ចំណេះដឹង និង ព័ត៌មាន

កម្ពុជា និងអេមីរ៉ាតអារ៉ាប់រួមបានសម្រេចបានទំហំពាណិជ្ជកម្មទ្វេភាគីប្រមាណ ១៥០លានដុល្លារ ក្នុងឆ្នាំ២០២១ ដែលកើនឡើង៥៣% ធៀបនឹងឆ្នាំ២០២០។ កំណើតនេះផ្អែកតាមទិន្នន័យពាណិជ្ជកម្មកម្ពុជា។ ឯកឧត្តមរដ្ឋមន្ត្រីប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្មកម្ពុជា បានឱ្យដឹងថា អេមីរ៉ាតអារ៉ាប់រួមជាទីផ្សារធំមួយដែលឈរក្នុងលំដាប់ទី២៦ សម្រាប់ការនាំចេញទំនិញមកកម្ពុជា។

សម្តេច ហ៊ុន សែនអំពាវនាវឱ្យស្ថាប័នរដ្ឋ និងពលរដ្ឋ ចូលរួមសន្សំសំចៃការប្រើប្រាស់អគ្គិសនី ខណៈរដ្ឋាភិបាលបានត្រៀមថវិកាសម្រាប់បំពេញការខាតបង់របស់អគ្គិសនីកម្ពុជា (EDC) ដែលជាក្រុមហ៊ុនរបស់រដ្ឋមួយនេះ នូវថវិកាចំនួន ១០០លានដុល្លារក្នុងឆ្នាំ២០២២នេះ។ នេះជាលើកដំបូងក្នុងប្រវត្តិសាស្ត្រអគ្គិសនីកម្ពុជាឈានចូលដល់ការខាតបង់។

ក្រសួងពាណិជ្ជកម្ម នឹងបន្តរៀបចំ«ពិព័រណ៍ផលិតផលខ្មែរ និងទំនិញនាំចេញ-នាំចូលកម្ពុជាលើកទី១៥ កម្រិតអន្តរជាតិ» ចាប់ពីថ្ងៃទី១៥-១៨ ខែធ្នូ ឆ្នាំ២០២២ នៅមជ្ឈមណ្ឌលតាំងពិព័រណ៍និងសន្និបាតកោះពេជ្រ រាជធានីភ្នំពេញ។ គោលបំណងនៃពិព័រណ៍នេះ ជំរុញសកម្មភាពពាណិជ្ជកម្មនិងវិនិយោគនៅកម្ពុជាឲ្យមានសកម្មភាពរស់រវើកឡើងវិញ បន្ទាប់ពីបានអាក់ខានមួយរយៈដោយសារវិបត្តិកូវីត ជាពិសេសជំរុញការនាំចេញផលិតផលនិងសេវាឲ្យដល់គោលដៅទីផ្សារ ដែលជាផ្នែកមួយជួយជំរុញកំណើនសេដ្ឋកិច្ចជាតិ។

សហគ្រាសចំនួន១៧ ទទួលបានកញ្ចប់វិនិយោគចំនួន៥០ម៉ឺនដុល្លារ ជាមួយនឹងការគាំទ្រផ្នែកឧបករណ៍សម្ភារ និងបច្ចេកទេសបម្រើដល់ដំណើរការផលិតកម្មផលជលផល ដើម្បីលើកកម្ពស់គុណភាពសុវត្ថិភាព ប្រសិទ្ធិភាពការងារ និងផលិតផល ធ្វើយ៉ាងណាស្របតាមស្តង់ដារទីផ្សារ។ ការផ្តល់កញ្ចប់វិនិយោគនេះ ក្នុងខណៈពេលបរិបទវិបត្តិកូវីដ និងវិបត្តិសេដ្ឋកិច្ចសកល ដែលបានធ្វើឲ្យសហគ្រាសឯកជនជួបប្រទះបញ្ហាជាច្រើនក្នុងការចំណាយប្រតិបត្តិការខ្ពស់ បញ្ហាទីផ្សារ កង្វះឥណទាន ខ្វះវត្ថុធាតុដើមប្រេងឥន្ទនៈឡើងថ្លៃ ព្រមទាំងបុគ្គលិកខ្វះចំណេះ ជំនាញបច្ចេកទេសច្បាស់លាស់។

គិតត្រឹមរយៈពេល៦ខែ ដើមឆ្នាំ២០២២ កម្ពុជារកចំណូលបានពីការលក់សំបុត្រចូលទស្សនាក្នុងតំបន់រមណីយដ្ឋាន​អង្គរបានជាង២,៤លានដុល្លារ កើនឡើង​ជាង ១០០០​ភាគរយ​ បើ​ធៀប​រយៈពេល​ដូចគ្នា​ក្នុងឆ្នាំ​២០២១។ នេះបើតាមសេចក្តីប្រកាសព័ត៌មានរបស់គ្រឹះស្ថានអង្គរ។

