ចំណេះដឹង និង ព័ត៌មាន

អង្គការអុកស្វាមធ្វើជាម្ចាស់ផ្ទះក្នុងកិច្ចពិភាក្សាស្តីពី «ការពង្រឹងហិរញ្ញវត្ថុប្រកបដោយចីរភាពនិងការទទួលខុសត្រូវក្នុងតំបន់អាស៊ាន»ដើម្បីផ្តល់ធាតុចូលលើរបកគំហើញនិងអនុសាសន៍សំខាន់ៗនៅក្នុងរបាយការណ៍រួម FFA-GRAISEA ដែលមានឈ្មោះថា “Harvesting Inequality” ឬផលប៉ះពាល់ក្នុងសង្គមនៃការវិនិយោគរបស់គ្រឹះស្ថានហិរញ្ញវត្ថុនៅក្នុងវិស័យកសិពាណិជ្ជកម្មនៅអាស៊ី។

ក្រសួងប្រៃសណីយ៍និងទូរគមនាគមន៍ (ក.ប.ទ) ស្នើឲ្យសាធារណជនទាំងអស់ចូលរួមប្រើប្រាស់កម្មវិធីវាស់ស្ទង់គុណភាពសេវាទូរស័ព្ទនិងល្បឿនអ៊ីនធឺណិត “MPTC Speed Test” ដោយឥតគិតថ្លៃចាប់ពេលនេះតទៅ។ កម្មវិធីនេះ មានមុខងារចម្បងសម្រាប់វាស់ស្ទង់កម្រិតសេវាទូរស័ព្ទ និងដំណើរការអ៊ីនធឺណិតនៅគ្រប់ទីកន្លែងនិងគ្រប់ពេលវេលា។

គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា (CDC) បានអនុម័តចេញវិញ្ញាបនបត្រចុះបញ្ជីគម្រោងវិនិយោគដល់ក្រុមហ៊ុនចំនួន៨ បោះទុនប្រមាណ ៨៩លានដុល្លារ ដើម្បីបង្កើតរោងចក្រ និងគម្រោងសាងសង់រួមទាំងគម្រោងអភិវឌ្ឍន៍ នៅរាជធានី-ខេត្តចំនួន៥ ដែលអាចបង្កើតការងារបានប្រមាណ ៥៤៣៣កន្លែង។

តំបន់អាស៊ីបូព៌ា និងប៉ាស៊ីហ្វិកភាគច្រើនរក្សាបានកំណើនសេដ្ឋកិច្ចអាចគ្រប់គ្រងបានក្នុងឆ្នាំ២០២២​ ពីការប៉ះទង្គិចដោយសារវិបត្តិកូវីដ-១៩ ខណៈដែលប្រទេសចិនបានបាត់បង់កំណើនសេដ្ឋកិច្ច ដោយសារតែការបន្តវិធានការរឹតបន្តឹងដើម្បីទប់ស្កាត់មេរោគ។ នេះបើតាមរបាយការណ៍របស់ធនាគារដែលចេញផ្សាយកាលពីថ្ងៃ២៦ ខែកញ្ញាឆ្នាំ២០២២។

ក្រសួងពាណិជ្ជកម្មនឹងរៀបចំពិព័រណ៍ផលិតផលខ្មែរ នាឱកាសពិធីបុណ្យសមុទ្រលើកទី៩ ជុំទី៣ ឆ្នាំ២០២២ រយៈពេល៣ថ្ងៃ ក្នុងយុទ្ធសាស្ត្រជួយជំរុញ និងលើកកម្ពស់ផលិតផលក្នុងស្រុកឲ្យមានការទទួលស្គាល់និងចូលរួមប្រើប្រាស់កាន់តែទូលំទូលាយនៅទូទាំងប្រទេស។ កម្មវិធីនេះនឹងប្រព្រឹត្តិទៅចាប់ពីថ្ងៃទី០៩ ដល់ថ្ងៃទី១១ ខែធ្នូ ឆ្នាំ២០២២ ខាងមុខនេះ នៅខេត្តព្រះសីហនុ។

