ចំណេះដឹង និង ព័ត៌មាន

GC Life ផ្តល់ឲ្យលោកអ្នកនូវសេវាកម្មធានារ៉ាប់រងអាយុជីវិតពេញលេញដែលមានបបទពិសោធដ៏ល្អបំផុតសម្រាប់លោកអ្នក។ GC Life ផលិតផលពោរពេញដោយភាពច្នៃប្រឌិតសេវាកម្មល្អ និងបទពិសោធអតិថិជនដ៏វិសេសវិសាល។ ផលិតផលធានារ៉ាប់រងរបស់ GC Life ចំនួន៣ ដែលលោកអ្នកអាចស្វែងរកនៅក្នុងកម្មវិធីអេបកត់លុយ (KotluyApp​ :​ http://bit.ly/KotluyApp)។

គិតត្រឹមត្រីមាសទី៣ ឆ្នាំ២០២២នេះ គ្រឹស្ថានមីក្រូហិរញ្ញវត្ថុទទួលប្រាក់បញ្ញើទាំង៥ បានទទួលប្រាក់បញ្ញើសរុបចំនួនជាង ៤,៧ពាន់លានដុល្លារ ពីអតិថិជនប្រមាណ ២,៦លាននាក់។ លោក​ សុខ វឿន ប្រធានក្រុមប្រឹក្សាភិបាល នៃសមាគមមីក្រូហិរញ្ញវត្ថុកម្ពុជារំពឹងថា ចំនួនប្រាក់បញ្ញើនេះនឹងបន្តកើនឡើងជាលំដាប់ តាមរយៈសេវាកម្មដែលមានភាពច្នៃប្រឌិតនិងងាយស្រួលដល់ប្រជាពលរដ្ឋក្នុងការប្រើប្រាស់។

អគ្គនាយកដ្ឋានពន្ធដារ សម្រេចឲ្យអ្នកជាប់ពន្ធប្រើប្រាស់អត្រាប្តូរប្រាក់ផ្លូវការរបស់ធនាគារជាតិនៃកម្ពុជា​ ដែលចេញផ្សាយប្រចាំថ្ងៃជំនួសវិញ។ ការកំណត់អត្រាប្តូរប្រាក់នេះ ឆ្លុះបញ្ចាំងពីទីផ្សារជាក់ស្តែងដែលធនាគារជាតិកំណត់អត្រាប្តូរប្រាក់ផ្លូវការ ដែលជាអត្រាអន្តរធនាគារអនុវត្តនៅក្នុងប្រព័ន្ធជួញដូររបស់ធនាគារជាតិ ក្នុងគោលបំណងពង្រឹងការគ្រប់គ្រងចំណូលពន្ធនិងផ្តល់ភាពងាយស្រួសដល់ដល់អ្នកជាប់ពន្ធ។

រដ្ឋាភិបាលកម្ពុជា តាមរយៈក្រសួងឧស្សាហកម្មវិទ្យាសាស្ត្រ និងនវានុវត្តន៍ រៀបចំវេទិកាពិព័រណ៍បច្ចេកវិទ្យាកម្ពុជា ២០២២​ ដើម្បីជំរុញការអភិវឌ្ឍសេដ្ឋកិច្ចឌីជីថលកម្ពុជានៅមជ្ឍមណ្ឌលសន្និបាតនិងពិព័រណ៍កោះពេជ្រ នាថ្ងៃទី១១ ដល់ថ្ងៃទី១៣ ខែវិច្ឆិកាឆ្នាំ២០២២ខាងមុខនេះ ដែលក្នុងនោះមានវេទិកាចំនួន ៤ទៀតរួមបញ្ចូលផងដែរ។

អគ្គនាយកនៃអគ្គនាយដ្ឋានគយនិងរដ្ឋាករកម្ពុជាឯកឧត្តម គុណ ញឹម បានគូសបញ្ជាក់អំពីសារសំខាន់នៃការប្រឆាំងការសម្អាតប្រាក់និងហិរញ្ញប្បទានភេរវកម្ម ដែលរាជរដ្ឋាភិបាលកម្ពុជាមានការប្ដេជ្ញាចិត្តខ្ពស់ក្នុងការអនុវត្តកិច្ចការនេះ។ ឯកឧត្តមគុណ ញឹម បានសង្កត់ធ្ងន់ថា កម្ពុជាបានដាក់គោលដៅការងារដើម្បីដកខ្លួនចេញពីបញ្ជីប្រផេះក៏ប៉ុន្តែកម្ពុជាបានកំណត់និងប្រកាន់យកឆន្ទៈអនុវត្តការប្រឆាំងការសម្អាតប្រាក់និងហិរញ្ញប្បទានភេរវកម្មប្រកបដោយនិរន្តរភាព។

