ចំណេះដឹង និង ព័ត៌មាន

«រូបិយប័ណ្ណឌីជីថល» បានក្លាយជាប្រធានបទគួរឱ្យចាប់អារម្មណ៍កម្រិតពិភពលោក នៅប៉ុន្មានឆ្នាំចុងក្រោយនេះ។ ធនាគារជាតិនៃកម្ពុជា បានឱ្យដឹងថា រូបិយប័ណ្ណឌីជីថលនេះ បានអត្ថប្រយោជន៍ក្នុងការជំរុញផលិតភាពផលិតកម្ម និងសេដ្ឋកិច្ចឱ្យរីកចម្រើន ជាដើម ខណៈដែលរូបិយប័ណ្ណឌីជីថល ក៏បានចូលរួមបង្កើនប្រសិទ្ធភាពប្រតិបត្តិការអាជីវកម្ម កាត់បន្ថយចំណាយថ្លៃដើម និងលើកកម្ពស់បរិយាបន្នហិរញ្ញវត្ថុផងដែរ។

មជ្ឈមណ្ឌលសកម្មភាពកំចាត់មីនកម្ពុជា (CMAC)និងអង្គការ APOPO ប្រចាំកម្ពុជា បានចុះហត្ថលេខាលើកិច្ចព្រមព្រៀងកិច្ចសហប្រតិបត្តិការនិងភាពជាដៃគូលើគម្រោង៖«សមាហរណកម្មកណ្តុរ ហិតរកមីននិងសុនខស្រាវជ្រាវបច្ចេកទេស» ដែលមានជំនួយប្រមាណ ៣៨៧,១៦៧ដុល្លារអាម៉េរិក។

រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ បានប្រាប់ពីរដូវត្រូវត្រីប្រហុកចាប់ពីថ្ងៃទី១៩ ដល់ ១៥ ក្នុងខែធ្នូ ឆ្នាំ២០២៣នេះ ដោយត្រីចាប់ផ្ដើមបន្លាស់ទី ចេញពីបឹងទន្លេសាប បឹង ស្ទឹង និងព្រែកនានា ចូលទន្លេសាប ទន្លេមេគង្គ និងទន្លេបាសាក់។

ក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុបានរក្សារកម្រៃសេវាផ្លូវល្បឿនលឿននៅដដែល ពោលគឺបញ្ចុះតម្លៃ២០% ដដែល ដូចទៅនឹងការដាក់ឱ្យប្រើប្រាស់លើកដំបូងកាលពីថ្ងៃដើមខែតុលាឆ្នាំ២០២២កន្លងទៅ។ ការរក្សាតម្លៃដដែលនេះមានរយៈពេល១ឆ្នាំ សម្រាប់អ្នកប្រើប្រាស់គន្លងETCនិងគន្លង ANPR ហើយបន្តរក្សាតម្លៃដដែលរយៈពេល៦ខែសម្រាប់អ្នកទូទាត់ជាសាច់ប្រាក់សុទ្ធ(MTC)។

ក្នុងត្រីមាសទី៣ នៃឆ្នាំ២០២៣នេះ ក្រុមហ៊ុន MJQE ដែលផ្តល់សេវាក្នុងវិស័យអប់រំរកចំណូលបានប្រមាណ ៣១ ២៤៩ ៣៧៧ ពាន់រៀល កើនឡើងប្រមាណ ៩ ០៥២ ១២៧ ពាន់រៀល ស្មើនឹង ៤១%។ ប្រៀបធៀបនឹងរយៈពេលដូចគ្នាក្នុងឆ្នាំ២០២២ មានចំនួន ២២ ១៩៧ ២៥០ពាន់រៀល។ នេះបើតាមការបង្ហាញព័ត៌មានរបស់ផ្សារមូលបត្រកម្ពុជាកាលពីថ្ងៃ០៣ ខែវិច្ឆិកា ឆ្នាំ២០២៣នេះ។

