ចំណេះដឹង និង ព័ត៌មាន

ធនាគារអភិវឌ្ឍន៍អាស៊ី (ADB) បានអនុម័តប្រាក់កម្ចីដោយផ្អែកលើគោលនយោបាយចំនួន៥០ លានដុល្លារ ទៅលើកម្មវិធីអភិវឌ្ឍន៍តាមវិស័យសម្រាប់អន្តរកម្មថាមពល និងថវិកាចំនួន២៣ លានដុល្លារទៀត សម្រាប់ការវិនិយោគគម្រោង ដើម្បីគាំទ្រអន្តរកម្មថាមពលរបស់កម្ពុជា។

ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយកនៃអគ្គនាយកដ្ឋានពន្ធដារ បានឱ្យដឹងថា ពន្ធដារ ត្រៀមរៀបចំវិធានការនិងនីតិវិធីសម្រាប់ការគ្រប់គ្រងប្រមូលចំណូលពន្ធក្នុងវិស័យល្បែងពាណិជ្ជកម្ម (កាស៊ីណូ)។ ឯកឧត្តម គង់ វិបុល ក៏បានលើកពី ការពង្រឹងការចុះអង្កេតអចលនទ្រព្យទៅលើការធ្វើបច្ចុប្បន្នភាពព័ត៌មានអចលនទ្រព្យ ក្នុងគោលដៅពង្រឹងការផ្តល់សេវាជូនសាធារណជនជាម្ចាស់អចលនទ្រព្យ និងក្នុងការប្រកាសបង់ពន្ធអចលនទ្រព្យប្រចាំឆ្នាំផងដែរ។

ការងារប្រឆាំងនឹងការលាងសម្អាតប្រាក់ក្នុងវិស័យព្រៃឈើនិងជលផលជាការងារដ៏សំខាន់​ ដែលរដ្ឋមន្ត្រីក្រសួងកសិកម្មថ្មី ឯកឧត្តម ឌិត ទីណា បានលើកឡើងនៅក្នុងកិច្ចប្រជុំជាមួយរដ្ឋបាលព្រៃឈើអំពីវឌ្ឍនភាពការងារប្រឆាំងការសម្អាតប្រាក់ ដល់ថ្នាក់ដឹកនាំក្រសួងកសិកម្មរុក្ខាប្រមាញ់និងនេសាទ កាលពីកាលពីថ្ងៃទី១៣ ខែធ្នូនេះ ដោយឯកឧត្តម បញ្ជាក់ថា មន្ត្រីពង្រឹងច្បាប់ត្រូវយកចិត្តទុកដាក់ស្រាវជ្រាវរកឫសគល់ឲ្យដល់ប្រភពដើម។

ក្នុងខែវិច្ឆិកា ឆ្នាំ២០២២នេះ អគ្គនាយកដ្ឋានពន្ធដារប្រមូលចំណូលពន្ធ-អាករ តាមប្រព័ន្ធគ្រប់គ្រងទិន្នន័យចំណូលអនឡាញបានចំនួន ១ ០៨៥,៣១ ប៊ីលានរៀល (ប្រមាណ ២៦៧,៩៨ លានដុល្លារ) ស្មើនឹង៩,៥០% នៃផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២។

ធនាគារអភិវឌ្ឍន៍អាស៊ី (ADB) បានអនុម័តថវិកាចំនួន ៦២,៩លានដុល្លារ ឱ្យកម្ពុជាលើកកម្ពស់សន្តិសុខស្បៀងនិងជំរុញកំណើនសេដ្ឋកិច្ចប្រកបដោយបរិយាបន្ន តាមរយៈការកែលម្អសុខភាពនិងខ្សែសង្វាក់តម្លៃ ក៏ដូចជាការធ្វើពាណិជ្ជកម្មផ្លូវការ និងផលិតផលបសុសត្វ។

