ភ្នំពេញ៖ អគ្គនាយកដ្ឋានពន្ធដារ កោះហៅម្ចាស់ក្រុមហ៊ុនចំនួន២ ឲ្យចូលខ្លួនដោះស្រាយបំណុលពន្ធជូនរដ្ឋដោយមិនឲ្យលើសពី ១៥ថ្ងៃ បន្ទាប់ពីការជូនដំណឹងរបស់អគ្គនាយកដ្ឋានពន្ធដារ កាលពីថ្ងៃទី១០ ខែមេសា ឆ្នាំ២០២៣នេះ ដោយផ្អែកតាមច្បាប់ស្តីពីសារពើពន្ធនិងប្រកាសស្តីពីការគ្រប់គ្រងបំណុលពន្ធ។

បើតាមសេចក្តីជូនដំណឹងរបស់អគ្គនាយកដ្ឋានពន្ធដារចំនួន២ផ្សេងៗគ្នា ផ្ញើទៅកាន់អគ្គនាយកក្រុមហ៊ុនទាំងនោះមានដូចជា៖ ១. Lee Yeon Woo នាយកក្រុមហ៊ុន ហ្គាវ័ន្ត អឹភែរឹល និងទី២ លោកស្រី Cha Kyeonghee នាយកក្រុមហ៊ុន ហ្វឹស ហ្គាវ័ន្ត អឹភែរឹល (ខេមបូឌា)។

ក្នុងករណីដែលអគ្គនាយកក្រុមហ៊ុនទាំង២ខាងលើ មិនព្រមចូលខ្លួនដោះស្រាយបំណុលពន្ធជូនរដ្ឋតាមកាលកំណត់ អគ្គនាយកដ្ឋានពន្ធដារនឹងចាត់វិធានការតាមផ្លូវច្បាប់ដោយប្តឹងទៅតុលាការដើម្បីផ្តន្ទាទោសតាមផ្លូវច្បាប់ជាធរមាន៕