ចំណេះដឹង និង ព័ត៌មាន

សម្តេចតេជោ ហ៊ុន សែន ប្រធានព្រឹទ្ធសភានិងជាគ្រូបង្វឹកកិត្តិយសរបស់ក្រុមបាល់ទាត់តារាកម្ពុជាបានជួបសំណេះសំណាលជាមួយគ្រូបង្វឹក និងកីឡាករទាំងអស់ដើម្បីរៀបចំផែនការសម្រាប់សកម្មភាពមនុស្សធម៌រយៈពេលខ្លី មធ្យម និងរយៈពេលវែងរបស់ក្រុមបាល់ទាត់មួយនេះ។

សម្តេចធិបតី ហ៊ុន ម៉ាណែត បានលើកឡើងក្នុងពិធីសម្ពោធអគារមណ្ឌលផ្តល់សេវាផ្នែកវះកាត់នៃមន្ទីរពេទ្យបង្អែកខេត្តសៀមរាប កាលពីថ្ងៃទី២០ ខែមេសា ឆ្នាំ២០២៤ ថា វិស័យសុខាភិបាលទាំងមូលរដ្ឋបានគ្រោងចំណាយថវិកាជាតិជិត ១ពាន់លានដុល្លារ សម្រាប់ពង្រឹងនិងព្យាបាលប្រជាពលរដ្ឋ។

កម្ពុជា និងចិន បានសម្រេចចុះហត្ថលេខាលើឯកសារចំនួន៣ទាក់ទងនឹងគម្រោងផ្គត់ផ្គង់ទឹកស្អាតនៅជនបទ ការអភិវឌ្ឍកសិកម្មនិងលក្ខខណ្ឌនៃការនាំចេញចំណីឆ្កែ ពីកម្ពុជាទៅចិន បន្ទាប់ពីបញ្ចប់កិច្ចប្រជុំលើកទី៧នៃគណៈកម្មាធិការសម្របសម្រួលអន្តររដ្ឋាភិបាលកម្ពុជា-ចិន រួច កាលពីថ្ងៃទី២២ ខែមេសាឆ្នាំ២០២៤។

កម្ពុជា និងចិន បានសម្រេចចុះហត្ថលេខាលើឯកសារចំនួន៣ទាក់ទងនឹងគម្រោងផ្គត់ផ្គង់ទឹកស្អាតនៅជនបទ ការអភិវឌ្ឍកសិកម្មនិងលក្ខខណ្ឌនៃការនាំចេញចំណីឆ្កែ ពីកម្ពុជាទៅចិន បន្ទាប់ពីបញ្ចប់កិច្ចប្រជុំលើកទី៧នៃគណៈកម្មាធិការសម្របសម្រួលអន្តររដ្ឋាភិបាលកម្ពុជា-ចិន រួច កាលពីថ្ងៃទី២២ ខែមេសាឆ្នាំ២០២៤។

តាមរយៈការចុះផ្សាយរបស់ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី០៨ មេសាម្សិលមិញសហគ្រាស CHNENERGY ដែលមានទុនវិនិយោគជាង ១ពាន់លានដុល្លារកំពុងពិនិត្យនិងពិភាក្សាពីឱកាស វិនិយោគថាមពលកកើតឡើងវិញនៅកម្ពុជា។

កម្ពុជា សម្រេចបានការនាំចេញអង្ករចំនួន១៦៦ ៤៥១តោន ក្នុងរយៈពេល៣ខែ ឆ្នាំ២០២៤ ទៅកាន់គោលដៅចំនួន៥៦គោលដៅតាមរយៈក្រុមហ៊ុនចំនួន ៤៦ក្រុមហ៊ុន ដែលគិតជាទឹកប្រាក់បានចំនួន ១២៣,៦១លានដុល្លារ។

រយៈពេល ១ត្រីមាសនៃឆ្នាំ២០២៤ ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តគម្រោងថ្មី និងគម្រោងពង្រីកផលិតកម្មចំនួន១០៦គម្រោង ដែលមានទុនវិនិយោគប្រមាណ ២,២ពាន់លានដុល្លារនិងអាចបង្កើតការងារបានជាង ១០៧ពាន់កន្លែង។

ទីលានទុកដាក់សំរាមក្រុងក្រចេះនិងក្រុងស្ទឹងត្រែង ដែលសមត្ថភាពប្រតិបត្តិការដល់ទៅ ២០ឆ្នាំស្របតាមបទដ្ឋានបច្ចេកទេស ដែលសាង់សង់អស់ថវិកាជិត១០លានដុល្លារ ត្រូវបានដាក់ឱ្យប្រើប្រាស់ជាផ្លូវការនៅថ្ងៃទី០២ខែមេសា ឆ្នាំ២០២៤នេះ។ ទីលានចាក់សំរាមទាំងពីរខេត្តគឺស្ថិតនៅក្រោមគម្រោងអភិវឌ្ឍន៍ទីក្រុងរបៀង នៃមហាអនុតំបន់មេគង្គ ជំហានទី៤ ដែលកម្ចីឥណទានពីធនាគារអភិវឌ្ឍន៍អាស៊ី(ADB) សម្រាប់ការសាងសង់។

ក្រសួងពាណិជ្ជកម្ម ជ្រើសរើសបេក្ខជនចូលរួមប្រកួតដណ្តើម «ពានរង្វាន់អាស៊ាន (ASEAN Prize)» ឆ្នាំ២០២៤។ បេក្ខជនដែលទទួលបានជ័យលាភី នឹងទទួលបានពានមួយ និងទឹកប្រាក់ចំនួន ២ម៉ឺនដុល្លារ។

រដ្ឋបាលរាជធានីភ្នំពេញ បានត្រៀមរៀបចំរថយន្តក្រុងចំនួន ៤៥៥គ្រឿង សម្រាប់ដឹកជញ្ជូនសាធារណៈ ដើម្បីជួយសម្រួលដល់ការចំណាយរបស់ប្រជាពលរដ្ឋ ក្នុងការធ្វើដំណើរទៅលេងស្រុកកំណើត នាឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ។ ក្នុងសេចក្តីជូនដំណឹងរបស់រដ្ឋបាលរាជធានីភ្នំពេញ នាថ្ងៃទី២ ខែមេសា ឆ្នាំ២០២៤ នឹងត្រៀមស្រាប់ដឹកជញ្ជូនប្រជាពលរដ្ឋ រយៈពេលចំនួន០៦ថ្ងៃ គឺចាប់ពីថ្ងៃទី១២ ដល់ថ្ងៃទី១៧ ខែមេសា ឆ្នាំ២០២៤។