ចំណេះដឹង និង ព័ត៌មាន

រដ្ឋបាលជលផល នៃក្រសួងកសិកម្មបានឱ្យម្ចាស់អាជីវកម្មធ្វើកិច្ចសន្យាឈប់នាំចូល និងឱ្យបំផ្លាញចោលត្រីពីរ៉ាន់ញ៉ាជាប្រភេទត្រីកាចសាហាវនិងស៊ីសាច់ជាអាហារ។ ចំណាត់ការនេះធ្វើឡើងក្រោយពីពេលថ្មីៗនេះ មានការផ្សព្វផ្សាយលើបណ្តាញ TikTok និងហ្វេសប៊ុក អំពីការនាំចូលនិងលក់ចែកចាយប្រភេទត្រីពីរ៉ាន់ញ៉ា(Piranha)នេះ។

ក្នុងរយៈពេល ៣ឆ្នាំ ក្រសួងទេសចរណ៍បានបណ្តុះបណ្តាលពង្រឹងសមត្ថភាព(Up-Skilling) ដល់អ្នកជំនាញទេសចរណ៍ចំនួន ៣,៣៤៧នាក់ ក្នុងនោះមានស្រី២,០៦៣នាក់។ ការបណ្តុះបណ្តាលក្រសួងទេសចរណ៍ បានសហការជាមួយនិងអង្គការSwisscontact Cambodia លើគម្រោងបណ្តុះបណ្តាលបដិសណ្ឋារកម្ពុជា(Hospitality Kampuchea-HoKa)។

អគ្គនាយកនៃអគ្គនាយកដ្ឋានកិច្ចការទូទៅ នៃក្រសួងរ៉ែនិងថាមពល បានរៀបចំកិច្ចប្រជុំពិភាក្សាកម្រិតបច្ចេកទេសលើគម្រោងផែនការចំណូល-ចំណាយថវិកាឆ្នាំ២០២៤ សម្រាប់ក្រសួងរបស់ខ្លួន ជាមួយនឹងក្រសួងសេដ្ឋកិច្ចនិងហិរញ្ញវត្ថុ។

បរិយាបន្នហិរញ្ញវត្ថុត្រូវបានទទួលស្គាល់ថាបានដើរតួនាទីយ៉ាងសំខាន់ក្នុងការរួមចំណែកកាត់បន្ថយភាពក្រីក្រនៅកម្ពុជា ការបង្រួមគម្លាតសង្គមការបង្កើននវានុវត្តន៍នៅក្នុងសង្គម ដែលជាកាតាលីករយ៉ាងសំខាន់ នៃការអភិវឌ្ឍសេដ្ឋកិច្ចជាតិកម្ពុជា។

ក្រុមប្រឹក្សាអីភិវឌ្ឍន៍កម្ពុជា(ក.អ.ក) គឺជាសេនាធិការរបស់រាជរដ្ឋាភិបាលក្នុងការពិនិត្យនិងសម្រេចការងារនីតិសម្បទាអភីវឌ្ឍន៍​ និងការវិនិយោគលើវិស័យឯកជន និងសាធារណៈ។ ចក្ខុវិស័យ​របស់​ក.អ.ក គឺជាសេនាធិការរបស់រាជរដ្ឋាភិបាលដើម្បីជំរុញការវិនិយោគជាមួយនឹងលទ្ធផលការងារប្រកបដោយប្រសិទ្ធភាព និងប្រសិទ្ធផលដែលនឹងផ្តល់ប្រយោជន៍ដល់ប្រជាជនកម្ពុជា តាមរយៈការកើនឡើងនៃការវិនិយោគ។

កម្មវិធី EPPIC2023 របស់ UNDP ប្រចាំនៅកម្ពុជា ប្រកាសឱ្យដាក់ពាក្យចូលរួមការប្រកួតប្រជែងគំនិតច្នៃប្រឌិតមានគោលបំណងទប់ស្កាត់ការបំពុលដោយប្លាស្ទិកនៅតំបន់សមុទ្រ និងទន្លេនៃប្រទេសកម្ពុជា និងប្រទេសឡាវ។

សហព័ន្ធស្វាយចន្ទីកម្ពុជា(សចក) កំពុងសហការនិងមានផែនការរៀបចំសំណើសុំហិរញ្ញប្បទានឥតសំណងពីគម្រោង«ហាវែស III នៃទីភ្នាក់ងារជំនួយអាមេរិក USAID» ដើម្បីអនុវត្តគម្រោងយុទ្ធសាស្រ្តអភិវឌ្ឍន៍ទីផ្សារនាំចេញ។ យទ្ធសាស្រ្តនេះ ជាផែនការយុទ្ធសាស្រ្តបង្កើនការនាំចេញគ្រាប់ស្វាយចន្ទីកែច្នៃរួចប្រកបដោយគុណភាពទៅកាន់ទីផ្សារអន្តរជាតិ ដែលផ្តល់តម្លៃខ្ពស់។

អ្នកវិនិយោគមកពីប្រទេសចិនមួយក្រុមបានស្វែងយល់ពីសក្តានុពល និងឱកាសវិនិយោគលើវិស័យនានាក្នុងខេត្តបាត់ដំបង។ ក្រុមអ្នកវិនិយោគចិន ដែលដឹកនាំឱ្យឯកឧត្តម ដួង តារា ជំនួយការផ្ទាល់របស់សម្ដេចនាយករដ្ឋមន្ត្រីកាលពីថ្ងៃ១០ ខែសីហានេះ ជជែកពិភាក្សាជាមួយនឹងអភិបាលខេត្តបាត់ដំបង។

ប្រធានាធិបតីឥណ្ឌូនេស៊ី ចូកូ វីដូដូ បានពិភ្សាការងារជាមួយនឹងសម្តេចនាយករដ្ឋមន្ត្រីហ៊ុន សែន ពីគោលបំណងក្នុងការនាំអង្ករចេញពីកម្ពុជា ខណដែលឥណ្ឌូនេស៊ី នឹងបញ្ជូនប្រតិភូជំនាញមកពីភាក្សាលើកករណីនេះក្នុងពេលឆាប់ៗខាងមុក។

ឯកឧត្តម វ៉ី សំណាងអភិបាលខេត្តកំពង់ស្ពឺ ក្នុងសិក្ខាសាលាផ្សព្វផ្សាយពី«ពន្ធលើអចលនទ្រព្យ, ពន្ធប្រថាប់ត្រា, និងពន្ធលើដីធ្លីមិនបានប្រើប្រាស់»ដល់រដ្ឋបាលក្រុងឧដុង្គម៉ែជ័យ និងក្រុងច្បារមន បានមានប្រសាសន៍ ពលរដ្ឋគំរូត្រូវតែបង់ពន្ធជូនរដ្ឋហើយមន្ត្រីរបស់រដ្ឋត្រូវផ្តល់សេវាជូនប្រជាពលរដ្ឋឱ្យបានឆាប់រហ័សនិងត្រឹមត្រូវ។