ភ្នំពេញ៖ វេទិកា«សហគ្រិនស្រ្តីក្នុងការអភិវឌ្ឍអាជីវកម្មនិងពិព័រណ៍ពាណិជ្ជកម្មក្នុងស្រុក» នឹងរៀបចំធ្វើរយពេល២ថ្ងៃចាប់ពីថ្ងៃទី១-២ ខែកញ្ញា ខាងមុខនេះ នៅ Factory Phnom Penh។ គោលបំណងនៃវេទិការនោះ ដើម្បី​ពង្រឹង​បណ្តាញ​ប្រព័ន្ធ​​អេកូឡូស៊ីសម្រាប់សហគ្រិនស្ត្រីវ័យក្មេង​ក្នុងការទទួលបានព័ត៌មាន និង​អាចឱ្យពួកគេមាន​​ការ​​​​​​ពិភា​ក្សា​​លើដំណោះស្រាយផ្ទាល់ខ្លួនកាន់តែស៊ីជម្រៅ។

វេទិកា«សហគ្រិនស្រ្តីក្នុងការអភិវឌ្ឍអាជីវកម្មនិងពិព័រណ៍ពាណិជ្ជកម្មក្នុងស្រុក» រៀបចំដោយ ទីភ្នាក់ងារ USAID អង្គការ PACT និងសម្ព័ន្ធសមាគមសហគ្រាសធុនតូចនិងមធ្យមកម្ពុជា (FASMEC) នៅថ្ងៃទី១-២ ខែកញ្ញា ឆ្នាំ២០២៣ខាងមុខនេះ ដែលមានកម្មវិធីសំខាន់ៗមួយចំនួនដូចជា ការចុះបញ្ជីពាណិជ្ជកម្មដែលផ្តល់ជាវេទិកាសម្រាប់សហគ្រិនស្រ្តីក្នុងការពិភាក្សា និងសិក្សាស្វែងយល់អំពីដំណើរក៏ដូចជាសារសំខាន់នៃការចុះបញ្ជីពាណិជ្ជកម្ម, ការប្រឹក្សាអំពីបញ្ហាអាជីវកម្ម​ដែលអនុញ្ញាតឲ្យសហគ្រិនស្រ្តីលើកយកបញ្ហាប្រឈមនានាអំឡុងពេលធ្វើអាជីកម្មទៅពិភាក្សាផ្ទាល់ជាមួយអ្នកជំនាញ។

បន្ថែមពីនេះ វេទិកាដែលការដាក់តាំងពិព័រណ៍ផលិតផលជាង​២០០ ស្តង់របស់សហគ្រិនស្រ្តីផងនោះ ក៏នឹងពិភាក្សាអំពីប្រធានបទចម្បងៗដូចជា៖លទ្ធភាពក្នុងការទទួលបានចំណែកទីផ្សារ លទ្ធភាពក្នុងការទទួលបានហរិញ្ញប្បទានលទ្ធភាពក្នុងការទទួលបានព័ត៌មានផ្នែកច្បាប់ ស្តីពី ការចុះបញ្ជីអាជីវកម្មនិងលទ្ធភាពក្នុងការទទួលបានព័ត៌មានដែលទាក់ទងនឹងការទទួលបានការគាំពារសង្គមសម្រាប់អាជីវករផងដែរ។តំណភ្ជាប់ចុះឈ្មោះចូលរួមកម្មវិធីឱ្យបានមុនថ្ងៃទី២៧ ខែសីហា ឆ្នាំ២០២៣ ៖ https://bit.ly/WEAct5thForum-Registration-Form៕