ភ្នំពេញ៖ អគ្គនាយកដ្ឋានពន្ធដារប្រកាសហៅអគ្គនាយកក្រុមហ៊ុនចំនួន២ ឲ្យចូលខ្លួនមកទូទាត់បំណុលពន្ធជូនរដ្ឋដោយផ្អែកតាមច្បាប់ស្តីពីសារពើពន្ធ និងប្រកាសស្តីពីការគ្រប់គ្រងបំណុលពន្ធ។ ក្រុមហ៊ុនទាំង២ ត្រូវទូទាត់បំណុលនេះដោយមិនឲ្យលើសពី ១៥ថ្ងៃបន្ទាប់ពីការជូនដំណឹងរបស់អគ្គនាយកដ្ឋានពន្ធដារកាលពីថ្ងៃទី០៤ ខែវិច្ឆិកា ឆ្នាំ២០២២។

បើតាមលិខិតអញ្ជើញរបស់អគ្គនាយកដ្ឋានពន្ធដារចំនួន២ផ្សេងគ្នាផ្ញើទៅកាន់អគ្គនាយកក្រុមហ៊ុន ទាំងនោះរួមមាន៖ ១. លោក LIU BIMAO អគ្គនាយកក្រុមហ៊ុនជូឌីង អ៊ិនធើណេសិនណល ប៊ីហ្សនេស (ខេមបូឌា) ឯ.ក និងទី២ លោក ផាត សុភា អគ្គនាយកគម្រោងសុខហេង វីឡា។

ក្នុងករណីដែលនាយកក្រុមហ៊ុនទាំង២ខាងលើនេះមិនព្រមចូលខ្លួនទូទាត់បំណុលពន្ធជូនរដ្ឋតាមកាលកំណត់អគ្គនាយកដ្ឋានពន្ធដារនឹងចាត់វិធានការតាមផ្លូវច្បាប់ដោយប្តឹងទៅតុលាការដើម្បីផ្តន្ទាទោសតាមផ្លូវច្បាប់ជាធរមាន៕