ចំណេះដឹង និង ព័ត៌មាន

ចាប់តាំងពីឆ្នាំ២០១៦ ដល់ឆ្នាំ២០២០ កម្ពុជាបានលក់ឥណទានកាបូនទៅឱ្យក្រុមហ៊ុនអន្តរជាតិធំៗបានទឹកប្រាក់ចំនួន ១១,៦លានដុល្លារ។ ទន្ទឹមនឹងនេះ រដ្ឋាភិបាលនិងដៃគូបាននិងកំពុងស្វះស្វែងរកទីផ្សាថ្មីៗបន្ថែមទៀត ដើម្បីលក់ឥណទានកាបូនដែលកម្ពុជាមាន និងយកថវិកាមកបង្កើននិងពង្រឹងការងារការពារនិងអភិរក្សធនធានធម្មជាតិ ដែលមាននិងការចូលរួមបង្កើតសេដ្ឋកិច្ចមូលដ្ឋាន។

ក្នុងឆ្នាំ២០២២នេះ សហគមន៍នៅដែនជម្រកសត្វព្រៃកែវសីម៉ា ខេត្តមណ្ឌលគិរី ទទួលបានថវិកា ៦០ម៉ឺនដុល្លារអាមេរិក ពីការលក់ឥណទានកាបូនក្នុងទីផ្សារស្ម័គ្រចិត្ត ដែលមានកំណើន៣ដងបើធៀបនឹងឆ្នាំ២០២១។

កម្មវិធីទូរស័ព្ទដៃ«មតិយើង» ជាឧបករណ៍ថ្មីមួយសម្រាប់ប្រជាពលរដ្ឋ ដើម្បីផ្តល់ព័ត៌មានត្រឡប់រួមទាំងការដាក់ពាក្យបណ្តឹងអំពីសេវាសាធារណៈនៅថ្នាក់ក្រោមជាតិក្នុងប្រទេសកម្ពុជា ត្រូវបានដាក់ឱ្យដំណើរការជាផ្លូវការកាលពីថ្ងៃទី២៨ ខែកក្កដា ឆ្នាំ២០២២នេះតទៅ។ «មតិយើង» ជាយន្តការសម្ងាត់ ងាយស្រួលប្រើនិងឥតគិតថ្លៃសម្រាប់សាធារណជនក្នុងការដាក់បណ្តឹង ស្វែងរកជំនួយ សាកសួរព័ត៌មាននិងវាយតម្លៃសេវាសាធារណៈនៅតាមមូលដ្ឋានរបស់ខ្លួន។

ក្រសួងប្រៃសណីយ៍និងទូរគមនាគមន៍ ​និងនិយ័តករទូរគមនាគមន៍កម្ពុជា នៅថ្ងៃទីថ្ងៃទី៣១ ខែកក្កដា ឆ្នាំ២០២២ បានចុះត្រួតពិនិត្យវឌ្ឍន៍ភាពការងារពង្រឹងគុណភាពសេវាទូរគមនាគមន៍នៅបុរី ប៉េង​ ហួត​ ក្នុងនៅសង្កាត់និរោធ ខណ្ឌច្បារអំពៅ ក្រុងភ្នំពេញ។

ក្រុមប្រឹក្សាអភិវឌ្ឍន៍កម្ពុជា (CDC) បានសម្រេចសម្រេចចេញវិញ្ញាបនបត្រចុះបញ្ជីគម្រោងវិនិយោគដល់ក្រុមហ៊ុនចំនួន២ បោះទុនវិនិយោគក្នុងទំហំទឹកប្រាក់ ១៤.៣លានដុល្លារ នៅខេត្តកំពង់ស្ពឺ និងខេត្តកណ្តាល ដែលអាចបង្កើតការបានប្រមាណ ៣,៦៥០នាក់។

តាមរយះការចុះត្រួតពិនិត្យរបស់ក្រសួងប្រៃសណីយ៍និងទូរគមនាគមន៍ (ក.ប.ទ) ទៅលើប្រេកង់ស័វិទ្យុនិងធ្វើការវាស់ស្ទង់គុណភាពសេវាទូរសព្ទចល័តក្នុងបុរីមួយចំនួនក្នុងរាជធានីភ្នំពេញឃើញថា ការប្រើប្រាស់ឧបករណ៍បង្កើនកម្លាំងសេវា ឬឧបករណ៍ពង្រីកសេវាបានបង្កការឆ្លងរំខាននិងធ្វើឲ្យប៉ះពាល់យ៉ាងធ្ងន់ធ្ងរទៅដល់កម្រិតគុណភាពសេវាទូរសព្ទចល័តក្នុងតំបន់នោះ។