ថវិកាចំនួន ១៥០លានដុល្លារ ដែលបានមកពីបដិភាគរបស់រដ្ឋាភិបាលចំនួន ៧៥លានដុល្លារ និងតាមរយៈធនាគារ SME និងបដិភាគរបស់គ្រឹះស្ថានហិរញ្ញវត្ថុចូលរួម (PFls) ចំនួន ៧៥លានដុលារ។ ថវិកាត្រូវបានបានដាក់សម្ពោធឱ្យដំណើរការក្នុងគម្រោង«សហហិរញ្ញប្បទានស្តារវិស័យទេសចរណ៍» គ្រោមអធិបតី២០២២ ឯកឧត្ត អូន ព័ន្ធមុនីរ័ត្ន ក្រសួងសេដ្ឋកិច្ចនិងហិរញ្ញវត្ថុ និងជាប្រធានគណៈកម្មាធិការជាតិអភិវឌ្ឍន៍ទេសចរណ៍។

លទ្ធផលការសិក្សាដែលធ្វើឡើងដោយវិទ្យាស្ថាន ERIA បានបង្ហាញថា កម្ពុជាអាចនឹងមានកំណើនប្រចាំឆ្នាំការនាំចេញក្នុងរង្វង់ប្រមាណពី ៩,៤% ទៅ ១៨% ដែលនឹងចូលរួមចំណែកក្នុងកំណើនសេដ្ឋកិច្ចជាតិបន្ថែមប្រចាំឆ្នាំប្រមាណពី ២% ទៅ ៣.៨% និងកំណើនឱកាសការងារប្រចាំឆ្នាំប្រមាណពី ៣,២% ទៅ ៦,២% ។ ចំណែកឯកំណើតចំណូលពន្ធប្រចាំឆ្នាំប្រមាណ ២% ទៅ ៣,៩% ផងដែរ។

ក្រសួងប្រៃសណីយ៍និងស្ថាប័ន្ធនឹងបច្ចេកវិទ្យា និងប្រតិបត្តិការទូរគមនាគមន៍ក្នុងស្រុកនិងអន្តរជាតិ ជំរុញឱ្យមានការចូលរួមរបស់ក្រុមហ៊ុនបច្ចេកវិទ្យាក្នុងកិច្ចការពារកុមារលើប្រព័ន្ធអនឡាញ។ ការជំរុញនេះត្រូវបានធ្វើឡើងតាមរយៈសិក្ខាសាលា ដើម្បីដាក់ចេញនូវសេចក្តីណែនាំដល់ក្រុមហ៊ុនបច្ចេកវិទ្យាក្នុងស្រុក ស្តីអំពីកិច្ចការពារកុមារលើប្រព័ន្ធអនឡាញស្របតាមស្តង់ដារអន្តរជាតិដោយបានគិតគូរពីសិទ្ធសេរីភាពរបស់កុមារក្នុងការប្រើប្រាស់អ៊ីនធឺណិត ស្របជាមួយនឹងការដាក់ចេញនូវវិធីសាស្ត្រការពារហានិភ័យ លើបណ្តាញអ៊ីនធឺណិតចំពោះពួកគេ។

គ្រប់អង្គភាពថវិកាចូលរួមប្រកបដោយស្មារតីយកចិត្តទុកដាក់ខ្ពស់ក្នុងការពិនិត្យពិភាក្សា និងផ្តល់ធាតុចូល ដើម្បីរៀបចំផែនការយុទ្ធសាស្ត្រថវិកា និងគម្រោងចំណូល-ចំណាយថវិកាឆ្នាំ២០២៣ ឱ្យកាន់តែសុក្រឹត និងគ្រប់ជ្រុងជ្រោយ។ការជំរុញឱ្យយកចិត្តទុកដាក់របស់អង្គភាពថវិកានេះ ត្រូវបានឯកឧត្តមបណ្ឌិតសភាចារ្យ ហ៊ានសាហ៊ីប រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងប្រធានក្រុមការងារថវិកាកម្រិតថ្នាក់ដឹកនំាអង្គភាពថវិកាសំដៅបន្តរក្សាបាននូវភាពជាគំរូក្នុងការអនុវត្តថវិការបស់ក្រសួងសេដ្ឋកិច្ចនិងហិរញ្ញវត្ថុ។