ចំណេះដឹង និង ព័ត៌មាន

សហព័ន្ធកីឡាបាល់បោះរទេះជនពិការកម្ពុជា(CWBF) ទទួលបានជំនួយឥតសំណងចំនួន ៧៦ ៣៣៣ដុល្លារ ពីរដ្ឋាភិបាលជប៉ុន សម្រាប់សាងសង់ដំបូលនៅទីលានបាល់បោះរទេះជនពិការ ក្នុងខេត្តបាត់ដំបង។ ថវិកាដែលផ្តល់ឱ្យនេះ ធ្វើឡើងតាមរយៈគម្រោងគម្រោងទ្រង់ទ្រាយតូចវប្បធម៌គូសាណូណិរបស់ប្រទេសជប៉ុន។ឯកអគ្

ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (MISTI) នឹងរៀបចំ«ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍» ជាលើកទី២ នៅថ្ងៃទី២៤ ដល់ ២៦ ខែមីនាឆ្នាំ២០២៤ ខាងមុខនេះ ដោយលើកយកប្រធានបទ៖«សហគ្រាសធុនតូច និងមធ្យមឆ្ពោះទៅវិទ្យាសាស្ត្រ បច្ចេកវិទ្យា និងនវានុវត្តន៍» មកពិភាក្សា។

ធនាគារពិភពលោក បានអនុម័តឥណទានចំនួន ៣៥លានដុល្លារបន្ថែម សម្រាប់គម្រោងកែលម្អការតភ្ជាប់ហេដ្ឋារចនាសម្ព័ន្ធផ្លូវថ្នល់ ដើម្បីសាងសង់ផ្លូវ និងស្ពានក្នុងខេត្តកំពង់ចាម ត្បូងឃ្មុំ និងក្រចេះ សម្រាប់ទប់ទល់នឹងឥទ្ធិពលនៃអាកាសធាតុ និងឱ្យប្រជាពលរដ្ឋប្រើប្រាស់។

រដ្ឋាភិបាលជប៉ុន តាមរយៈស្ថានទូតជប៉ុនប្រចាំនៅកម្ពុជា បានផ្តល់ជំនួយឥតសំណងសម្រាប់គម្រោងទ្រង់ទ្រាយតូចវប្បធម៌គូសាណូណិរបស់ជប៉ុន នូវថវិកាចំនួន ៣៨,៧៥០ដុល្លារ ដើម្បីអនុវត្តលើគម្រោងកែលម្អឧបករណ៍តន្រ្តីបុរាណ នៅសាលាមធ្យមវិចិត្រសិល្បៈ។

សេចក្តីប្រកាសព័ត៌មានរបស់ធនាគារជាតិនៃកម្ពុជាបានប្រាប់ដល់ពលរដ្ឋទាំងអស់ អាចយកក្រដាសប្រាក់រៀលចាស់ ទក់ រហែក ទៅប្តូរយកក្រដាសប្រាក់ថ្មីវិញបានដោយមិនគិតថ្លៃសេវា ចាប់ពីថ្ងៃទី២០-២៩ ខែមីនា ឆ្នាំ២០២៤ គ្រប់សាខាធនាគារជាតិនៃកម្ពុជានិងសាខាគ្រឹះស្ថានធនាគារនិងហិរញ្ញវត្ថុរាជធានី-ខេត្តទូទាំងប្រទេស វេលាម៉ោង៧:៣០ព្រឹកដល់ម៉ោង៣:០០រសៀល។

កម្ពុជា និងជប៉ុន បានចុះហត្ថលេខាលើកិច្ចព្រមព្រៀងស្ដីពីការផ្តល់ឥណទានសម្បទានប្រាក់យ៉េន ដែលមានទឹកប្រាក់ចំនួន ២១.១០៤ លានយ៉េន (ប្រមាណ ១៥៤ លានដុល្លារអាម៉េរិក) សម្រាប់អនុវត្តគម្រោងអភិវឌ្ឍន៍មន្ទីរពេទ្យក្នុងតំបន់។

ឯកឧត្តម ម៉ី វ៉ាន់រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុនិងជាអគ្គលេខាធិការនៃអគ្គលេខាធិការដ្ឋានអាជ្ញាធរសេវាហិរញ្ញវត្ថុមិនមែនធនាគារ(អ.ស.ហ) បានអនុញ្ញាតឲ្យឯកឧត្តម សូ សុភាប្រធានមជ្ឈមណ្ឌលបច្ចេកវិទ្យាហិរញ្ញវត្ថុនៃអគ្គលេខាធិការដ្ឋាន អ.ស.ហ ដឹកនាំកិច្ចប្រជុំពិភាក្សាការងារជាមួយលោក ទិត្យ កំរង ស្ថាបនិក និងជានាយកប្រតិបត្តិក្រុមហ៊ុន ឫទ្ធិពល ឯ.កដើម្បីបង្ហាញជូននូវគំរូអាជីវកម្ម «អេបកត់លុយ»“Kotluy App” កាលពីថ្ងៃទី១២ ខែមីនា ឆ្នាំ២០២៤នេះ។

ក្រុមការងារបង្ក្រាបបទល្មើសឆបោកតាមប្រព័ន្ធអនឡាញបានចុះប្រតិបត្តិការបង្ក្រាបទីតាំងចំនួន២ នៅក្នុងខេត្តព្រះសីហនុដោយរកឃើញមនុស្សប្រមាណ ៤៧៩នាក់ ក្នុងនោះមនុស្សចំនួន ២៨៤នាក់កំពុងកសាងសំណុំរឿងទៅសាលាដំបូងខេត្តព្រះសីហនុ ចំណែក ១៩៥នាក់ទៀត ត្រូវបញ្ជូនទៅអគ្គនាយកដ្ឋានអន្តោប្រវេសន៍ដើម្បីត្រៀមបណ្តេញចេញ។

ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តគម្រោងថ្មី និងគម្រោងពង្រីកផលិតកម្មចំនួន ៣៧គម្រោងដែលមានទុនវិនិយោគជិត ១,២ពាន់លានដុល្លារ ក្នុងខែកុម្ភៈឆ្នាំ២០២៤នេះ ដោយគម្រោងទាំងអស់អាចបង្កើតការងារបាន ៣៨ពាន់កន្លែង។

កម្ពុជា បានចុះហត្ថលេខាលើអនុស្សរណៈនៃការយោគយល់ចំនួន៤ ជាមួយនឹង UNDP, ប្រទេសឡាវ និងប្រទេសកូរ៉េខាងត្បូង។ពិធីចុះ MOU នេះ ធ្វើឡើងក្រោមវត្តមានរបស់សម្តេចធិបតី ហ៊ុនម៉ាណែត នាយករដ្ឋមន្ត្រី បន្ទាប់ពីសម្តេចបានថ្លែងបើក«វេទិការដ្ឋាភិបាលឌីជីថល(Digital Government Forum)» លើកទី១ ឆ្នាំ២០២៤នាព្រឹកថ្ងៃទី១១ មីនានេះ។