ភ្នំពេញ៖ យុវជន សិស្សនិស្សិត អាយុចន្លោះពី ១៥-២៤ ឆ្នាំ ដែលចង់ក្លាយជាសហគ្រិននាពេលអនាគតអាចដាក់ពាក្យចូលរួមក្នុងកម្មវធី«Spark Innovation Summit»បានចាប់ពីពេលនេះរហូតដល់ថ្ងៃទី៣០ ខែសីហា ឆ្នាំ២០២៣នេះ។

កម្មវធី«Spark Innovation Summit» ជាគំនិតផ្តួចផ្តើមថ្មីមួយផ្តល់ឱកាសដល់យុវជន ដែលចង់ក្លាយជាសហគ្រិនឱ្យទទួលបានមូលដ្ឋានគ្រឹះពីការបណ្តុះបណ្តាលជំនាញ និងចំណេះដឹងផ្នែកសហគ្រិនភាព ក្នុងការកសាងគំនិតអាជីវកម្មមួយឱ្យមានភាពច្បាស់លាស់ពីជំហានដំបូងទៅរហូតដល់អាចបង្កើតជាគំនិតអាជីវកម្មមួយដ៏អស្ចារ្យ។

សម្រាប់ជំហាននៃកម្មវិធីត្រូវបានបែងចែកជាពីរ ទី១.ផុ្តល់វគ្គបណ្តុះបណ្តាល និងការតម្រង់ទិស និងទី២  ក្រុមបេក្ខជននីមួយនឹងត្រូវធ្វើបទបង្ហាញទៅក្រុមគណកម្មការផ្ដល់យោបល់ក្នុងការឱ្យមតិត្រឡប់ និងការកកាន់តែប្រសើរ។ កម្មវិធី Spark​ Innovation Summit ផុតកំណត់ទទួលពាក់ថ្ងៃទី៣០ ខែសីហា ឆ្នាំ ២០២៣ ហើយនឹងចាប់ផ្តើមដំណើរការកម្មវិធីពីថ្ងៃទី១៦ខែកញ្ញា រហូតដល់ដើមខែវិច្ឆិកា ឆ្នាំ២០២៣។

កម្មវិធី Spark Innovation Summit ត្រូវបានរៀបចំឡើងដោយធុរកិច្ចថ្មីកម្ពុជា (Startup Cambodia) ក្រោមការគាំទ្រពីក្រសួងសេដ្ឋកិច្ច និងហិរញ្ញវត្ថុ, និងមជ្ឈមណ្ឌលបណ្តុះធុរកិច្ចថ្មី ”តជោ" និងការគាំទ្រជាថវិកាពីមូលនិធិនៃការកសាងសមត្ថភាព និងការស្រាវជ្រាវនិងការអភិវឌ្ឍលើវិស័យទូរគមនាគមន៍និងបច្ចេក វិទ្យាគមនាគមន៍និងព័ត៌មាន (មូលនិធិ ស.អ) តាមរយៈក្រសួងប្រៃសណីយ៍និងទូរគមនាគមន៍៕