ចំណេះដឹង និង ព័ត៌មាន

ប្រធានាធិបតីបារាំង អេម៉ានុយអែល ម៉ាក្រុង សន្យាផ្តល់កញ្ចប់ថវិកា ២០០លានអឺរ៉ូ មកឱ្យប្រទេសកម្ពុជា សម្រាប់អវិភឌ្ឍន៍វិស័យបណ្តុះបណ្តាលវិជ្ជាជីវៈថាមពល និងប្រព្រឹត្តកម្មទឹកស្អាត។ ការលើកឡើងរបស់ប្រធានាធិបតីបារាំង យ៉ាងដូច្នេះក្នុងសន្និសីទសារព័ត៌មានរួមគ្នាជាមួយនឹងសម្តេចធិបតីហ៊ុន ម៉ាណែត នៅទីក្រុងប៉ារីស កាលពីថ្ងៃទី១៨ ខែមករា ឆ្នាំ២០២៤កន្លងទៅ។ 

នាយកដ្ឋានប្រឆាំងបទល្មើសបច្ចេកវិទ្យានៅថ្ងៃទី២៣ មរាក ឆ្នាំ២០២៤ បានឱ្យប្រជាលរដ្ឋប្រុងប្រយ័ត្នចំពោះករណីមានគេផ្ញើសារបណ្តាញសង្គមនានាដោយមិនឱ្យចុចចូលក្នុងតំណភ្ជាប់ក្លែងក្លាយ Phishing Link ដែលបន្លំជាធនាគារABA ។

ក្នុងឆ្នាំ២០២៣ ចំណូលពន្ធអាករដែលអគ្គនាយកដ្ឋានពន្ធដារប្រមូលបានជាក់ស្តែងតាមប្រព័ន្ធគ្រប់គ្រងទិន្នន័យចំណូលអនឡាញបានចំនួន ១៤ ៦២៩,១០ ប៊ីលានរៀល (ប្រមាណជា ៣ ៦១២,១២ លានដុល្លារ) ស្មើនឹង ១០១,១៣% នៃផែនការ។នេះបើតាមការបង្ហាញរបស់ឯកឧត្តម គង់ វិបុល អគ្គនាយកនៃអគ្គនាយកដ្ឋានពន្ធដារ នៅថ្ងៃទី២៣មករានេះ។

ក្រុមហ៊ុន តែលកូថេក (Telcotech Ltd.) នៅផ្សារមូលបត្រកម្ពុជា (ផមក) ក្រោមអធិបតីភាពលោកបណ្ឌិតសភាចារ្យ ហ៊ាន សាហ៊ីប រដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុនិងជាប្រធានក្រុមប្រឹក្សាភិបាលនៃផ្សារមូលបត្រកម្ពុជា។ នេះបើតាមផ្សារមូលបត្រកម្ពុជានៅថ្ងៃទី១៩ ខែមករា ឆ្នាំ២០២៤ ដែលបានរៀបចំពិធីចុះបញ្ជីលក់មូលបត្របំណុលជាផ្លូវការរបស់ក្រុមហ៊ុនតែលកូថេក។

នាយកដ្ឋានប្រឆាំងបទល្មើសបច្ចេកវិទ្យា ប្រាប់ឱ្យពលរដ្ឋ ដែលមានបំណងឬខ្ចីប្រាក់តាមអនទ្បាញ ប្រុងប្រយ័ត្ននិងពិនិត្យលក្ខខណ្ឌឱ្យបានហ្មត់ចត់ច្បាស់លាស់មុននឹងសម្រចចិត្តស្នើសុំកម្ចីពីស្ថាប័នណាមួយ។

ភ្នំពេញ៖ មជ្ឈមណ្ឌលបណ្តុះបណ្តាលឫទ្ធិពល និងសាកលវិទ្យាល័យជាតិជាស៊ីមកំចាយមារ ខេត្តព្រៃវែង និងសាកលវិទ្យាល័យ ហេង សំរិន ត្បូងឃ្មុំ គ្រោងនឹងដាក់បញ្ចូលកម្មវិធីសិក្សា«ចំណេះដឹងហិរញ្ញវត្ថុ Financial Literacy» ជាចំណេះដឹងថ្នាក់មូលដ្ឋានឆ្នាំសិក្សាទី១ សម្រាប់និស្សិតគ្រប់ជំនាញដែលសិក្សានៅសាកលវិទ្យាល័យរបស់រដ្ឋទាំង២នេះ។

រាជរដ្ឋាភិបាល បានចុះ MOU ស្តីពី«កិច្ចសហការក្នុងក្របខ័ណ្ឌនៃការអភិវឌ្ឍសេដ្ឋកិច្ចឌីជីថល និងបច្ចេកវិទ្យាហិរញ្ញវត្ថុកម្ពុជា» ជាមួយធនាគារវីងដើម្បីជំរុញដល់ការអភិវឌ្ឍសេដ្ឋកិច្ចឌីជីថល និងបច្ចេកវិទ្យាហិរញ្ញវត្ថុនៅកម្ពុជា។ 

ក្រុមប្រឹក្សាអភិវឌ្ឍន៍កម្ពុជា (CDC) ត្រឹមរយៈពេលកន្លះខែដើមឆ្នាំ២០២៤ បានអនុម័តគម្រោង វិនិយោគចំនួន១០ដែលមានទុនវិនិយោគជាង ៦០លានដុល្លារ តាមសំណើរបស់ក្រុមហ៊ុនវិនិយោគ។ តាមសេចក្តីប្រកាសព័ត៌មានរបស់CDC នៅថ្ងៃទី១៧ ខែមករានេះ គម្រោងទាំង១០នោះ គ្រោងនឹងបង្កើតរោងចក្រនៅក្នុងខេត្តកំពង់ស្ពឺចំនួន៥,ភ្នំពេញចំនួន២, ខេត្តតាកែវចំនួន២ និងខេត្តកណ្តាលចំនួន១ដែលអាចបង្កើតការងារសរុបជាង១២ម៉ឺនកន្លែង។

សហភាពអឺរ៉ុប (EU) គ្រោងនឹងផ្តល់ហិរញ្ញប្បទានឥតសំណងចំនួន ៨៦លានអឺរ៉ូ ស្មើនឹងប្រមាណ៩៤លានដុល្លារ សម្រាប់កម្មវិធីសំខាន់ៗចំនួន៤ នៅកម្ពុជា។ ជំនួយនេះស្ថិតនៅក្នុងក្របខណ្ឌGlobal Gateway ដែលជាយុទ្ធសាស្រ្តថ្មីរបស់ EU ក្នុងគោលបំណងកៀរគរការវិនិយោគបន្ថែមសម្រាប់ប្រទេសជាដៃគូដើម្បីបង្កើនវិសាលភាព ប្រសិទ្ធភាព និងប្រសិទ្ធផល នៃកិច្ចអន្តរាគមន៍របស់ខ្លួន។

កម្ពុជា-បារាំង បានចុះអនុស្សរណៈយោគយល់គ្នាលើគម្រោងចំនួន៦ក្នុងគោលដៅជំរុញការអភិវឌ្ឍសេដ្ឋកិច្ចកម្ពុជា និងគាំទ្រដល់ធុរកិច្ចប្រទេសនិយាយភាសាបារាំងដោយមានសកម្មភាពរៀបចំជំនួបពាណិជ្ជកម្ម សន្និសីទ សិក្ខាសាលានិងព្រឹត្តិការណ៍ធុរកិច្ចផ្សេងៗមួយចំនួនទៀត។