៥ខែដើមឆ្នាំ២០២៣ កម្ពុជា រកចំណូលពីការនាំចេញស្រូវអង្ករបានជាង ៧៣០លានដុល្លារ
ភ្នំពេញ៖ ក្នុរយៈពេល៥ខែ នៃឆ្នាំ២០២៣នេះ កម្ពុជាបាននាំចេញអង្ករតាមរយៈក្រុមហ៊ុនចំនួន ៤៨ក្រុមហ៊ុន បានអង្ករចំនួន ២៧៨ ១៨៤តោន និងស្រូវចំនួន ២ ១៤២ ៤៨៣តោន គិតជាទឹកប្រាក់សរុបប្រមាណ ៧៣៦,៩០លានដុល្លារ។ នេះបើតាមរបាយការណ៍នាំចេញស្រូវនិងអង្ករ សម្រាប់រយៈពេល ៥ខែដំបូងក្នុងឆ្នាំ២០២៣ របស់សហព័ន្ធស្រូវអង្ករកម្ពុជា កាលពីថ្ងៃទី០៨ ខែមិថុនា ឆ្នាំ២០២៣។
របាយការណ៍ដដែរ បានឲ្យដឹងថា ការនាំចេញអង្ករទៅកាន់គោលដៅចំនួន៤៩ គិតជាទឹកប្រាក់បានចំនួន ១៩១,៦៤លានដុល្លារ។ ក្នុងនោះការនាំចេញអង្ករទៅកាន់ប្រទេសនៅក្នុងទ្វីបអឹរ៉ុបចំនួន ២៥ប្រទេស គ្របដណ្តប់ចំនួន ៣៧,៩៣% គិតជាទឹកប្រាក់បានប្រមាណ ៧១,៩៩លានដុល្លារ។ ប្រទេសអាស៊ានចំនួន៤ ស្មើនឹង ៤,៨៦% ដែលក្នុងនោះប្រទេសហ្វីលីពីន ជាទីផ្សារទើបនាំចេញក្នុងបរិមាណធំលើកទី១ បានចំនួន ២ ៥៧៥តោន និងទីផ្សារផ្សេងៗចំនួន ២០គោលដៅ ស្មើនឹង ១០,៧៨%។ ចំណែកប្រទេសចិន នៅតែជាទីផ្សារចម្បងរបស់កម្ពុជា ដែលគ្របដណ្តប់លើការនាំចេញសរុបរបស់កម្ពុជាចំនួន ៤២,៤៣% គិតជាទឹកប្រាក់ចំនួន ៧៧,៤២លានដុល្លារ។
ជាមួយគ្នានេះ កម្ពុជា ក៏បាននាំចេញអង្ករក្រអូបគ្រប់ប្រភេទបានចំនួន ៨៣,៤៩% អង្ករសបានចំនួន ១០,៨៧% អង្ករចំហុយបានចំនួន ៣,៧១% អង្ករសរីរាង្គបានចំនួន ១,៩៣% និងបាននាំចេញស្រូវទៅកាន់ប្រទេសវៀតណាម បានចំនួន ២ ១៤២ ៤៨៣តោន គិតជាទឹកប្រាក់ប្រមាណ ៥៤៥,២៦លានដុល្លារ៕
អត្ថបទផ្សេងទៀត
.svg)
.svg)
