ចំណេះដឹង និង ព័ត៌មាន

កម្ពុជាឆ្ពោះទៅឌីជីថល ដែលជាមជ្ឈមណ្ឌលប្រមូលផ្តុំបណ្តាធនធាននិងប្ចេកវិទ្យាឌីជីថល របស់ក្រសួងប្រៃសណីយ៍ និងទូរគមនាគមន៍ បានចែករំលែកពីគន្លឹះសុវវត្ថិភាពក្នុងការប្រើប្រាស់WiFiសាធារណៈ ដែលនៅតាមទីតាំងមួយចំនួនបើកចូលប្រើប្រាស់ប្រព័ន្ធ WiFi ដោយមិនចាំបាច់ដាក់លេខសម្ងាត់ (Password)។ ការប្រើប្រាស់តាមមធ្យោបាយនេះ គឺអាចបង្កជាហានីភ័យដល់អ្នកប្រើប្រាស់ដោយជនខិលខូចអាចលួចចូលមើលទិន្ន័យនៅក្នុងកុំព្យូទ័រឬទូរស័ព្ទដែលយើងបានជាប់ជាមួយនឹង WiFi នោះ។

សភាពាណិជ្ជកម្មថៃ បានមកសិក្សាស្វែងយល់បន្ថែមទៀតពីសក្តានុពលពាណិជ្ជកម្មវិនិយោគ និងស្វែងរកដៃគូអាជីវកម្មនៅកម្ពុជា ដូចកាលពីឆ្នាំ២០២២ដែរ។

ក្រសួងសុខាភិបាលបានសម្រេចបិទសិប្បកម្ម លីង កិន និងវចខ្ចប់តែ«ហ៊ឹបខ្មែរ Herb​ Khmer» និងមិនអនុញ្ញាតឱ្យប្រើប្រាស់ផលិតផលឈ្មោះស្មៅកន្ទួតព្រៃអាយុវែង (AMLA GINGER & CURCUMIN) មានផ្ទុកសារធាតុ Betamethasoneនិង Meloxicam នេះឡើយ ព្រោះបណ្តាលប៉ះពាល់ដល់សុខភាព។

ឥណ្ឌូនេស៊ី សម្រេចបញ្ជាទិញអង្ករពីកម្ពុជាជាង១២ម៉ឺនតោន ដើម្បីរក្សាបាននូវសុវត្ថិភាពស្បៀង និងការប្រើប្រាស់ក្នុងប្រទេស ខណៈតម្លៃ និងលក្ខខណ្ឌផ្សេងៗ ភាគីទាំងនឹងបន្តពិភាក្សាគ្នាឆាប់ៗបន្តទៀត។នេះបើតាមការចុះផ្សាយរបស់ក្រសួងពាណីជ្ជកម្ម កាលពីថ្ងៃទី១៦ ខែសីហា ឆ្នាំ២០២៣។

អនុរដ្ឋមន្ដ្រីក្រសួងការបរទេសឥណ្ឌូនេស៊ីនិងរដ្ឋមន្ត្រីក្រសួងកសិកម្មរបស់កម្ពុជា បានចាប់ផ្តើមពិភាក្សាការងារពីគម្រោងវិនិយោគលើវិស័យកសិកម្មនិងការនាំអង្គរពីកម្ពុជា ទៅកាន់ឥណ្ឌូនេស៊ី កាលពីថ្ងៃទី១៥ ខែសីហា ឆ្នាំ២០២៣។ ក្នុងជំនួបនេះរដ្ឋមន្ត្រីក្រសួងកសិកម្ម បានបង្ហាញជំហរដល់ឥណ្ឌូនេស៊ីក្នុងការចង់វិនិយោគលើវិស័យកសិកម្មនៅក្នុងទេសកម្ពុជា។

