ចំណេះដឹង និង ព័ត៌មាន

ក្រសួងប្រៃសណីយ៍និងទូរគមនាគមន៍ ស្នើឲ្យម្ចាស់បុរីនិងអគារសហកម្មសិទ្ធិមួយចំនួន ត្រូវបញ្ឈប់ការទារលុយជាថ្នូរ និងអនុញ្ញាតឲ្យក្រុមការងារចូលតភ្ជាប់បណ្តាញសេវាអ៊ីនធឺណិតជូនអ្នកប្រើប្រាស់។បន្ថែមពីនេះ ត្រូវបញ្ឈប់ប្រតិបត្តិការផ្តល់សេវាអ៊ីនធឺណិតដោយខ្លួនឯង​ និងគ្មានអាជ្ញាបណ្ណពីនិយ័តករទូរគមនាគមន៍កម្ពុជានៅក្នុងបុរី និងអគារសហកម្មសិទ្ធិទៀត។

រដ្ឋាភិបាលកម្ពុជា​ បានចេញអនុក្រឹត្យសម្រេចអនុញ្ញាតឱ្យចរាចរ និងប្រើប្រាសក្រដាសប្រាក់ប្រភេទ ២០០០រៀល (ពីរពាន់រៀល) គំរូថ្មី និងក្រដាសប្រាក់ប្រភេទ ២០០រៀល (ពីររយរៀល) គំរូថ្មី ចាប់ពីថ្ងៃទី១៤ ខែវិច្ឆិកា ឆ្នាំ២០២២នេះ តទៅ។

រដ្ឋាភិបាលជប៉ុន បានផ្តល់ហិរញ្ញប្បទានឥតសំណងចំនួន ៥១,៣លានដុល្លារ ដល់កម្ពុជា សម្រាប់អនុវត្តគម្រោងចំនួន៤ ទាក់ទងនឹងសម្មភាពកម្ចាត់មីន, អភិវឌ្ឍន៍សេដ្ឋកិច្ចនិងសង្គម, កែលម្អការគ្រប់គ្រងសំណល់វេជ្ជសាស្រ្ត និងពង្រីកប្រព័ន្ធផ្គត់ផ្គង់ទឹកស្អាត។ ការផ្តល់ហិរញ្ញប្បទាននេះ ធ្វើឡើងក្រោយក្រោយជំនួបទ្វេភាគីរវាងសម្តេច ហ៊ុនសែន នាយករដ្ឋមន្ត្រីនៃកម្ពុជា និងឯកឧត្តម គីស៊ីដា ហ្វូមីអូ នាយករដ្ឋមន្ត្រីជប៉ុន នៅសណ្ឋាគារសុខាភ្នំពេញ ថ្ងៃទី១២ ខែវិច្ឆិកា ឆ្នាំ២០២២។

សមាគមធនាគារនៅកម្ពុជា សមាគមមីក្រូហិរញ្ញវត្ថុកម្ពុជា និងសមាគមសហព័ន្ធហិរញ្ញវត្ថុនិងបច្ចេកវិទ្យានៃកម្ពុជា ចេញសេចក្តីថ្លែងការរួមគ្នា ដោយបដិសេធពីការអនុញ្ញាតនិងផ្សព្វផ្សាយពីកិច្ចសហការជាមួយគ្រឹះស្ថានហិរញ្ញវត្ថុ ក្នុងការជួញដូរលើរូបិយវត្ថុគ្រីបតូរួមមាន Bitcoin, Ethereum និង កាបូប Crypto ជាដើម។

អគ្គនាយកដ្ឋានពន្ធដារប្រកាសហៅអគ្គនាយកក្រុមហ៊ុនចំនួន២ ឲ្យចូលខ្លួនមកទូទាត់បំណុលពន្ធជូនរដ្ឋដោយផ្អែកតាមច្បាប់ស្តីពីសារពើពន្ធ និងប្រកាសស្តីពីការគ្រប់គ្រងបំណុលពន្ធ។ ក្រុមហ៊ុនទាំង២ ត្រូវទូទាត់បំណុលនេះដោយមិនឲ្យលើសពី ១៥ថ្ងៃបន្ទាប់ពីការជូនដំណឹងរបស់អគ្គនាយកដ្ឋានពន្ធដារកាលពីថ្ងៃទី០៤ ខែវិច្ឆិកា ឆ្នាំ២០២២។

