ភ្នំពេញ៖ អគ្គនាយកដ្ឋានពន្ធដារ កោះហៅម្ចាស់ក្រុមហ៊ុនចំនួន៥ ឲ្យចូលខ្លួនដោះស្រាយបំណុលពន្ធជូនរដ្ឋតាមកាលកំណត់ ដោយមិនឲ្យលើសពី ១៥ថ្ងៃ បន្ទាប់ពីការជូនដំណឹងរបស់អគ្គនាយកដ្ឋានពន្ធដារ កាលពីថ្ងៃទី១៤ ខែមិថុនា ឆ្នាំ២០២៣នេះ ដោយផ្អែកតាមច្បាប់ស្តីពីសារពើពន្ធ និងប្រកាសស្តីពីការគ្រប់គ្រងបំណុលពន្ធ។

បើតាមលិខិតអញ្ជើញរបស់អគ្គនាយកដ្ឋានពន្ធដារចំនួន៥ ផ្សេងៗគ្នា ផ្ញើទៅកាន់អភិបាលក្រុមហ៊ុនទាំងនោះរួមមាន៖ ១. លោក Wang Xiaohui អភិបាលក្រុមហ៊ុន ឡាន សេង ឌាន អេឡិកទ្រីក (ខេមបូឌា) ឯ.ក។ ទី២. លោក Chen Yuezhou អភិបាលក្រុមហ៊ុន វីង ហ្វាស់ ត្រេដ ឯ.ក។ ទី៣. លោក Zhong Wei អភិបាលក្រុមហ៊ុន ជេ អេច តែកឌីង ខាថិន ឯ.ក។ ទី៤. លោក Yu Yuanfeng អភិបាលក្រុមហ៊ុន វ៉ាលអិល ខឹឡឺ តែកឃីង ឯ.ក និងទី៥ លោក Qiao Rui អភិបាលក្រុមហ៊ុន ឈាវ ស័ងយ៉ី ផេភើរ។

ក្នុងករណីអភិបាលក្រុមហ៊ុនទាំង៥ខាងលើ មិនព្រមចូលខ្លួនដោះស្រាយបំណុលពន្ធជូនរដ្ឋតាមកាលកំណត់ អគ្គនាយកដ្ឋានពន្ធដារ នឹងចាត់វិធានការតាមផ្លូវច្បាប់ដោយប្តឹងទៅតុលាការដើម្បីផ្តន្ទាទោសតាមផ្លូវច្បាប់ជាធរមាន៕