ពលរដ្ឋដែលមានប្រាក់ចំណូលកម្រិតទាប ពិបាកក្នុងការទទួលបាន«សេវាហិរញ្ញវត្ថុ»
ភ្នំពេញ៖ ប្រជាជនពេញវ័យប្រមាណ ៧៥% រកប្រាក់ចំណូលបានតិចជាង ១លានរៀល (ប្រមាណ ២៤៦ដុល្លារអាមេរិក) ក្នុងមួយខែ។ ប្រជាជនភាគច្រើនមានប្រាក់ចំណូលអាចប្រើប្រាស់បានទាបដែលក្នុងនោះ ប្រមាណ ២៩% ពុំមានប្រាក់ចំណូលទាល់តែសោះ។
ក្នុងចំណោម ៤៤% នៃប្រជាជនពេញវ័យដែលសន្សំប្រាក់មាន ៦០% អាចរក្សាទុកប្រាក់សន្សំយូរបំផុតត្រឹមរយៈពេលមួយខែដែលបង្ហាញថា ប្រាក់សន្សំដែលរក្សាទុកមានបរិមាណតិចតួច។ ដូច្នេះប្រជាជនទាំងនេះមិនមានលទ្ធភាពប្រើប្រាស់សេវាហិរញ្ញវត្ថុផ្លូវការឡើយ ដោយសារសេវាហិរញ្ញវត្ថុភាគច្រើនផ្តល់អត្ថប្រយោជន៍ច្រើនសម្រាប់តែប្រាក់បញ្ញើរយៈពេលវែងប៉ុណ្ណោះ។
ប្រជាជនពេញវ័យ ១២% មិនអាចរក្សាសមតុល្យអប្បបរមានៅក្នុងគណនី ហើយ ៨% យល់ថាគ្រឹះស្ថានធនាគារគិតកម្រៃសេវាហិរញ្ញវត្ថុថ្លៃពេក។ គ្រឹះស្ថានមីក្រូហិរញ្ញវត្ថុទទួលប្រាក់បញ្ញើបានផ្តល់ការប្រាក់ខ្ពស់ចំពោះសេវាប្រាក់បញ្ញើមានកាលកំណត់រយៈពេលវែង ក៏ប៉ុន្តែ ការប្រមូលប្រាក់សន្សំតូចៗសម្រាប់រយៈពេលវែង និងការផ្តល់ការប្រាក់ខ្ពស់លើប្រាក់សន្សំទាំងនេះ នៅតែជាបញ្ហាប្រឈមរបស់គ្រឹះស្ថាន៕
(ដកស្រង់ពីសៀវភៅ«យុទ្ធសាស្ត្រជាតិស្តីពីបរិយាបន្នហិរញ្ញវត្ថុឆ្នាំ២០១៩-២០២៥» ដែលបានទទួលការឯកភាពពីគណៈរដ្ឋមន្ត្រីក្នុងសម័យប្រជុំពេញអង្គ នាថ្ងៃទី១២ខែកក្កដា ឆ្នាំ២០២១៩)
អត្ថបទផ្សេងទៀត
.svg)
.svg)
