ចំណេះដឹង និង ព័ត៌មាន

ក្នុងរយៈពេល ៥ខែ ឆ្នាំ២០២៤ កម្ពុជា រកចំណូលពីការលក់សំបុត្រជូនភ្ញៀវអន្តរជាតិចូលទស្សនារមណីយដ្ឋានអង្គរបាន ២ ២០៦ ៨៩១ដុល្លារ ដែលមានចំនួនកើនឡើង ៣៨,២២% ធៀបនឹងរយៈពេលដូចគ្នា ឆ្នាំ២០២៣។

ធនាគារពិភពលោក (World​ Bank) បានអនុម័តហិរញ្ញប្បទានបន្ថែមទៀតចំនួន ៧៩,៥លានដុល្លារដើម្បីពង្រីកសកម្មភាពដែលបានអនុវត្តក្នុងគោលដៅលើកកម្ពស់លទ្ធភាពទទួលបានការអប់រំប្រកបដោយគុណភាពនៅកម្ពុជា។

ក្រសួងពាណិជ្ជកម្ម បានអំពាវនាវដោយលើកទឹកចិត្តដល់ធុរជនសហគ្រិន វិនិយោគិន និងផលិតករខ្មែរ ដាក់ពាក្យចូលរួមពិព័រណ៍ចិន-អាស៊ាន លើកទី២១ The21st China-ASEAN Expo នៅប្រទេសចិន។ ក្នុងពិព័រណ៌ដែលនឹងរៀបចំនៅខែកញ្ញាឆ្នាំ២០២៤ខាងមុន ក៏ជាឱកាសដែលសគ្រិនកម្ពុជា អាចចាប់ដៃគូពាណិជ្ជកម្មជាមួយពាណិជ្ជករចិននិងអាស៊ានផងដែរ។

ឯកឧត្តមឧបនាយករដ្ឋមន្ត្រី ស៊ុន ចាន់ថុលអនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានបង្ហាញការតាំងចិត្តនិងស្នើឱ្យមានការចូលរួមពីភាគីមិត្តវៀតណាមធ្វើយ៉ាងណាសម្រេចទិសដៅក្នុងការបង្កើនទំហំពាណិជ្ជកម្មរវាងប្រទេសទាំងពីរឱ្យដល់២០ប៊ីលានដុល្លារអាមេរិក នៅថ្ងៃអនាគតដ៏ខ្លីខាងមុខ។

ធនាគារពិភពលោក បានអនុម័តឥណទានតម្លៃ៤០លានដុល្លារសម្រាប់គាំទ្រគម្រោងបង្កើនជំនាញដល់ប្រជាពលរដ្ឋកម្ពុជា ប្រមាណ ៣៣០០០នាក់។ ការផ្តល់កម្ចីនេះ ដើម្បីរកការងារបានកាន់តែល្អតាមរយៈការកែលម្អការបណ្តុះបណ្តាលជំនាញ និងសេវាកម្មទីផ្សារការងារ។

ក្រសួងពាណិជ្ជកម្ម លើកទឹកចិត្តដល់បណ្ដាធុរជនសហគ្រិន វិនិយោគិន និងផលិតករ ដែលមានបំណងស្វែងរកដៃគូពាណិជ្ជកម្មថ្មីៗនិងមានបំណងតភ្ជាប់ទំនាក់ទំនងពាណិជ្ជកម្ម ជាមួយពាណិជ្ជករចិន និងអន្តរជាតិអាចដាក់ពាក្យចូលរួមព្រឹត្តិការណ៏«ពិព័រណ៍ពាណិជ្ជកម្មទំនិញនាំចូលអន្តរជាតិចិនលើកទី៧»។ ពិព័រណ៍នេះនឹងធ្វើនៅថ្ងៃទី៥-១០ ខែវិច្ឆិកា ឆ្នាំ២០២៤ នៅទីក្រុងសៀងហៃប្រទេសចិន។

សហព័ន្ធស្រូវអង្ករកម្ពុជានឹងដឹកនាំក្រុមហ៊ុននាំចេញអង្ករនាំមុខចំនួន៤ របស់កម្ពុជាចូលរួមតាំងបង្ហាញផលិតផលអង្ករ ដែលមានគុណភាពល្អបំផុតរបស់កម្ពុជានិងធ្លាប់បានឈ្នះពាន់រង្វាន់អង្ករល្អបំផុតក្នុងពិភពលោក ទៅតាំងពិព័រណ៍ TheSaudi Food Show នៅទីក្រុង រីយ៉ាត ប្រទេសអារ៉ាប៊ីសាអ៊ូឌីត នៅថ្ងៃទី២១-២៣ ឧសភានេះ។

ក្នុងឆ្នាំ២០២៣ ទំហំពាណិជ្ជកម្មទ្វេភាគីរបស់កម្ពុជា និងកូរ៉េ មានទំហំសរុបប្រមាណ ៧៥១លានដុល្លារ ឈរលើលេខរៀងទី១១ ខណៈដែលការវិនិយោគរបស់កូរ៉េ នៅកម្ពុជា ក្នុងទំហំទឹកប្រាក់សរុបជាង ៥ពាន់លានដុល្លារ ក្នុងនោះមានប្រមាណ ៣០លានដុល្លារ ក្នុងឆ្នាំ២០២៣ដដែល ដោយឈរលើលេខរៀងទី៩។

ក្នុងឆ្នាំ២០២៣ ទំហំពាណិជ្ជកម្មទ្វេភាគីរបស់កម្ពុជានិងកូរ៉េ មានទំហំសរុបប្រមាណ ៧៥១លានដុល្លារ ឈរលើលេខរៀងទី១១ ខណៈដែលការវិនិយោរបស់កូរ៉េនៅកម្ពុជា ក្នុងទំហំទឹកប្រាក់សរុបជាង ៥ពាន់លានដុល្លារ ក្នុងនោះមានប្រមាណ៣០លានដុល្លារ ក្នុងឆ្នាំ២០២៣ដដែល ដោយឈរលើលេខរៀងទី៩។

សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជានិងឯកឧត្តម យូន ស៊ុកយ៉ល ប្រធានាធិបតី នៃសាធារណរដ្ឋកូរ៉េ បានចូលរួមជាធិបតីក្នុងពិធីចុះអនុស្សរណៈយោគយល់គ្នា(MOU) លើឯកសារចំនួនចំនួន១២ នៅថ្ងៃទី១៦ ខែឧសភា ឆ្នាំ២០២៤នេះ។ ពិធីចុះ MOUនេះ ធ្វើឡើងនាឱកាសដែលសម្តេចធីបតី ហ៊ុន ម៉ាណែតទៅបំពេញទស្សកិច្ចផ្លូវការ ចាប់ពីថ្ងៃទី១៥-១៨ ខែឧសភា ឆ្នាំ២០២៤នៅទីក្រុងសេអ៊ូល ប្រទេសកូរ៉េ។