ភ្នំពេញ៖ និយ័តករបរធនបាលកិច្ច (ន.ប.ធ)​ បានទទួលស្គាល់ក្រុមហ៊ុន ខ្មែរ ហ្វោនដេសិន អឹព្រហ្សល ខូអិលធីឌី (Khmer Foundation Appraisal Co., Ltd) ជាក្រុមហ៊ុនវាយតម្លៃក្នុងវិស័យបរធនបាលកិច្ច ដោយក្រុមហ៊ុននេះ បានបំពេញតាមលក្ខខណ្ឌតម្រូវគ្រប់គ្រាន់តាមបទប្បញ្ញត្តិជាធរមាន។

បើតាមសេចក្តីជូនដំណឹងរបស់និយ័តករបរធនបាលកិច្ច កាលពីថ្ងៃទី១២ ខែឧសភា ឆ្នាំ២០២៣នេះ ចំពោះបរធនបាល បរធនបាលទាយក ឬអ្នកផ្តល់វិភាគទានបរធនបាលកិច្ចបុគ្គល ផ្តល់សេវាពាក់ព័ន្ធក្នុងវិស័យបរធនបាលកិច្ច និងសាធារណៈជនទូទៅ ដែលមានបំណងប្រើប្រាស់សេវាវាយតម្លៃ ក្នុងវិស័យបរធនបាលកិច្ចអាចទំនាក់ទំនងទៅកាន់ក្រុមហ៊ុនខាងលើបាន៕