និយ័តករធានារ៉ាប់រងកម្ពុជា និងសមាគមធានារ៉ាប់រងកម្ពុជា​ បានចេញចេញសេក្តីប្រកាសព័ត៌មានស្តីពី៖«ការធានារ៉ាប់រងយានយន្តជាកាតព្វកិច្ច»។ ការធានារ៉ាប់រងយានយន្តជាកាតព្វកិច្ច ត្រូវបាននិយ័តករធានារ៉ាប់រងកម្ពុជា ឱ្យដឹងថាគឺជាគោលនយោបាយគាំពារសុវត្ថិភាពហិរញ្ញវត្ថុក្នុងសង្គមសម្រាប់បុគ្គលម្នាក់ៗ ដែលពាក់ព័ន្ធនឹងការធ្វើចរាចរណ៍នៅលើដងផ្លូវសាធារណៈនិងត្រូវបានដាក់ឱ្យអនុវត្តស្ទើរគ្រប់ប្រទេសលើសកលលោក។

អគ្គនាយកដ្ឋានពន្ធដារនិងសាកលវិទ្យាល័យវេស្ទើន បានចុះអនុស្សរណៈនៃការយោគយល់គ្នាស្តីពី៖ «ការផ្លាស់ប្តូរក្រេឌីតសិក្សាជំនាញវិជ្ជាជីវៈពន្ធដារ» ក្នុងគោលបំណងពង្រឹងគុណភាពសិក្សារបស់និស្សិតលើជំនាញវិជ្ជាជីវៈពន្ធដារ។

រដ្ឋបាលរាជធានីភ្នំពេញ ក្រើនរម្លឹកដល់ម្ចាស់លំនៅឋានម្ចាស់អាជីវកម្ម សេវាកម្ម ស្ថាប័នរដ្ឋ និងឯកជន និងសាធារណជននៅក្រុងភ្នំពេញ ឱ្យបង់ថ្លៃសេវាគ្រប់គ្រងសំរាម សំណល់រឹង (ថ្មី) តាមតារាងតម្លៃកម្រៃសេវាដែលបានដាក់ឱ្យអនុវត្តកាលពីថ្ងៃទី០១ ខែវិច្ឆិកា ឆ្នាំ២០២១មកម្ល៉េះ។ សាលាក្រុងភ្នំពេញបានព្រមានថា​ អ្នកមិនព្រមបង់ថ្លៃសេវាតាមតារាងកម្រៃថ្មីនេះទេ នឹងចាត់វិធានការដូចជា កត់ត្រាជាបំណុល អាចបិទអាជីវកម្ម ឬសេវាកម្មនោះបណ្តោះអាសន្ន និងបញ្ចេញឈ្មោះជាសាធារណៈតាមបណ្តាញសង្គម ឬប្រព័ន្ធផ្សព្វផ្សាយនានា។

ការអនុគ្រោះបង់ពន្ធសម្រាប់រថយនចង្កូតស្តាំគ្មានពន្ធមានស្រាប់ក្នុងប្រទេសដែលនៅសេសសល់ ដោយពុំតម្រូវឱ្យកែចង្កូត នឹងផុតកំណត់នៅថ្ងៃទី៣១ ខែកក្កដានេះហើយ។ គិតត្រឹមត្រឹមការសម្រេចរបស់រដ្ឋភិបាលដោយមិនតម្រូវឱ្យរថយន្តចង្កូតស្តាំខែទៅចង្កូតឆ្វេងវិញ មកត្រឹមជាប្រមូលពន្ធនិងអាករជូនរដ្ឋ កាលពីថ្ងៃទី០១ ដល់១៨ ខែកក្កដា ឆ្នាំ២០២២ អគ្គនាយកដ្ឋានគយនិងរដ្ឋាករកម្ពុជាប្រមូលពន្ធអាករសរុបបានប្រមាណ ៤,៣៥លាន។