ចំណេះដឹង និង ព័ត៌មាន

ផែនទីបង្ហាញផ្លូវបច្ចេកវិទ្យាទេសចរណ៍ ត្រូវបានអភវិឌ្ឍជាមួយនឹងចក្ខុវិស័យ«ក្លាយជាគោលដៅទេសចរណ៍កំពូលមួយក្នុងតំបន់តាមរយៈការចាប់យកនិងការធ្វើបរិវត្តកម្មបច្ចេកវិទ្យា សម្រាប់ការអភិវឌ្ឍវិស័យទេសចរណ៍ ប្រកបដោយភាពប្រកួតប្រជែងចីរភាព និងបរិយាបន្ននៅឆ្នាំ២០៣០»។

ព្រះមហាក្សត្រនៃព្រះរាជាណាចក្រកម្ពុជាព្រះបាទ នរោត្តម សីហមុនី នាឱកាសបើកសម័យប្រជុំដំបូងនៃរដ្ឋសភា នីតិកាលទី៧ទ្រង់មានជំនឿជាក់លើរាជរដ្ឋាភិបាលអាណត្តិថ្មីយ៉ាងមុតមាំថា បន្តជំរុញកំណើនសេដ្ឋកិច្ចលើកកម្ពស់កម្រិតជីវភាពប្រជាពលរដ្ឋ និងបន្តអភិវឌ្ឍ និងពង្រឹងប្រព័ន្ធការពារសង្គមព្រមទាំងការអភិរក្ស និងអភិវឌ្ឍវប្បធម៌ដោយចីរភាព។

យុវជន សិស្សនិស្សិត អាយុចន្លោះពី ១៥-២៤ ឆ្នាំ ដែលចង់ក្លាយជាសហគ្រិននាពេលអនាគតអាចដាក់ពាក្យចូលរួមក្នុងកម្មវធី«Spark Innovation Summit»បានចាប់ពីពេលនេះរហូតដល់ថ្ងៃទី៣០ ខែសីហា ឆ្នាំ២០២៣នេះ។

វេទិកា«សហគ្រិនស្រ្តីក្នុងការអភិវឌ្ឍអាជីវកម្មនិងពិព័រណ៍ពាណិជ្ជកម្មក្នុងស្រុក» នឹងរៀបចំធ្វើរយពេល២ថ្ងៃចាប់ពីថ្ងៃទី១-២ ខែកញ្ញា ខាងមុខនេះ នៅ Factory Phnom Penh។ គោលបំណងនៃវេទិការនោះ ដើម្បី​ពង្រឹង​បណ្តាញ​ប្រព័ន្ធ​​អេកូឡូស៊ីសម្រាប់សហគ្រិនស្ត្រីវ័យក្មេង​ក្នុងការទទួលបានព័ត៌មាន និង​អាចឱ្យពួកគេមាន​​ការ​​​​​​ពិភា​ក្សា​​លើដំណោះស្រាយផ្ទាល់ខ្លួនកាន់តែស៊ីជម្រៅ។

ច្បាប់ស្តីពីការវិនិយោគ ត្រូវបានបង្កើតឡើងក្នុងគោលបំណងបង្កើតនូវក្របខ័ណ្ឌគតិយុត្តដែលបើកចំហ មានតម្លាភាព អាចប៉ាន់ប្រមាណជាមុនបាន ដើម្បីទាក់ទាញ និងលើកកម្ពស់គុណភាពប្រសិទ្ធភាព និងប្រសិទ្ធផល នៃការវិនិយោគ ដោយបុគ្គលសញ្ជាតិខ្មែរ ឬបរទេស ក្នុងប្រទេសកម្ពុជា។