សម្តេច ហ៊ុន សែន នាយករដ្ឋមន្ត្រីកម្ពុជានិងឯកឧត្តម លី ខឺឈាង (Li Keqiang) នាយករដ្ឋមន្ត្រីនៃសាធារណរដ្ឋប្រជាមានិតចិន បានចូលរួមជាអធិបតីក្នុងពិធីចុះហត្ថលេខាលើឯកសារសំខាន់ៗចំនួន១៨ដែលផ្តោលើការផ្តល់ជំនួយលើគម្រោងអភិវឌ្ឍន៍នៅកម្ពុជា។ នាពីធីចុះហត្ថលេខានៅថ្ងៃទី០៩វិច្ឆិកា ឆ្នាំ២០២២នេះ ក៏បានសម្ពោធជានិមិត្តរូបដាក់ឱ្យប្រើប្រាស់ផ្លូវល្បឿនលឿនភ្នំពេញ-ព្រះសីហនុផងដែរ។ ឯកសារទាំង១៨ នោះ រួមមាន៖

ក្រសួងព័ត៌មាន និងគមនាគមន៍នៃសាធារណរដ្ឋសង្គមនិយមវៀតណាម ផ្តល់អាហាររូបករណ៍ថ្នាក់បរិញ្ញាបត្រជាន់ខ្ពស់​ កម្មវិធីសិក្សាអន្តរជាតិជាភាសាអង់គ្លេសដល់ជាមន្ត្រីរាជការ ឬសាធារណជនទូទៅរបស់កម្ពុជាចំនួន ៦កន្លែង។ មុខជំនាញដែលផ្តល់ជូននោះសិក្សាលើជំនាញសន្តិសុខសាយប័រ ចំនួន ៣កន្លែង និង ៣កន្លែងទៀត គឺជំនាញបច្ចេកវិទ្យាឌីជីថលដែលសិក្សានៅវិទ្យាស្ថានបច្ចេកវិទ្យាប្រៃសណីយ៍និងទូរគមនាគមន៍ដែលជាវិទ្យាស្ថានដ៏ល្បីមួយ នៃសាធារណរដ្ឋសង្គមនិយមវៀតណាម។

លោកបណ្ឌិត អ៊ិន ចាន់នី សមាជិកក្រុមប្រឹក្សាភិបាលសមាគមធនាគារនៅកម្ពុជា លើកទឹកចិត្តឱ្យប្រជាពលរដ្ឋទាំងអស់ងាកមកប្រើប្រាស់សេវាសន្សំនៅតាមគ្រឹះស្ថានធនាគារផ្លូវការ។ ការដាក់ប្រាក់សន្សំនេះអាចអាចយកប្រាក់សន្សំនេះទៅធ្វើជាទ្រព្យធានានិងមានគុណវុឌ្ឍិក្នុងការខ្ចីប្រាក់។

ដើម្បីជំរុញការអភិវឌ្ឍវិស័យឌីជីថលនៅកម្ពុជារដ្ឋាភិបាល បានដាក់ចេញនូវគោលនយោបាយសំខាន់ៗ ជាអាទិ៍ក្របខណ្ឌគោលនយោបាយសេដ្ឋកិច្ចនិងសង្គមឌីជីថល គោលនយោបាយរដ្ឋាភិបាលឌីជីថលនិងគោលនយោបាយអភិវឌ្ឍវិស័យប្រៃសណីយ៍។ ផ្តើមចេញពីគោលនយោបាយទាំងនេះ រាជរដ្ឋាភិបាលតាមរយៈក្រសួងប្រៃសណីយ៍និងទូរគមនាគមន៍បាននិងកំពុងសិក្សារៀបចំគោលនយោបាយនិងលិខិតបទដ្ឋានគតិយុត្តសំខាន់ៗ ចំនួន៥បន្ថែមទៀត ដែលបានបញ្ចប់ការរៀបចំនិងត្រៀមបញ្ចប់ការរៀបចំ។

គម្រោងបង្កើតរោងចក្រ ២ នៅខេត្តកំពង់ស្ពឺ និងខេត្តកណ្តាល ត្រូវបានគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា (CDC) សម្រេចចេញវិញ្ញាបនបត្រចុះបញ្ជីគម្រោងវិនិយោគក្នុងទំហំទឹកប្រាក់១៤លានដុល្លារ។ នេះតាមការឱ្យដឹងពី CDC នៅថ្ងៃទី០៤ ខែវិច្ឆិកា ឆ្នាំ២០២២នេះ។