ចំណេះដឹង និង ព័ត៌មាន

មន្ទីរពេទ្យកុមារអង្គរ នៅខេត្តសៀមរាប បានទទួលថវិកាចំនួន ៥០ម៉ឺនដុល្លារ ពីសប្បុរសធម៌ដែលបានបរិច្ចាគក្នុងព្រឹត្តិការណ៍បាល់ទាត់មិត្តភាពសប្បុរសធម៌ តាមរយៈសម្តេចតេជោ ហ៊ុន ដែល ដែលក្រុមបាល់ទាត់តារាកម្ពុជា បានប្រគល់ឱ្យនៅថ្ងៃ៥ ខែឧសភា ឆ្នាំ២០២៤។មន្ទីរពេ

ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តគម្រោងវិនិយោគចំនួន២២ ដែលមានទុនវិនិយោគសរុបប្រមាណជាង៣០៩លានដុល្លារ និងអាចបង្កើតការងារបានប្រមាណ ២៣ពាន់កន្លែង ក្នុងខែមេសា ឆ្នាំ២០២៤។

សភាពាណិជ្ជកម្មកម្ពុជា ក្នុងសកម្មភាពចងក្រងសម្ព័ន្ធមេត្រីភាពជាមួយកងពលតូចអន្តរាគមន៍លេខ៨ ខេត្តព្រះវិហារ បានឧបត្ថម្ភរថយន្តសារ៉ែនចំនួន ៣គ្រឿង ដល់កងទ័ពខេត្តព្រះវិហារ និងបានផ្តល់ជាសម្ភារផ្សេងៗដែលសរុបជាទឹកប្រាក់ចំនួន ៧៦ ៤៣០ដុល្លារ។

សម្តេចធិបតី ហ៊ុន ម៉ាណែត បានថ្លែងថា កំពង់ផែស្វ័យព្រះសីហនុ បានដើរតួនាទីជាចលករសំខាន់ក្នុងការជួយដល់ការរីកចម្រើនលើវិស័យជាច្រើន ព្រមទាំងជំរុញកំណើនសេដ្ឋកិច្ចជាតិ។ ទន្ទឹមនឹងនេះ គម្រោងសាងសង់ចំណតផែកុងតឺន័រទឹកជ្រៅថ្មី ជំហានទី១ បាននិងកំពុងអភិវឌ្ឍន៍ក្រោមកម្ចីឥណទានសម្បទានពីរដ្ឋាភិបាលជប៉ុន ២៤៣លានដុល្លារ។

ក្រសួងពាណិជ្ជកម្ម ជំរុញដល់ម្ចាស់អាជីវកម្មចុះបញ្ជីពាណិជ្ជកម្មដោយស្ម័គ្រចិត្តក្នុងវិស័យព័ត៌មាន និងសោតទស្សន៍ ដើម្បីទទួលបានការលើកលែងកាតព្វកិច្ចបង់កម្រៃសេវាសាធារណៈចុះបញ្ជីពាណិជ្ជកម្មរយៈពេល៣ឆ្នាំនិងការលើកលែងការផាកពិន័យនានា សម្រាប់អាជីវកម្មដែលបានដំណើរការនិងមិនបានចុះបញ្ជីត្រឹមត្រូវ។

ក្នុងរយៈពេល ៤ខែនៃឆ្នាំ២០២៤ កម្ពុជា រកចំណូលបានជិត២០លានដុល្លារ ពីការលក់សំបុត្រទៅភ្ញៀវបរទេសចូលទស្សនារមណីយដ្ឋានអង្គរ ប្រាសាទកោះកែរ និងកំពង់ផែចុងឃ្នៀស។ ចំនួន ភ្ញៀវទេសចរចូលទស្សនាសរុប ៤២១ ៣៧៩ នាក់ ដែលលក់សំបុត្របាននេះ មានការកើនឡើង ៤០,៩៣% ក្នុងពេលដូចគ្នាឆ្នាំ២០២៣។

ក្រសួងការងារ និងបណ្តុះបណ្តាលវិជ្ជាជីវៈ បានចេញប្រកាសមួយស្តីពី«លក្ខខណ្ណវិនិច្ឆ័យផ្តល់ពានរង្វាន់សហគ្រាសមួយជាសហគមន៍សុខសាន្តមួយប្រចាំឆ្នាំ២០២៤ សម្រាប់វិស័យវាយនភណ្ឌ កាត់ដេរ ផលិតផលស្បែកជើង និងផលិតផលធ្វើដំណើរ និងកាបូប»។

ធនាគារជាតិនៃកម្ពុជា និងធនាគារជាតិនៃហ៊្សកហ្ស៊ី បានចុះអនុស្សរណៈយោគយល់ (MOU) ដើម្បីបង្កើតជាក្របខ័ណ្ឌកិច្ចសហប្រតិបត្តិការចែករំលែកចំណេះដឹង និងបទពិសោធការងារបច្ចេកទេសរបស់ធនាគារកណ្តាលនៃប្រទេសទាំងពីរ។

មូលនិធិគន្ធបុប្ផាកម្ពុជា បានទទួលថិវកាជាង៤លានដុលារ (៤,០០១,២៥០ដុល្លារ) ពីព្រឹត្តិការណ៍បាល់ទាត់មិត្តភាពសប្បុរសធម៌ ក្រោមមូលបទ៖«រួមគ្នាដើម្បីសប្បុរសធម៌ និងប្រយុទ្ធប្រឆាំងគ្រឿងញៀន» កាលពីថ្ងៃទី០១ ឧសភា ឆ្នាំ២០២៤នេះ ដែលផ្តួចផ្តើមដោយសម្ដេចតេជោ ហ៊ុន សែន ប្រធានព្រឹទ្ធសភា និងជាស្ថាបនិកមូលនិធិគន្ធបុប្ផាកម្ពុជា។

រោងចក្រដំឡើងរថយន្តតូយ៉ូតា ដែលបានបោះទុនវិនិយោគប្រមាណ ៣៦,៨លានដុល្លា បើកឱ្យដំណើរការជាផ្លូវការ ដោយចាប់ផ្តើមដំឡើងនូវរថយន្តពីម៉ូឌែល។ ការបើកដំណើរការរោងចក្រ នៅក្នុងតំបន់សេដ្ឋកិច្ចពិសេសភ្នំពេញ ជាផ្លូវការនៅថ្ងៃទី០២ ខែឧសភា ឆ្នាំ២០២៤នេះ មានបុគ្គលិកបម្រើការ១៥០នាក់។