ភ្នំពេញ៖ ក្នុងខែសីហា ឆ្នាំ២០២៣នេះ កម្ពុជារកចំណូលបានប្រមាណ ២ ៧៧៤ ៥៨៦ដុល្លារ ពីការលក់សំបុត្រចូលទស្សនារមណីយដ្ឋានអង្គរដោយទទួលបានភ្ញៀវទេសចរបរទេសសរុបប្រមាណ ៥៩ ១៤៨នាក់។ បើធៀបនឹងរយៈពេលដូចគ្នាក្នុងឆ្នាំ២០២២ចំនួនភ្ញៀវទេសចរបរទេសទិញសបុត្រចូលទស្សនាអង្គរមានចំនួន ១២១,៤០% និងរកចំណូលបានប្រមាណ ១៥៨,៤០%។

ដោយឡែក លទ្ធផលនៃការរកចំណូលពីការលក់សំបុត្រចូលទស្សនារមណីយដ្ឋានអង្គរ ក្នុងរយៈពេល០៨ខែ ឆ្នាំ២០២៣នេះ មានភ្ញៀវទេសចរបរទេសទិញសំបុត្រចូលទស្សនាអង្គរសរុបប្រមាណ ៤៩៨៥១៣នាក់  រកចំណូលបានប្រមាណ ២៣ ០៩១៩៣១ដុល្លារ។ បើធៀបនឹងរយៈពេលដូចគ្នាក្នុងឆ្នាំ២០២២ចំនួនភ្ញៀវទេសចរបរទេសទិញសំបុត្រចូលទស្សនាអង្គរមានចំនួន ៣៥០,៨៦% និងរកចំណូលបានចំនួន ៤១៩,៥៨%។

ចំពោះចំណូលដែលឧបត្ថម្ភទៅកាន់មូលនិធិគន្ធបុប្ផាកម្ពុជា ពីចំណែកនៃការលក់សំបុត្រចូលទស្សនារមណីយដ្ឋានអង្គរក្នុងខែកក្កដាឆ្នាំ២០២៣ មានចំនួន ១១៨ ២៩៦ដុល្លារ។នេះបើតាមសេចក្តីប្រកាសព័ត៌មានស្តីពីស្ថិតិភ្ញៀវទេសចរបរទេសនិងចំណូលដែលទទួលបានពីការលក់បណ្ណចូលទស្សនារមណីយដ្ឋានអង្គរប្រចាំខែសីហា ឆ្នាំ២០២៣ដែលចុះផ្សាយដោយគ្រឹះស្ថានអង្គរកាលពីថ្ងៃទី០១ ខែកញ្ញា ឆ្នាំ២០២៣នេះ៕