ចំណេះដឹង និង ព័ត៌មាន

ព្រះករុណាព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្ដេចព្រះមហាក្សត្រីនរោត្តម មុនិនាថសីហនុ បានព្រះរាជទានទ្រព្យចំនួន ១លាន ៥០ម៉ឺនដុលលារ ដើម្បីចូលរួមជាមួយរាជរដ្ឋាភិបាលសម្រាប់ដោះស្រាយបញ្ហាគ្រាប់មីននៅទូទាំងប្រទេសកម្ពុជា។

សរុបរយះពេល៦ខែ ឆ្នាំ២០២២ អគ្គនាយកដ្ឋានពន្ធដារប្រមូលបានចំណូលពន្ធ-អាករ តាមប្រព័ន្ធគ្រប់គ្រងទិន្នន័យចំណូលអនឡាញមានចំនួន ៧៩៨០,៥៧ ប៊ីលាលរៀល (ប្រមាណជា ១៩៧០,៥១លានដុល្លារ) ស្មើនឹង៦៩,៨៩% នៃផែនការច្បាប់ហិរញ្ញវត្ថុសម្រាប់ការគ្រប់គ្រងប្រចាំឆ្នាំ។ បើធៀបនឹងចំណូលពន្ធ-អាកររយះពេលដូចគ្នា ឆ្នាំ២០២១ កើនឡើងចំនួន ១៨៣៣,៥៩ ប៊ីលានរៀល (ប្រមាណជា ៤៥២,៧៤លានដុល្លារ) ស្មើនឹង ២៩,៨៧%។

សាជីវកម្មធានាឥណទានកម្ពុជា (CGCC) បានដាក់ឲ្យដំណើរការនូវ «គម្រោងធានាឥណទានសម្រាប់សហហិរញ្ញប្បទានសម្រាប់វិស័យទេសរណ៍» ដើម្បីធានាដល់ការស្តារ និងជំរុញកំណើនទេសចរណ៍ឡើងវិញ។ គម្រោងនេះ ដើរតួនាទីជាទ្រព្យបញ្ចាំ៨០ភាគរយនៃកម្ចី ដើម្បីកាត់បន្ថយតម្រូវការទ្រព្យបញ្ចាំពីធនាគារ និងគ្រឹះស្ថានហិរញ្ញវត្ថុទៅកាន់អ្នកខ្ចី។

រដ្ឋាភិបាលបានសម្រេចបន្តលើកលែងពន្ធចំនួន៣ខែទៀត ដល់អាជីវកម្មលើវិស័យទេសចណ៍នៅរាជធានីភ្នំពេញ ខេត្តព្រះសីហនុ និងខេត្តសៀមរាប ចាប់ពីខែកក្កដាដល់ខែកញ្ញា ឆ្នាំ២០២២។ ការអនុគ្រោះនេះ បើទោះចំនួនភ្ញៀវទេសចរជាតិនិងអន្តរជាតិមានការកើនឡើងក៏ដោយ ក៏បញ្ហាមួយចំនួននៅបន្តគំរាមកំហែងដោយជំងឺកូវីដ-១៩ និងការកើនឡើងនៃអត្រាអតិផរណាជាសកល នៅតែបន្តរារាំងដល់ការកើនឡើងវិញនៃភ្ញៀវទេសចរ ដែលនាំឱ្យប្រតិបត្តិករជាច្រើននៅក្នុងវិស័យទេសចរណ៍នៅបន្តជួប្រទះនូវបញ្ហាប្រឈមនានាក្នុងអាជីវកម្មរបស់ខ្លួន។

សម្តេចនាយករដ្ឋមន្ត្រី ហ៊ុន សែន បានដាក់ចេញនូវអនុសាសន៍៧ចំណុច ដល់ការការអភិវឌ្ឍវិស័យទេសចរណ៍កម្ពុជា ពិសេសជំរុញសន្ទុះនៃវិស័យនេះ ឱ្យប្រសីរឡើងវិញក្រោយរង់ផលប៉ះពាល់យ៉ាងខ្លាំងពីការរាតត្បាតនៃជំងឺកូវីដ-១៩ រយៈពេលពីរឆ្នាំចុងក្រោយនេះ។