ក្រុមប្រឹក្សាជាតិប្រាក់ឈ្នួលអប្បបរមាអាណត្តិទី៣បានបើកកិច្ចប្រជុំពិភាក្សាពីប្រាក់ឈ្នួលអប្បបរមាសម្រាប់កម្មករនិយោជិតក្នុងវិស័យវាយនភណ្ឌសម្រាប់ឆ្នាំ២០២៤ នៅថ្ងៃទី១៦ ខែសីហានេះ។ ការចូលរួមប្រជុំនោះមាន៣ភាគី ដោយមានតំណាងរដ្ឋាភិបាល សហជីពនិងនិយោជក។ ការជជែកនោះ ភាគទាំងអស់មិនទាន់អាចកំណត់ប្រាក់ខែគោលសម្រាប់ឆ្នាំ២០២៤បាននៅឡើយទេ ខណៈដែលប្រាក់ខែគោលកាលពីឆ្នាំ២០០៣ មានចំនួន២០០ដុល្លារ។

ចំណូលចំណូលពន្ធ-អាករ ក្នុងរយៈពេល ៧ខែ ឆ្នាំ២០២៣នេះ អគ្គនាយកដ្ឋានពន្ធដារ ប្រមូលបានជាង ៩ពាន់ប៊ីលានរៀល ស្នើនឹងប្រមាណ ២.៣ពាន់លានដុល្លារ ខណៈចំណូលក្នុងខែកក្កដា ប្រមូលបានជិត ១ពាន់ប៊ីលានរៀល ស្មើនឹងប្រមាណជាង ២៤០លានដុល្លារ។នេះបើតាមការឱ្យដឹងរបស់ឯកត្តម គង់ វិបុល អគ្គនាយកនៃនាយកដ្ឋានពន្ធដារក្នុងកិច្ចប្រជុំបូកសរុបចំណូលពន្ធ នៅថ្ងៃទី១៦ ខែសីហា ឆ្នាំ២០២៣នេះ។

សហព័ន្ធស្វាយចន្ទីកម្ពុជា(សចក) ប្រកាសរកដៃគូសហការដែលជាក្រុមហ៊ុនសហគ្រាស សប្បិកម្មកែច្នៃគ្រាប់ស្វាយចន្ទី ដើម្បីនាំចេញទៅកាន់ទីផ្សារចក្រភពអង់គ្លេស។បើតាមសេចក្តីប្រកាសព័ត៌មានកាលពីថ្ងៃទី១៤ ខែសីហានេះ សហព័ន្ធ សហការជាមួយនឹងលោក ដួងសារះ អ្នកសម្របសម្រួលតំណាងកម្មវិធីភាពជាដៃគូពាណិជ្ជកម្មនៃចក្រភពអង់គ្លេសប្រចាំនៅកម្ពុជា ដែលទទួលថវិកាគាំទ្រដោយរាជារដ្ឋាភិបាលនៃចក្រភពអង់គ្លេស។

និយ័តករទូរគមនាគមន៍កម្ពុជា(ន.ទ.ក.)ប្រាប់ដល់ក្រុមហ៊ុនប្រតិបត្តករ ឱ្យការកំណត់រយៈពេលនៃការបន្តបើកដំណើរការនិងរក្សាទុកលេខទូរស័ព្ទចល័តរបស់អ្នកប្រើប្រាស់ក្រោយពេលផុតសុពលភាព នៃទឹកប្រាក់ក្នុងគណនីគោល និងលក្ខខណ្ឌនៃការកំណត់សុពលភាពនទឹកប្រាក់ក្នុងគណនីគោលនៅពេលអ្នកប្រើប្រាស់បញ្ចូលទឹកប្រាក់។

ឯកឧត្តម វ៉ី សំណាង អភិបាលខេត្តកំពង់ស្ពឺបានដឹកនាំប្រតិភូទៅពិភាក្សាការងារ និងពិនិត្យច្រវ៉ាក់ផលិតកម្មតាមបណ្តាសួនឧស្សាហ៍កម្មចំនួន៣នៅខេត្តក្វាងចូវនៃប្រទេសចិន កាលពីថ្ងៃទី១៤ ខែសីហា ឆ្នាំ២០២៣នេះ។ ឯកឧត្តមអភិបាលខេត្តបញ្ជាក់ថា សួនឧស្សាហ៍កម្មទាំងនោះ គ្រងនឹងមកបង្កើតរោងច្រកនៅក្នុងខេត្តកំពង់ស្ពឺសរុបចំនួន ២៥ នាចុងឆ្នាំ២០២៣នេះ ដែលនឹងមានតម្រូវការកម្លាំងពលកម្មប្រមាណ ២៣,០០០កន្លែង។