ការវាយប្រហារតាមប្រព័ន្ធតេឡេក្រាមបាននិងកំពុងកើតមានឡើងគួរឱ្យកត់សម្គាល់។ ពួកចោរព័ត៌មានវិទ្យា ផ្ញើសារបោកបញ្ឆោតទៅអ្នកប្រើប្រាស់ដែលអាចមានទម្រង់ដូច ឬប្រហាក់ប្រហែលខ្លឹមសារដូច្នេះ៖«អ្នកប្រើប្រាស់ជាទីគោរព៖ Telegramគឺជាកម្មវិធីផ្ញើសារតាមកុំព្យូទ័រដោយផ្តោតលើសុវត្ថិភាព និងល្បឿន។គណនីរបស់អ្នកមិនត្រូវបានផ្ទៀងផ្ទាត់អស់រយៈពេលជាយូរ ដើម្បីសុវត្ថិភាព...។ ខាងលើនេះគឺជាការពិពណ៌នាផ្លូវការ តាមតំណ៖https://telegram… ប្រព័ន្ធនឹងលុបចោលគណនីដោយបង្ខំបន្ទាប់ពី24 ម៉ោង។»

ក្រសួងពាណិជ្ជកម្មបានបញ្ជាក់ពីតម្លៃលក់រាយប្រេងឥន្ធនៈ នៅតាមបណ្ដាស្ថានីយនានាក្នុងប្រទេសកម្ពុជាចាប់ពីថ្ងៃទី២១-៣០ ខែសីហា ឆ្នាំ២០២៣។ បើតាមសេចក្តីជូនដំណឹងរបស់ក្រសួងពាណិជ្ជកម្ម អំពីការកំណត់តម្លៃប្រេងឥន្ធនៈថ្មីនេះ គឺប្រេងសាំងធម្មតាឡើងថ្លៃ ១០០រៀល ដែលមានតម្លៃ ៤,៦៥០រៀល ក្នុងមួយលីត្រ។ ចំណែក ប្រេងម៉ាស៊ូតនៅថែរ ដែលមានតម្លៃ ៤,៧០០រៀល ក្នុងមួយលីត្រ។‍

ធនាគារជាតិនៃកម្ពុជានិងធនាគារកណ្តាលឡាវ បានសម្រេចដាក់ឱ្យប្រើប្រាស់ជាផ្លូវការ ក្នុងការទូទាត់ឆ្លង ដែនតាមរយៈឃ្យូអរកូត (QR Code) ដោយលោកជំទាវ ជា សិរី ចូលរួមក្នុងកិច្ចប្រជុំនៅទីក្រុងវៀងចន្ទន៍ផ្ទាល់កាលពីថ្ងៃទី១៨ ខែសីហានេះ។

កម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះនិងកុមារអាយក្រោម២ឆ្នាំដែលបានដំឡើងកម្រិត និងផ្តល់ការឧបត្ថម្ភបន្ថែមត្រូវបានចាប់ផ្តើមអនុវត្តពីថ្ងៃទី០១ខែសីហា ឆ្នាំ២០២៣តទៅ។ ឫទ្ធិពល បានចុះផ្សាយអត្ថបទអំពី៖«កម្មវិធីឧបត្ថម្ភសាច់ប្រាក់ក្នុងអត្រាឧបត្ថម្ភថ្មីជួយលើកកម្ពស់ជីវភាព និងកាត់បន្ថយអត្រាមរណៈមាតានិងទារក» នេះរួចហើយ។ តទៅនេះ យើងនឹងមកនិយយាពី«លក្ខខណ្ឌ និងឯកសារភ្ជាប់ ដើម្បីមានសិទ្ធិទទួលបានប្រាក់ឧបត្ថម្ភសម្រាប់ស្ត្រីមានផ្ទៃពោះនិងកុមារអាយុក្រោម ២ឆ្នាំ ដែលមានប័ណ្ណសមាជិក ប.ស.ស.»វិញម្តង។

ឯកឧត្តមអគ្គបណ្ឌិតសភាចារ្យ អូន ព័ន្ធមូនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ បានដាក់ឱ្យថ្នាក់ដឹកនាំណិងមន្ត្រីរាជការគ្រប់លំដាប់ថ្នាក់របស់ក្រសួងសេអនុវត្ត នូវអភិក្រមការងារចំនួន៤ប្រការ។ ការឱ្យអនុវត្តអភិក្រមនេះដើម្បីពង្រឹងគុណភាពការងារ និងភារកិច្ចទៅតាមស្ថាប័នក្រោមឱវាតសូមអញ្ជើញអានដូចតទៅ៖