ចំណេះដឹង និង ព័ត៌មាន

សាជីវកម្មធានាឥណទានកម្ពុជា​ (CGCC) និងធនាគារប្រ៊ីដ បានចុះកិច្ចសហការជាផ្លូវការលើកិច្ចព្រមព្រៀងធានាឥណទានដើម្បីសម្រួលដល់លទ្ធភាពទទួលបានកម្ចីចាំបាច់សម្រាប់ការអភិវឌ្ឍអាជីវកម្មរបស់សហគ្រាសខ្នាតមីក្រូ តូច និងមធ្យម (MSMEs) ក៏ដូចជាសហគ្រាសខ្នាតធំ។

ក្នុងដំណើរបំពេញទស្សនកិច្ចផ្លូវការរបស់សម្តេចធិបតី ហ៊ុន ម៉ាណែត នៅប្រទេសថៃ នាថ្ងៃទី០៧ មករា ឆ្នាំ២០២៤នេះ បានចុះហត្ថលេខា និងផ្លាស់ប្តូរឯកសារកិច្ចសហប្រតិបត្តិការចំនួន ៥ ក្រោមអធិបតីភាពរបស់សម្តេចធិបតី និងឯកឧត្តម សេដ្ឋា ថាវីស៊ីន នាយកដ្ឋមន្ត្រីថៃ។

កម្មវិធីប្រកួតប្រជែងគំនិតបង្កើតថ្មីកម្ពុជា ៤.០ ជាកម្មវិធីដែលអនុញ្ញាតឱ្យយុវជនអាចធ្វើលំហាត់ការគិតនិងចែករំលែកទស្សនៈលើប្រធានបទទាក់ទងនឹងនវានុវត្តន៍, ការវិវត្តនៃបច្ចេកវិទ្យា,ការរួមចំណែករបស់បច្ចេកវិទ្យានៅក្នុងវិស័យសេដ្ឋកិច្ច សង្គមនិងការត្រៀមខ្លួនរបស់យុវជននៅក្នុងយុគសម័យឌីជីថល។

នាយកប្រតិបត្តិនៃក្រុមប្រឹក្សាភិបាលនៃធនាគារអភិវឌ្ឍន៍អាស៊ី (ADB)កោតសរសើររាជរដ្ឋាភិបាលកម្ពុជា ក្នុងអាណត្តិទី៧នេះចំពោះការដាក់ចេញនូវកម្មវិធីបណ្តុះបណ្តាលជំនាញបច្ចេកទេសវិជ្ជាជីវៈដល់យុវជនក្រុមគោលដៅមកពីគ្រួសារក្រីក្រនិងងាយរងហានិភ័យចំនួន១.៥លាននាក់។ ក្នុងជំនួបជាមួយនឹងរដ្ឋមន្ត្រីក្រសួងការងារ នាថ្ងៃទី៦មករានេះ លោកស្រីនាយកប្រតិបត្តិ រូបនេះ បញ្ជាក់ថា កម្មវិធីបណ្តុះជំនាញបច្ចេកទេសដល់យុវជន១.៥លាននាក់ ជាគន្លឹះអភិវឌ្ឍន៍ប្រទេស និងទាក់ទាញអ្នកវិនិយោគបរទេស។

ធនាគារជាតិនៃកម្ពុជា និងក្រសួងអប់រំយុវជន និងកីឡា រៀបចំសិក្ខាសាលាស្តីពីការអនុវត្តគម្រោងបញ្ជ្រាបចំណេះដឹងផ្នែកហិរញ្ញវត្ថុទៅក្នុងកម្មវិធីសិក្សាចំណេះទូទៅដំណាក់កាលទី៣ ក្រោមវត្តមានលោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជានិងលោកជំទាវ គឹម សេដ្ឋានី រដ្ឋលេខាធិការប្រចាំការ នៃក្រសួងអប់រំ យុវជននិងកីឡា ព្រមទាំងមន្ត្រី និងភាគីពាក់ព័ន្ធប្រមាណ៤០០នាក់ចូលរួមផងដែរ។

អគ្គនាយកដ្ឋានពន្ធដារបានកំណត់អត្រាការប្រាក់ទីផ្សារសម្រាប់ប្រាក់កម្ចីប្រចាំឆ្នាំ២០២៣ក្នុងនោះអត្រាការប្រាក់ចំនួន ៩,៦៦% ក្នុងមួយឆ្នាំ ចំពោះប្រាក់រៀល និង ៨,៧៥%ក្នុងមួយឆ្នាំ ចំពោះប្រាក់ដុល្លារ។ នេះបើតាមសេចក្តីជូនដំណឹងស្តីពីកម្រិតអត្រាការប្រាក់ទីផ្សារសម្រាប់ប្រាក់កម្ចីប្រចាំឆ្នាំ២០២៣របស់អគ្គនាយកដ្ឋានពន្ធដារ កាលពីថ្ងៃទី៣០ ខែមករា ឆ្នាំ២០២៤។

ក្នុងខែមករា ដើមឆ្នាំ២០២៤នេះក្រុមប្រឹក្សាអភិវឌ្ឍន៍កម្ពុជា (CDC) បានអនុម័តគម្រោងថ្មីនិងគម្រោងពង្រីកផលិតកម្មចំនួន ៣២គម្រោង ដែលមានទុនវិនិយោគសរុបជាង១៨៧លានដុល្លារអាមេរិក និងអាចបង្កើតការងារបានចំនួនជិត៣ម៉ឺនកន្លែង។នេះបើតាមសេចក្តីប្រកាសរបស់ CDC នៅថ្ងៃទី០១ មករានេះ។

ក្នុងខែមករា ឆ្នាំ២០២៤នេះកម្ពុជាទទួលបានចំណូលជាង ៥,៤លានដុល្លារ ពីការលក់បណ្ណចូលទស្សនារមណីដ្ឋានអង្គរ។នេះបើតាមសេចក្ដីប្រកាសព័ត៌មានរបស់គ្រឹះស្ថានអង្គរ នៅថ្ងៃទី០២ ខែកុម្ភៈ ឆ្នាំ២០២៤។

ការងើបឡើងយឺតនៃវិស័យមួយចំនួន ធ្វើឱ្យកំណើនឥណទានបានថមថយមកត្រឹម៤,៨% ដែលជាអត្រាទាបបំផុត ក្នុងរយៈពេល ២ទសវត្សរ៍ចុងក្រោយនេះ។ នេះបើតាមចុះផ្សាយរបស់ធនាគារជាតិនៃកម្ពុជាកាលពីថ្ងៃទី២៩ ខែមករា ឆ្នាំ២០២៣។

ក្រុមហ៊ុន Mizuda Group បង្ហាញគោលបំណងប្រាប់សម្តេចធិបតី ហ៊ុន ម៉ាណែត ពីគម្រោងពង្រីកការវិនិយោគរបស់ខ្លួននៅក្នុងការផលិតថាមពលអគ្គិសនីពីសំណល់សំរាម ដោយប្រើប្រាស់បច្ចេកវិទ្យាដែលមានបច្ចេកទេសទំនើបនិងអាចការពារបរិស្ថានបានក្នុងកម្រិតខ្ពស់ នៅរាជធានីភ្នំពេញ។