ស្ថានភាពសេដ្ឋកិច្ចក្នុងប្រទេសកម្ពុជាមានកំណើនប្រមាណ​៥,៣ភាគរយ ក្នុងឆ្នាំ២០២៣ ដែល បានមកពីការងើបឡើងវិញនៃវិស័យទេសចរណ៍និងវិស័យសេវាកម្មនានា ព្រមទាំងការរួមផ្សំនឹងកំណើនប្រសើររឹងមាំ នៃការនាំចេញផលិតផលកម្មន្ដសាលមិនមែនកាត់ដេរ។ការវាយតម្លៃពីរបស់មូលនិធិរូបិយវត្ថុ (IMF) នៅក្នុងកិច្ចប្រជុំបូកសរុប«លទ្ធផលនៃការវាយតម្លៃលើស្ថានភាពម៉ាក្រូសេដ្ឋកិច្ច និងហិរញ្ញវត្ថុសាធារណៈកម្ពុជាសម្រាប់ឆ្នាំ២០២៣ និង២០២៤» កាលពីថ្ងៃទី៣១ ខែតុលាកន្លងទៅ។

សិស្សនិស្សិត និងយុវជនរៀចំ CV និងត្រៀមខ្លួនសម្រាប់ឱកាសការងារក្នុងមហាព្រឹត្តិការណ៍ការងារដ៏ធំប្រចាំឆ្នាំដែលមានអ្នកចូលរួមច្រើនជាងគេ នឹងមកដល់នៅថ្ងៃទី១០-១១ ខែវិច្ឆិកានេះហើយ។ឱកាសការងារយ៉ាងច្រើនសម្បូរបែបជាង២ម៉ឺនកន្លែងពីក្រុមហ៊ុន រោងចក្រនិងសហគ្រាសធំៗចំនួន១៥០ នឹងបង្ហាញនៅអាគារពិព័រណ៍កោះពេជ្រ។

«អេបកត់លុយ»ជំនាន់២ (Kotluy App V2.0) នឹងដាក់ឱ្យសាធាណជនប្រើប្រាស់ឆាប់ៗនេះហើយ។ សម្រាប់អ្នកប្រើប្រាស់«អេបកត់លុយ (V1.0)» បច្ចុប្បន្ន សូមទាញយក ឬរក្សាទុកនូវទិន្នន័យទាំងអស់ មុននឹងតម្លើងទៅកាន់អេបកត់លុយ(V2.0) ជំនាន់ថ្មីដើម្បីធានាបាននូវសុវត្ថិភាពនៃទិន្នន័យរបស់អ្នកប្រើប្រាស់។

សមាគមមីក្រូហិរញ្ញវត្ថុកម្ពុជា(CMA) ចូលរួមក្នុងទិវាសន្សំអាស៊ានក្រោមប្រធានបទ៖«ទម្លាប់សន្សំប្រាក់ដើម្បីអ្នកនិងគ្រួសារអ្នក» ដែលរៀបចំដោយធនាគារជាតិនៃកម្ពុជា(NBC) កាលពីថ្ងៃទី៣១ ខែតុលា។ អនុប្រធានក្រុមប្រឹក្សាភិបាល CMA គឺលោកជំទាវ ឌិត នីតា បានលើកឡើងនៅក្នុងទិវានោះឱ្យសាធារណជនបន្តទម្លាប់សន្សំប្រាក់ ទោះតិចឬច្រើនក្តី ហើយត្រូវសន្សំជាមួយស្ថាប័នហិរញ្ញវត្ថុផ្លូវការដើម្បីចៀសផុតពីហានិភ័យផ្សេងៗ។

ឯកឧត្តម ស៊ុន ចាន់ថុល បានចុះទស្សនកិច្ចតំបន់សេដ្ឋកិច្ចពិសេសចំនួន៣ក្នុងខេត្តស្វាយរៀង និងបណ្តាក្រុមហ៊ុនវិនិយោគមួយចំនួន ក្នុងតំបន់សេដ្ឋកិច្ចទាំងនេះកាលពីថ្ងៃទី៣១ ខែតុលា ឆ្នាំ២០២៣។ បច្ចុប្បន្ននៅក្នុងតំបនសេដ្ឋកិច្ចពិសេសទាំង៣នោះ មានគម្រោងវិនិយោគចំនួន៦៥គម្រោង ដែលមានទុនវិនិយោគសរុបប្រមាណ៩៧៧លានដុល្លារ និងបានបង្កើតការងារប្រមាណ២៣ម៉ឺនកន្លែង។