ក្រុមហ៊ុន ៨ ទៀត ត្រូវបានពន្ធដារ ហៅទៅដោះស្រាយបំណុលពន្ធជូនរដ្ឋ
ភ្នំពេញ៖ អគ្គនាយកដ្ឋានពន្ធដារ កោះហៅម្ចាស់ក្រុមហ៊ុនចំនួន៨ ឲ្យចូលខ្លួនដោះស្រាយបំណុលពន្ធជូនរដ្ឋ ដោយមិនឲ្យលើសពី ១៥ថ្ងៃ បន្ទាប់ពីការជូនដំណឹងរបស់អគ្គនាយកដ្ឋានពន្ធដារ កាលពីថ្ងៃទី០១ ខែមិថុនា ឆ្នាំ២០២៣ ដោយផ្អែកតាមច្បាប់ស្តីពីសារពើពន្ធ និងប្រកាសស្តីពីការគ្រប់គ្រងបំណុលពន្ធ។
បើតាមលិខិតអញ្ជើញរបស់អគ្គនាយកដ្ឋានពន្ធដារចំនួន៨ ផ្សេងគ្នា ផ្ញើទៅកាន់អគ្គនាយកក្រុមហ៊ុនទាំងនោះ មានដូចជា៖ ១. លោក ផន អ៊ុយលី អគ្គនាយកក្រុមហ៊ុន ហាងលក់ម៉ូតូ ឈឹមនាង។ ទី២. លោក-លោកស្រីនាយក សហគ្រាស សៀក ឈៀវ ឡេង អ៊ិនធើប្រាយ។ ទី៣. លោក Yang Jing អគ្គនាយកក្រុមហ៊ុន ស៊ីអិន ប៉ាវ តាវ ហ្គ្រីន ខនស្ត្រាក់សិន មេធៀរៀល ឯ.ក។ ទី៤. លោកស្រី Chen Xin អគ្គនាយិកាក្រុមហ៊ុន ឈឺចេង អ៊ិនធើណេសិនណល (ខេមបូឌា) អ៊ិនស្តឹឡេសិន អេជីនារីង អេឃ្វីបម៉ិន ឯ.ក។ ទី៥. លោក Deng Longqing អគ្គនាយកក្រុមហ៊ុន ឆាយណា គ័ងស៊ី ភីនហ្គល អាលុយមីញ៉ូម មេធៀរៀល កម្ពុជា ឯ.ក។ ទី៦. លោក Ding Yitong អគ្គនាយកក្រុមហ៊ុន ស៊ីអិន តុង ស៊ីន ឯ.ក។ ទី៧.លោក Zou Yangyiran អគ្គនាយកក្រុមហ៊ុន ជាវ នួប៊ីលឌីង មេធៀរៀល ផាតនើស៊ីប (ខេមបូឌា) ឯ.ក និងទី៨ លោក Somsak Sujjapornkul អគ្គនាយកក្រុមហ៊ុន ស៊ីនភើមភូន ខូ អិលធីឌី។
ក្នុងករណីអគ្គនាយកក្រុមហ៊ុនទាំង៨ខាងលើ មិនព្រមចូលខ្លួនដោះស្រាយបំណុលពន្ធជូនរដ្ឋតាមកាលកំណត់ អគ្គនាយកដ្ឋានពន្ធដារ នឹងចាត់វិធានការតាមផ្លូវច្បាប់ ដោយប្តឹងទៅតុលាការដើម្បីផ្តន្ទាទោសតាមផ្លូវច្បាប់ជាធរមាន៕
អត្ថបទផ្សេងទៀត
.svg)
.svg)