ក្នុងឆមាសទី១ ឆ្នាំ២០២២ ក្រសួងសាធារណការណ៍និងដឹកជញ្ជូន លក់ផ្លាកលេខពិសេសផ្ទាល់ខ្លួន (លេខកម្ពុជា) និងផ្លាកលេខពិសេស (រាជធានី-ខេត្ត) បានចំនួន១៩ ៧៦៦លេខ ដែលបានចំណូលប្រមាណ ៤០ ៦៤១ ១៨៧ ៤០០រៀល ស្នើនឹងប្រមាណ១០លានដុល្លារ។ ទំហំប្រាក់ចំណូលនេះ កើនឡើង២៥% បើធៀបនឹងឆ្នាំ២០២១ ក្នុងរយះពេលដូចគ្នា។

អគ្គនាយកដ្ឋានពន្ធដារ ក្រើនរម្លឹកម្ចាស់អចលនទ្រព្យទាំងអស់ស្រូតទៅបង់ពន្ធលើដីធ្លីមិនបានប្រើប្រាស់ សម្រាប់ឆ្នាំ២០២២នេះ ដែលនឹងត្រូវបិទបញ្ចប់នៅថ្ងៃទី៣០ ខែកញ្ញាខាងមុខ។ ក្នុងករណីដែលម្ចាស់អចលនទ្រព្យ មិនបានបង់ពន្ធទាន់ពេលវេលាកំណត់ទេនោះ នឹងត្រូវរងទោសទណ្ឌតាមច្បាប់ជាធរមាន។

ប្រទេសកម្ពុជា​ និងប្រទេសថៃ បានចុះអនុស្សរណៈនៃការយោគយល់មួយកាលពីថ្ងៃទី១១​ កក្កដា ឆ្នាំ២០២២នេះ ក្នុងគោលបំណងពង្រឹងទំនាក់ទំនងទ្វេភាគីរបស់ប្រទេសទាំងពីរ ជាពិសេសរួមគ្នាទប់ស្កាត់ និងបង្ក្រាបបទល្មើសបច្ចេកវិទ្យាឆ្លងដែន ដើម្បីការពារផលប្រយោជន៍ប្រជាពលរដ្ឋរបស់ប្រទេសទាំងពីរ។

ក្រសួងការងារនិងបណ្តុះបណ្តាលវិជ្ជាជីវៈ គ្រោងរៀបចំយុទ្ធនាការផ្សព្វផ្សាយរបបសន្តិសុខសង្គម ផ្នែកប្រាក់សោធនសម្រាប់បុគ្គលទាំងឡាយ ដែលស្ថិតនៅក្រោមបទប្បញ្ញត្តិនៃច្បាប់ស្តីពីការងាររយៈពេល៩០ថ្ងៃ។ បើតាមសេចក្តីប្រកាសព័ត៌មានរបស់ក្រសួងការងារនៅថ្ងៃទី១១ កក្កដានេះ យុទ្ធនាការនេះនឹងចាប់ផ្តើមពីខែកក្កដា ដល់បំណាច់ខែកញ្ញា ឆ្នាំ២០២២។

រយៈពេល៦ខែដើមឆ្នាំ២០២២ អគ្គនាយកដ្ឋានគយនិងរដ្ឋាករកម្ពុជា ប្រមូលពន្ធចំណូលពន្ធអាករបានសរុប ១,២៩៣លានដុល្លារ ស្នើនឹង​៥០.១ភាគរយ នៃផែនការ។ តួលេខចំណូលពន្ធគយនេះ ត្រូវបានឯកឧត្តម គុណញឹម អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា ឱ្យដឹងនៅក្នុងសន្និសីទសារព័ត៌មានបង្ហាញលទ្ធផលនៃការងារប្រមូលពន្ធអាករលើរថយន្តគ្មានពន្ធមានស្រាប់ ក្នុងប្រទេស ជ្រកក្រោមផ្លាកលេខផ្សេងៗ នៅថ្ងៃទី៧ ខែកក្កដា ឆ្នាំ២០២២។