មេតុងទីនអនឡាញដ៏ល្បីឈ្មោះ អ្នកនាង អឿន ម៉ូលីកាត្រូវបានកម្លាំងកងរាជអាវុធហត្ថរាជធានីភ្នំពេញ ចុះឃាត់ខ្លួននាល្ងាចថ្ងៃទី១៤ ខែធ្នូឆ្នាំ២០២២នេះ ពាក់ព័ន្ធករណីមិនបំពេញកាតព្វកិច្ចចំពោះឧបករណ៍ដែលអាចជួញដូរបាន (សែកក្លែងក្លាយ)។

ឯកឧត្តម Pablo Kang ឯកអគ្គរាជទូតអូស្ត្រាលីប្រចាំកម្ពុជា បានឱ្យដឹងថារដ្ឋាភិបាលអូស្រ្តាលី បានផ្តល់បានផ្តល់ហិរញ្ញប្បទានឥតសំណងដល់កម្ពុជាប្រមាណ៦៥លានដុល្លាអាមេរិកសម្រាប់អនុវត្តកម្មវិធីភាពជាដៃគូ កម្ពុជា-អូស្ត្រាលីសម្រាប់ការអភិវឌ្ឍសេដ្ឋកិច្ចប្រកបដោយភាពធន់ (CAP RED)។ CAP RED នឹងរួមគ្នារវាងវិស័យឯកជន និងរដ្ឋាភិបាលកម្ពុជាដើម្បីរិះរកដំណោះស្រាយមកជំរុញកំណើនសេដ្ឋកិច្ចជាតិដោយផ្តោតលើវិស័យចំនួន៤ ។

អគ្គនាយកដ្ឋានពន្ធដារ ឯកឧត្តម គង់វិបុល បានឱ្យដឹងពី ការប្រមូលចំណូលពន្ធ-អាករ តាមប្រព័ន្ធគ្រប់គ្រងទិន្នន័យចំណូលអនឡាញរបស់ពន្ធដារ​ បានចំនួន ១៣ ០១៦,៩៣ ប៊ីលានរៀល (ប្រមាណ ៣២១៤,០៦ លានដុល្លារ) ក្នុងរយៈពេល ១១ខែ ឆ្នាំ២០២២នេះ។ ចំនួននេះ ស្មើនឹង ១១៣,៩៩% នៃផែនការប្រចាំឆ្នាំ២០២២ ដែលលើសផែនការកំណត់ដោយច្បាប់ ក្នុងរង្វង់ប្រមាណ ១៤% ។

អគ្គនាយកដ្ឋានពន្ធដារកោះហៅម្ចាស់ក្រុមហ៊ុនចំនួន៥ ឲ្យចូលខ្លួនមកទូទាត់បំណុលពន្ធជូនរដ្ឋ ដោយមិនឲ្យលើសពី១៥ថ្ងៃ បន្ទាប់ពីការជូនដំណឹងរបស់អគ្គនាយកដ្ឋានពន្ធដារ កាលពីថ្ងៃទី០២ ខែធ្នូ ឆ្នាំ២០២២ ដោយផ្អែកតាមច្បាប់ស្តីពីសារពើពន្ធ និងប្រកាសស្តីការគ្រប់គ្រងបំណុលពន្ធ។

ការដែលមិនបានគិតគូរដល់ហានីភ័យមួយចំនួន ដែលត្រូវការលុយយកមកដោះស្រាយធ្វើឱ្យយុវជនមួយចំនួនមើលរំលងពីអត្ថប្រយោជន៍នៃការសន្សំលុយ។ សម្រាប់យុវជនមួយចំនួនទៀតបើទោះបានដឹងច្បាស់អំពីហានីភ័យ ឬបានសិក្សាស្វែងយល់អំពីចំណេះដឹងហិរញ្ញវត្ថុការគ្រប់គ្រងចំណូលចំណាយផ្ទាល់ខ្លួនជាដើម ពួកគេនៅតែមិនសូវយកចិត្តទុកដាក់អំពីការសន្សំលុយនេះដដែលខណៈដែលមានយុវជនខ្លះខំចាយរិះថាំ ដើម្បីសល់លុយច្រើនសម្រាប់ទុកសន្សំយកទៅប្រើប្រាស់តាមគោលបំណងថ្ងៃអនាគតរបស់ពួកគេ។