ចំណេះដឹង និង ព័ត៌មាន

គម្រោងខ្សែក្រវាត់ទី៣ ប៉ែកខាងកើត មានប្រវែងប្រមាណ៣៤,១៥គីឡូម៉ែត្រ ដោយផ្តើមពីមហាវិថីឈ្នះ-ឈ្នះ នូវចំណុចប្រសព្វផ្លូវជាតិលេខ៦​ រហូតដល់ចំណុចប្រសព្វផ្លូវលេខ៧០បេ និងឆ្លងកាត់កោះដាច់ និងកោះតាង ដោយត្រូវសាងសង់ស្ពានកាត់ទន្លេមេគង្គចំនួន៣កន្លែង។ គម្រោងសាងសង់ខ្សែក្រវាត់ក្រុងទី៣នេះ គ្រោងចំណាយថវិកាប្រមាណ ២៤០លានដុល្លារ។

ប្រមុខរដ្ឋស្តីទី សម្តេចវិបុលសេនាភក្តីសាយ ឈុំ កាលពីថ្ងៃទី០១ ខែមីនា ឆ្នាំ២០២៣នេះ បានចេញព្រះរាជក្រឹត្យត្រាស់បង្គាប់តែងតាំង និងផ្តល់ឋានៈដល់លោកជំទាវបណ្ឌិត ជា សិរី ជាអគ្គទេសាភិបាលរង ធនាគារជាតិនៃកម្ពុជា ដែលមានឋានៈស្មើរដ្ឋមន្ត្រី។

គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា (CDC) បានសម្រេចចេញវិញ្ញាបនបត្រចុះបញ្ជីគម្រោងវិនិយោគដល់ក្រុមហ៊ុនចំនួន ២បោះទុនប្រមាណ ១០,២លានដុល្លារ ដើម្បីបង្កើតរោងចក្រនៅភ្នំពេញនិងខេត្តកំពង់ស្ពឺ ដែលអាចបង្កើតការងារបានប្រមាណជិត ៣ពាន់កន្លែង។

រយៈពេល២ខែ ដើមឆ្នាំ២០២៣នេះ កម្ពុជាបាននាំចេញអង្ករទៅកាន់ទីផ្សារអន្តរជាតិជិត ១០ម៉ឺនតោន និងនាំចេញស្រូវបានចំនួនជាង ៨.៧ម៉ឺនតោន ដែលគិតជាទឹកប្រាក់សរុបបានប្រមាណ ២៩០,៤៩លានដុល្លារ។ នេះបើតាមការឲ្យដឹងរបស់សហព័ន្ធស្រូវអង្ករកម្ពុជា នៅថ្ងៃទី១០ ខែមីនា ឆ្នាំ២០២៣។

ឯកឧត្ដម អ៊ុក សមវិទ្យាប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. បានឱ្យដឹងថា បច្ចុប្បន្នបេឡាជាតិសន្តិសុខសង្គម បានដំណើរការរបបសន្តិសុខសង្គម ផ្នែកហានិភ័យការងារផ្នែកថែទាំសុខភាព និងផ្នែកប្រាក់សោធនដែលទើបដាក់ឱ្យអនុវត្តថ្មីៗនេះ ទាំងវិស័យឯកជននិងវិស័យសាធារណៈ។

គណៈកម្មាធិការរដ្ឋាភិបាលឌីជីលថល បាននិងកំពុងសិក្សាស្វែងយល់អំពី ChatGPT បន្ថែម និងបានពិភាក្សាជាមួយក្រុមហ៊ុន ដើម្បីធ្វើយ៉ាងណាឱ្យ ChatGPT អាចប្រើប្រាស់បានជាភាសាខ្មែរ។ ក្រោយពីអាចប្រើប្រាស់ជាភាសាខ្មែរបាន ក្រសួងប្រៃសណីយ៍និងទូរគមនាគមន៍ នឹងដាក់ឱ្យស្ថាប័នរដ្ឋ និងឯកជន រួមទាំងសាធារណជនទាំងអស់ អាចប្រើប្រាស់បានយ៉ាងទូលំទូលាយ។

អគ្គនាយកដ្ឋាន ជំរុញពាណិជ្ជកម្មនៃក្រសួងពាណិជ្ជកម្ម និងក្រុមហ៊ុនភីធីធី (ខេមបូឌា) បានសហការគ្នាអនុវត្តគម្រោងជំរុញការលក់ផលិតផលខ្មែរ​ ក្រោមកម្មវិធីស្តីពី៖«កិច្ចសហការជំរុញ និងបង្កើនការលក់ផលិតផលខ្មែរ» នៅស្ថានីយ៍ប្រេងឥន្ធនៈ ភីធីធី តាមបណ្តារាជធានី-ខេត្ត។ ការអនុវត្តគម្រោងនេះ ក្នុងគោលបំណងលើកកម្ពស់ផលិតផលខ្មែរ ដែលជាផលិតផលលក្ខណៈគ្រួសារតូចៗលើទីផ្សារក្នុងស្រុកការអភិវឌ្ឍវិស័យពាណិជ្ជកម្មកម្ពុជា នៅលើមូលដ្ឋាននៃតម្លាភាព និងផលប្រយោជន៍សហគមន៍។

អគ្គនាយកដ្ឋានពន្ធដារ កោះហៅម្ចាស់ក្រុមហ៊ុនចំនួន៣ ឲ្យចូលខ្លួនមកដោះស្រាយបំណុលពន្ធ ជូនរដ្ឋ ដោយមិនឲ្យលើសពី ១៥ថ្ងៃ បន្ទាប់ពីការជូនដំណឹងរបស់អគ្គនាយកដ្ឋានពន្ធដារកាលពីថ្ងៃទី០៣ ខែមីនា ឆ្នាំ២០២៣ឡើយ ដោយផ្អែកតាមច្បាប់ស្តីពីសារពើពន្ធនិងប្រកាសស្តីពីការគ្រប់គ្រងបំណុលពន្ធ។

សម្តេចនាយករដ្ឋមន្ត្រី ហ៊ុន សែន បង្ហាញការចាប់អាម្មណ៍ខ្លាំងចំពោះការដាក់តាំងបង្ហាញផលិតផល ដែលផលិតដោយស្នាដៃកូនខ្មែរនៅតាមស្តង់នានា ក្នុងពិធីបុណ្យទន្លេលើកទី៧ ដែលរៀបចំនៅខេត្តកំពង់ធំ រយៈពេល៣ថ្ងៃ ចាប់ពីថ្ងៃទី៨-១០ ខែមីនា ឆ្នាំ២០២៣នេះ។ ទន្ទឹងនឹង ការចាប់អាម្មណ៍នេះ សម្តេច ហ៊ុន សែន បានបង្ហាញក្តីស្រមៃថា ប្រទេសកម្ពុជា នឹងក្លាយជាប្រទេសដែលផលិតនូវស្វាយចន្ទីច្រើនជាងគេបំផុងនៅលើពិភពលោក។ 

នុងរយៈពេល២ឆ្នាំ ចាប់ពីឆ្នាំ២០២០ ដល់ឆ្នាំ២០២២​ ការលក់លេខចុះបញ្ជីរថយន្ត បានចំនួន ១១៨.០៥២លេខ ទទួលបានចំណូលចំនួនជិត ៥៥លានដុល្លារ ក្នុងនោះលេខពិសេស លក់បានចំនួន ១០១.៩២០លេខ និងលេខពិសេសផ្ទាល់ខ្លួន លក់បានចំនួន ១៦.១៣២លេខ។