ចំណេះដឹង និង ព័ត៌មាន

អង្គការអុកស្វាម និងបេឡាជាតិរបបសន្តិសុខសង្គម(ប.ស.ស.) នៃក្រសួងការងារ និងបណ្តុះបណ្តាលវិជ្ជាជីវៈ បានបើកទទួលស្នាដៃប្រកួតប្រជែងពានរង្វាន់អ្នកសារព័ត៌មានឆ្នើមស្តីពីប.ស.ស. ចាប់ពីថ្ងៃទី២១ ខែមីនា ដល់ថ្ងៃទី៣១ ខែឧសភា ឆ្នាំ២០២៤ ក្រោមមូលបទរបបសន្តិសុខសង្គមសម្រាប់កម្មករនិយោជិតក្នុងវិស័យកាត់ដេរ និងវាយនភណ្ឌ។

កម្ពុជា ​និងអាម៉េរិក បានឯកភាពគ្នាលើកកម្ពស់កិច្ចសហប្រតិបត្តិការលើការប្រយុទ្ធប្រឆាំងបទល្មើសឆបោកតាមប្រព័ន្ធអនឡាញតាមរយៈកិច្ចសហប្រតិបត្តិការផ្លាស់ប្តូរព័ត៌មានឱ្យបានជាក់លាក់ និងច្បាស់លាស់ដើម្បីទប់ស្កាត់ បង្ក្រាប និងកាត់ទោសខ្សែរយៈបណ្តាញដែលនៅពីក្រោយបទល្មើសទាំងអស់នេះ។ការរួមគ្នាលើកកម្ពស់កិច្ចសហប្រតិបត្តិការនេះធ្វើឡើងដោយឯកឧត្តមនាយឧត្តមសេនីយ៍ ស ថេតអគ្គស្នងការនគរបាលជាតិ និងឯកឧត្តម ផាទ្រីទ្រីក មើហ្វីឯកអគ្គរដ្ឋទូតអាម៉េរិកប្រចាំកម្ពុជា។

ម្ចាស់ជ័យលាភីលេខ១ក្នុងការប្រកួតប្រជែងសរសេរសំបុត្រថ្នាក់ជាតិលើកទី៣ ឆ្នាំ២០២៤ គឺយុវតី ទ្រី វួចឆេង ត្រូវបានគណៈកម្មការកម្មវិធីប្រកួតជ្រើសរើសតំណាងឱ្យកម្ពុជា ចូលរួមប្រកួតប្រជែងកម្រិតថ្នាក់អន្តរជាតិ ក្នុងចំណោមបេក្ខជនចូលរួមពីបណ្ដាប្រទេសចំនួន១៩២នៅលើពិភពលោក។

ក្រុមហ៊ុន HainanLitree គ្រោងវិនិយោគទឹកប្រាក់ប្រមាណ ៥០ ទៅ ១០០ លានដុល្លារក្នុងវិស័យទឹកស្អាតនៅកម្ពុជា នាពេល ៣-៥ឆ្នាំខាងមុខទៀត។ នេះបើតាមការឱ្យដឹងពីលោកបណ្ឌិតCai Yunlong តំណាងក្រុមហ៊ុន Hainan Litree PurifyingTechnology Co., Ltd. ដែលម៉ាកយីហោឧបករណ៍ចម្រោះទឹក Litree របស់ក្រុមហ៊ុន ត្រូវបានទទួលស្គាល់គុណភាព និងបច្ចេកវិទ្យាចម្រោះទឹកសម្រប់ប្រើប្រាស់ក្នុងគ្រួសារដែលផ្តល់អត្ថប្រយោជន៍ដល់មនុស្សជាង ៣លានគ្រួសារនៅទូទាំងពិភពលោក។

តម្លៃលក់រាយប្រេងសាំងធម្មតាបានចុះថ្លៃ ១៥០រៀល នៅសល់ ៤,៣០០រៀល/លីត្ររីឯតម្លៃប្រេងម៉ាស៊ូតចុះ ៥០រៀល គឺនៅត្រឹម ៤,០៥០រៀល/លីត្រ។ នេះបើតាមសេចក្តីជូនដំណឹងអំពីការកំណត់ថ្លៃលក់រាយប្រេងឥន្ធនៈនៅតាមស្ថានីយទូទាំងប្រទេស ដែលក្រសួងពាណិជ្ជកម្ម។

សមាគមសហគ្រិនវ័យក្មេងកម្ពុជាបានប្រកាសបើកវគ្គបណ្តុះបណ្តាលអំពី«គម្រោងពន្លឿនការប្រើប្រាស់ឌីជីថលដល់សហគ្រាសធុនមីក្រូតូច និងមធ្យម (MSMEs) សម្រាប់សេដ្ឋកិច្ចឌីជីថល» ដែលមានចំនួន៦វគ្គ ដើម្បីបង្កើនសមត្ថភាព និងចំណះដឹងដល់ MSMEs លើការចាប់យកបច្ចេកវិទ្យាឌីជីថលនិងពង្រឹងការប្រកួតប្រជែងប្រកបដោយប្រសិទ្ធភាព។

កម្ពុជា បាននាំចេញទំនិញទៅកាន់ប្រទេសសំខាន់ៗមានទំហំទឹកប្រាក់ ៨ ០០៥ ៩៣៦ពាន់ដុល្លារ កើនឡើង១៥,២% គិតត្រឹមខែ៤ដើមឆ្នាំ២០២៤នេះ ខណៈការនាំចូលមានទំហំទឹកប្រាក់ ៨ ៦៦៤ ៥២៦ពាន់ដុល្លារ កើនឡើង៩,៣% បើធៀបនឹងរយៈពេលដូចគ្នា ក្នុងឆ្នាំ២០២៣។

កម្ពុជា សម្រេចបានការនាំចេញអង្ករចំនួន២៤៨ ៤៩១តោន ទៅកាន់គោលដៅចំនួន៦០ តាមរយៈក្រុមហ៊ុនចំនួន៤៨ ដែលគិតជាទឹកប្រាក់មានចំនួន១៧០,២២លានដុល្លារ ក្នុងរយៈពេល ៤ខែ នៃឆ្នាំ២០២៤។

សម្តេចធិបតី ហ៊ុន ម៉ាណែត បានប្រកាសផ្តល់ក្របខ័ណ្ឌដល់សាច់ញាតិបង្កើត ដែលអាចជាកូន ជាចៅ បងប្អូនបង្កើត ទាំងជាស្ត្រីឬបុរស របស់យោធិនពលីក្នុងឧបទ្ទវហេតុផ្ទុះគ្រាប់ នៅខេត្តកំពង់ស្ពឺ ទាំង ២០នាក់ ឱ្យចូលបម្រើក្នុងជួរកងទ័ពបន្តវេន។ពីឪពុក ឬបងប្អូនរបស់គាត់។

«ពិព័រណ៍ការងារ និងមគ្គទេសក៍អាជីព» នឹងផ្តល់ឱកាសការងារដល់យុវជនចំនួន ៥ ៤០០កន្លែង ពីក្រុមហ៊ុន និងសហគ្រាសធំៗជាង២០ ដែលនឹងធ្វើនៅថ្ងៃទី០៩-១០ ខែឧសភា ឆ្នាំ២០២៤ នា អគារ KAMPUS ។