ប្រធានក្រុមប្រឹក្សាទេសចរណ៍និងធ្វើដំណើរពិភពលោក បានសន្យាផ្តល់ជំនួយបច្ចេកទេសជួយរៀបចំគណនីរណបទេសចរណ៍ ដើម្បីវាស់វែងអត្ថប្រយោជន៍សេដ្ឋកិច្ចពីវិស័យទេសចរណ៍នៅកម្ពុជា ព្រមទាំងអនុញ្ញាតឲ្យក្រសួងទេសចរណ៍កម្ពុជា ប្រើប្រាស់ប្រព័ន្ធមូលដ្ឋានធានាចីរភាពក្នុងសេវាកម្មសណ្ឋាគារសម្រាប់គាំទ្រដល់ការស្តារវិស័យទេសចរណ៍នៅកម្ពុជា។

សម្តេចនាយករដ្ឋមន្រ្តី ហ៊ុន សែន បានចេញអនុក្រឹត្យស្តីពីតារាងភាគនៃប្រាក់ចំណូលជាប់ពន្ធប្រចាំឆ្នាំ និងតារាងភាគនៃប្រាក់បៀវត្សជាប់ពន្ធប្រចាំខែ ដែលសម្រេចបានដោយរូបវន្តបុគ្គលសហគ្រាសឯកបុគ្គល និងចំណែកដែលត្រូវបែងចែកឱ្យសមាជិកម្នាក់ៗរបស់ក្រុមហ៊ុនសហកម្មសិទ្ធិ ដែលមិនត្រូវបានចាត់ទុកជានីតិបុគ្គល និងតារាងភាគនៃប្រាក់បៀវត្សជាប់ពន្ធប្រចាំខែរបស់និយោជិតនិវាសនជន។

ក្រសួងសាធារណការ និងដឹកជញ្ជូននិងក្រុមហ៊ុនសាជីវកម្មស្ពាននិងថ្នល់ចិន (CRBC) អនុញ្ញាតឲ្យសាធារណជនបើកបរយានយន្តលើផ្លូវល្បឿនលឿនរយៈពេល ១ខែ ដោយឥតគិតថ្លៃ ចាប់ពីថ្ងៃទី០១ ដល់ថ្ងៃទី៣១ខែតុលា ឆ្នាំ២០២២។ ការផ្តល់ជូននេះគឺ ដើម្បីផ្សព្វផ្សាយ និងបង្កើនការយល់ដឹងអំពីការប្រើប្រាស់ផ្លូវល្បឿនលឿនដល់សាធារណជនឲ្យបានទូលំទូលាយ។

ឯកឧត្ដម ថោង ខុនរដ្ឋមន្ត្រីក្រសួងទេសចរណ៍ បានប្រកាសឱ្យប្រធានមន្ទីរទេសចរណ៍ទាំង២៥រាជធានី-ខេត្ត ចូលរួមសហការទប់ស្កាត់សកម្មភាពល្បែងស៉ីសងក្នុងមូលដ្ឋានអាជីវកម្មទេសចរណ៍ដែលស្ថិតក្នុងដែនសមត្ថកិច្ចរបស់ខ្លួន។ សារាចរណែនាំដែលផ្សព្វផ្សាយកាលពីថ្ងៃទី២៣ កញ្ញានេះ ធ្វើឡើងដោយយោងតាមសារសំលេងរបស់សម្តេចនាយរដ្ឋមន្ត្រី ហ៊ុន សែន កាលពីថ្ងៃទី១៧ កញ្ញា ស្តីពី៖«ការបង្ក្រាបល្បែងស៊ីសងខុសច្បាប់គ្រប់ប្រភេទនៅកម្ពុជា»។

កម្ពុជាទទួលបានភ្ញៀវទេសចរសរុបជាង១លាន ២សែននាក់ បានដើរកម្សាន្តនាពិធីបុណ្យភ្ជុំបិណ្ឌរយៈពេល៣ថ្ងៃ ក្នុងនោះខេត្តបាត់ដំបង សៀមរាប និងកែប មានភ្ញៀវទេសចរទៅកម្សាន្តច្រើនជាងគេ។