និយ័តករអចលវត្ថុនិងបញ្ចាំ កោះហៅលោក ហេងចាន់ណា នាយកក្រុមហ៊ុនអិនអេច លែន ឯ.កនិងជាម្ចាស់គម្រោងដឹកនាំលំនៅដ្ឋានធម្មជាតិស្ថិតនៅឃុំអូរ ស្រុកភ្នំស្រួចខេត្តកំពង់ស្ពឺ ឲ្យមកបង់ប្រាក់ផាកពិន័យ ៥០លានរៀល។ដោយក្រុមហ៊ុនបានកំពុងធ្វើអាជីវកម្មអភិវឌ្ឍដីឡូតិ៍ដោយពុំមានអាជ្ញាបណ្ណ ដូច្នេះក្រុមហ៊ុនបានប្រព្រឹត្តិល្មើសនឹងប្រកាសលេខ០៨៩ សហវ.ប្រក ស្តីពី៖«ការគ្រប់គ្រងអាជីវកម្មអភិវឌ្ឍអចលនវត្ថុ»ចុះថ្ងៃទី២០ ខែមករា ឆ្នាំ២០២០។

ក្រសួងប្រៃសណីយ៍និងទូរគមនាគមន៍ ដាក់ឲ្យប្រើប្រាស់កម្មវិធី«កម្ពុជាឆ្ពោះទៅឌីជីថល» (Godigital.gov.kh) ក្នុងទិសដៅជំរុញការអភិវឌ្ឍចំណេះដឹងឌីជីថលនិងការប្រើប្រាស់ប្រព័ន្ធឌីជីថលក្នុងជីវភាពរស់នៅប្រចាំថ្ងៃប្រកបដោយប្រសិទ្ធភាពដោយស្របតាមទិសដៅកំណត់ក្នុងគោលនយោបាយរដ្ឋាភិបាលឌីជីថលកម្ពុជា ២០២២-២០២៥។

រយៈពេល ៨ខែ ឆ្នាំ២០២២ ទំហំពាណិជ្ជកម្មទ្វេភាគីរវាងកម្ពុជានិងអេមីរ៉ាតអារ៉ាប់រួម សម្រេចបានប្រមាណ២៧៩លានដុល្លារ ដែលកើនឡើង ៤០% បើធៀបនឹងរយៈពេលដូចគ្នាក្នុងឆ្នាំ២០២១។នេះបើតាមការបញ្ជាក់របស់ឯកឧត្តម ប៉ាន សូរស័ក្តិរដ្ឋមន្ត្រីក្រសួងពាណិជ្ជកម្មកម្ពុជា នៅទីក្រុងអាប៊ុយដាប៊ី អេមីរ៉ាតអារ៉ាប់រួម។

ក្រសួងសេដ្ឋកិច្ចនិងហិរញ្ញវត្ថុ បានចេញខ្លឹមសារសង្ខេបប្រតិបត្តិស្តីពី៖«សេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣»។ សេចក្តីព្រាងច្បាប់នេះ រដ្ឋាភិបាលគ្រោងចំណាយ ៣៩ ២០៦ ២០៥ លានរៀល (ប្រមាណ៩.៦ពាន់លានដុល្លារ) នឹង ២៩.៨៧% នៃផលិតផលក្នុងស្រុកសរុប មានកំណើន១៣% ធៀបនឹងច្បាប់ឆ្នាំ២០២២។ សេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣នេះ​ ត្រូវបានសម្តេចនាយករដ្ឋមន្ត្រី ហ៊ុន សែន សម្រេចអនុម័តនៅក្នុងកិច្ចប្រជុំពេញអង្គគណៈរដ្ឋមន្រ្តីនៅថ្ងៃទី២៨ ខែតុលានេះ។

គណៈកម្មការគ្រប់គ្រងល្បែងពាណិជ្ជកម្មកម្ពុជា (គ.ល.ក) ណែនាំឲ្យម្ចាស់កាស៊ីណូទាំងអស់ស្នើសុំអាជ្ញាបណ្ណ ពី គ.ល.ក។ ចំណែកឯ កាស៊ីណូដែលធ្លាប់មានអាជ្ញាបណ្ណហើយ ត្រូវស្នើសុំបន្តសុពលភាពអាជ្ញាបណ្ណទៀតដែរ។ ក្នុងករណីដែលម្ចាស់កាស៊ីណូ មិនអនុវត្តតាមការណែនាំចាត់ទុកថាប្រព្រឹត្តិល្មើសនឹងច្បាប់ស្តីពីការគ្រប់គ្រងល្បែងពាណិជ្ជកម្ម។