ចំណេះដឹង និង ព័ត៌មាន

ក្នុងរយៈពេល៣ខែដំបូង ឆ្នាំ២០២៤ កម្ពុជា រកចំណូលពីការលក់សំបុត្រឱ្យភ្ញៀវបរទេស ដើម្បីចូលទស្សនារមណីយដ្ឋានអង្គរ ប្រាសាទកោះកែរ និងកំពង់ផែចុងឃ្នៀស បានសរុបចំនួន ១៦ ៥៣៣ ២៩៣ដុល្លារ។ ចំនួននេះ បានកើនឡើង ៤៨,៤៧% ធៀបនឹងរយៈពេលដូចគ្នា ឆ្នាំ២០២៣។ នេះបើយោងតាមសេចក្តីប្រកាសព័ត៌មានរបស់គ្រឹះស្ថានអង្គរ នាថ្ងៃទី១ ខែមេសានេះ។

រដ្ឋាភិបាលចិន តាមរយៈស្ថានទូតចិនប្រចាំនៅកម្ពុជាបានផ្តល់ជំនួយឥតសំណងដល់កម្ពុជា ចំនួន៤.៤លានដុល្លារ ដើម្បីគាំទ្រអង្គភាពCMAC ក្នុងការអនុវត្ត«គម្រោងជំនួយចិនលុបបំបាត់គ្រាប់មីននៅកម្ពុជា»។ បើតាមមជ្ឈមណ្ឌលសកម្មភាពកំចាត់មីនកម្ពុជា (CMAC) ជំនួយសម្រាប់ឆ្នាំ២០២៤នេះនឹងត្រូវអនុម័តផ្តល់ឱ្យជាផ្លូវការនៅចុងខែមីនានេះ។

រយៈពេល២ខែ ដើមឆ្នាំ២០២៤នេះ កម្ពុជា បាននាំចេញផលិតផលទៅកាន់ទីផ្សារកូរ៉េ ក្រោមកិច្ចព្រមព្រៀង CKFTA ក្នុងទំហំ ៨,៥៣លានដុល្លារ។ ទំហំពាណិជ្ជកម្មនាំចេញនេះ កំណើន ២៨៦,៩% ធៀបទៅនឹងរយៈពេល២ខែនៃឆ្នាំ២០២៣ ដែលមានទំហំត្រឹមតែ ២,២១លានដុល្លារ។

អគ្គនាយកដ្ឋានវិទ្យាសាស្ត្របច្ចេកវិទ្យា និងនវានុវត្តន៍ បានចុះអនុស្សារណៈនៃការយោគយល់គ្នាជាមួយនឹងវិទ្យាស្ថានកូរ៉េសម្រាប់ការអភិវឌ្ឍឧស្សាហកម្មរ៉ូបូតដើម្បីជំរុញវិស័យវិទ្យាសាស្ត្រ បច្ចេកវិទ្យា និងនវានុវត្តន៍ដោយផ្តោតលើឧស្សាហកម្មរ៉ូបូត។

ក្រសួងពាណិជ្ជកម្ម ជំរុញឱ្យពាណិជ្ជករម្ចាស់ក្រុមហ៊ុន-សហគ្រាស ចូលរួមការតាំងពិព័រណ៍ចំនួន៣ នៅប្រទេសចិន ដែលមានពិព័រណ៍ម្ហូបអាហារពិព័រណ៍ផលិតផលស្រា និងភេសជ្ជៈអន្តរជាតិ ផលិតផលសម្គាល់ភូមិសាស្ត្រទំនិញ ពិព័រណ៍ផលិតផលកសិកម្មនិងចំណីអាហារនាំចូលអន្តរជាតិទីក្រុងចឹងចូវ ២០២៤។

