសម័យឌីជីថលនេះ។
វិន ដារ៉ូ គឺជាអ្នកគ្រប់គ្រងផ្នែករចនានៃក្រុមហ៊ុនឫទ្ធិពល
លោក វិន ដារ៉ូ បានបញ្ចប់ការសិក្សាជំនាញវិស្វកម្មអេឡិកត្រូនិក។ លោកមានបទពិសោធន៍បម្រើការងារផ្នែកបច្ចេកទេស និងរចនា នៅក្នុងក្រុមហ៊ុនបោះពុម្ពមួយកន្លែងនៅភ្នំពេញ អស់រយៈពេល ៥ឆ្នាំ។ លោកជាអ្នករចនាដ៏ប៉ិនប្រសប់ម្នាក់ ដែលតែងតែបង្កើតនូវអ្វីដែលប្លែក និងបន្តរៀនសូត្រអ្វីដែលថ្មី ដើម្បីធ្វើយ៉ាងណាឲ្យរូបភាពដែលខ្លួនបង្កើតឡើងមានភាពទាក់ទាញ ប្រកបដោយខ្លឹមសារ។ លោកអះអាងថា ការផ្សព្វផ្សាយពាណិជ្ជកម្មលើផលិតផលអ្វីមួយ គេត្រូវគិតពីការរចនានេះជាចម្បង ព្រោះបើរូបភាពស្អាតមានភាពទាក់ទាញ នោះសាធារណជននឹងត្រូវទាក់ចិត្តចង់ដឹងពីផលិតផលនោះបន្ថែមទៀត។
លោក ធី ប៊ុនថេង គឺជាមន្ត្រីផ្នែកលក់និងទីផ្សារនៃក្រុមហ៊ុនឫទ្ធិពល
ក្រៅពីកំពុងសិក្សាជំនាញសេដ្ឋកិច្ចគ្រប់គ្រងនៅមហាវិទ្យាល័យ លោក ធី ប៊ុនធេង កំពុងប្រឡូកការងារផ្នែកលក់និងទីផ្សារក្នុងក្រុមហ៊ុនឫទ្ធិពល ដែលខ្លួនរំពឹងថាទទួលបានបទពិសោធន៍ថ្មីៗបន្ថែមទៀត។ បទពិសោធន៍ដំបូងរបស់ប៊ុនធេង គឺផ្ដើមពីការងារសង្គមស្ម័គ្រចិត្តជាមួយក្រុមយុវជនសហភាពសហព័ន្ធយុវជនកម្ពុជា។ ប៊ុនធេង ជឿជាក់ថា រូប និងចរិយាសម្បត្តិល្អរបស់ខ្លួន ដែលជាមនុស្សរួសរាយរាក់ទាក់ ខ្នះខ្នែងបម្រើអតិថិជនដោយឥតនឿយហត់ និងចេះស្វែងយល់ពីតម្រូវការរបស់អ្នកដទៃ នឹងជំរុញឲ្យខ្លួនក្លាយជាស្ពានតភ្ជាប់ដ៏សំខាន់រវាងផលិតផលរបស់ក្រុមហ៊ុន និងតម្រូវការរបស់អតិថិជន។