គិតត្រឹមដំណាច់ឆ្នាំ២០២៣ ឥណទានជាប្រាក់រៀលបានកើនឡើងដល់ ២៥ភាគរយ នៃផលបត្រឥណទានសរុប និងប្រាក់បញ្ញើជាប្រាក់រៀលបានកើនឡើងដល់ ១៦ភាគរយ នៃប្រាក់បញ្ញើសរុប។ តួលេខនេះ កើនលើសកម្រិតកំណត់ដោយបទប្បញ្ញត្តិ ដែលបង្ហាញពីការកើនឡើងនូវទំនុកចិត្តលើរូបិយប័ណ្ណជាតិ។បើតាមសេចក្តីប្រកាសព័ត៌មានរបស់សមាគមមីក្រូហិរញ្ញវត្ថុកម្ពុជា (CMA) ស្តីពី៖«វិស័យមីក្រូហិរញ្ញវត្ថុជួយជំរុញកំណើនប្រើប្រាស់ប្

មូលនិធិគន្ធបុប្ផាកម្ពុជា បានចុះអនុស្សរណៈនៃការយោគយល់គ្នាជាមួយ គ្រឹះស្ថានមីក្រូហិរញ្ញវត្ថុ អម្រឹត ម.ក. ដើម្បីផ្តល់ភាពងាយស្រួល និងជម្រើសថ្មីមួយទៀតដល់សប្បុរសជននានា ដែលមានបំណងបរិច្ចាគថវិកាជូនមូលនិធិគន្ធបុប្ផាកម្ពុជា។

ក្នុងដំណើរបំពេញទស្សនកិច្ចផ្លូវការរបស់សម្តេចធិបតី ហ៊ុន ម៉ាណែត នៅប្រទេសឡាវ នារសៀលថ្ងៃទី២៥ ខែមីនា ឆ្នាំ២០២៤ រដ្ឋធានីវៀងចន្ទន៍ សម្តេចធិបតី និងឯកឧត្តមនាយករដ្ឋមន្ត្រីឡាវ បានចូលរួមជាអធិបតីជាមួយក្នុងពិធីចុះអនុស្សរណៈយោគយល់គ្នាលើឯកសារចំនួន៧។

ស្ថានីយប្រព្រឹត្តកម្មទឹកកខ្វក់ទី៣ចំណាយទឹកប្រាក់ជាង ១៩,៩លានដុល្លារមានសមត្ថភាពផលិតទឹកកខ្វក់បានចំនួន ២ម៉ឺនម៉ែត្រគីបក្នុងមួយថ្ងៃ ដែលស្ថិតនៅភូមិ៤សង្កាត់លេខ៤ ក្រុងព្រះសីហនុ ខេត្តព្រះសីហនុ ដាក់ឱ្យប្រើប្រាស់ជាផ្លូវការ កាលពីថ្ងៃទី២២ខែមីនា ឆ្នាំ២០២៤នេះ។

រដ្ឋាភិបាលជប៉ុន បានឯកភាពផ្តល់ថវិកាសរុបចំនួន៨៥៤,៩៥៦ ដុល្លារ ដល់ស្ថាប័នទទួលជំនួយចំនួនពីរក្រោមគ្រោងការណ៍ជំនួយឥតសំណងសម្រាប់គម្រោងអង្គការក្រៅរដ្ឋាភិបាលជប៉ុន។ ការផ្តល់ជំនួយនៅថ្ងៃទី២៥ ខែមីនា ឆ្នាំ២០២៤នេះ ត្រូវលោកឯកឧត្តម អ៊ូអិណុ អាត់ស៊ូស៊ី ឯកអគ្គរាជទូតវិសាមញ្ញ និងពេញសមត្ថភាពរបស់ប្រទេសជប៉ុនប្រចាំកម្ពុជា សង្ឃឹមថា នឹងកែលម្អគុណភាពជីវិតរបស់ប្រជាជនក្នុងទីតាំងគម្រោងនីមួយៗនិងលើកកម្ពស់មិត្តភាពជប៉ុន-កម្ពុជា បន្ថែមទៀត។