ចំណេះដឹង និង ព័ត៌មាន

នៅឆ្នាំ២០២៤ខាងមុខនេះរាជរដ្ឋាភិបាលកម្ពុជា គ្រោងនឹងចំណាយថវិកាសរុបចំនួន ៣៨,៨២៩ប៊ីលានរៀល ក្នុងនោះ ថវិកាចំណាយសម្រាប់នៅថ្នាក់ជាតិមានចំនួន ៣៤,៤៩៧ប៊ីលានរៀល ដែលត្រូវជា ២៤,១៣% នៃផលិតផលក្នុងស្រុកសរុប (ផ.ស.ស.) ដោយថយចុះ ៥,៨% ធៀបទៅនឹងច្បាប់ហិរញ្ញវត្ថុក្នុងឆ្នាំ២០២៣។សម្រាប់ការចំណាយនៅថ្នាក់ក្រោមជាតិមានចំនួន ៤,៣៣២ប៊ីលានរៀលមានសមាមាត្រស្មើនឹង ១១,៧% នៃចំណាយថវិការដ្ឋសរុប ត្រូវជា ៣,០៣% នៃ ផ.ស.ស. ដែលកើនឡើង ៦,៦%ធៀបនឹងច្បាប់ហិរញ្ញវត្ថុក្នុងឆ្នាំ២០២៣។

ក្រុមប្រឹក្សាអភិវឌ្ឍន៍កម្ពុជា(CDC) បានអនុម័ត្តឱ្យក្រុមហ៊ុនចំនួន៤ទៀត ដែលបោះទុនវិនិយោគសរុបចំនួន ១៣លានដុល្លារបង្កើតរោងចក្រផលិតគ្រឿងបន្សំម៉ាស៊ីនបូមធូលី ម៉ាស៊ីនត្រជាក់ បន្សុតខ្យល និងទឹក, កែច្នៃលោហៈធាតុ,ផលិតផលធ្វើអំពីកាកាវ និងផលិតសម្ភារវេចខ្ចប់។

ទ្រព្យសកម្មរបស់គ្រឹះស្ថានភតិសន្យាហិរញ្ញវត្ថុ កើនឡើង ៨,៣% ដល់ ២,១ ទីលានរៀល ដែលស្មើនឹង ៥១៣,៥ លានដុល្លារអាមេរិក គិតត្រឹមឆមាសទី១ នៃឆ្នាំ២០២៣។ នេះតាមកាហ្វីកបង្ហាញរបស់ធនាគារជាតិនៃកម្ពុជាដែលសមាគមមីក្រូហិរញ្ញវត្ថុកម្ពុជាបានផ្សាយនៅតាមបណ្តាញសង្គមហ្វេសប៊ុករស់ខ្លួន នៅថ្ងៃទី២៦ខែតុលានេះ។

រយៈពេល៩ខែនៃឆ្នាំ២០២៣ ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងវិនិយោគដែលមានទំហំទុនវិនិយោគប្រមាណជិត ៤ប៊ីលានដុល្លារ ក្នុងនោះទុនវិនិយោគរបស់ចិនមានប្រមាណ៧៦%។ ការវិនិយោគរបស់ចិននៅក្នុងប្រទេសកម្ពុជា ជាពិសេសការកើនឡើងនៃការវិនិយោគក្នុងវិស័យកម្មន្តសាល។

ប្រទេសកម្ពុជា និងប្រទេសហុងគ្រី សម្រេចបានទំហំប្រមាណ៦,៥៨ លានដុល្លារ ក្នុងរយៈពេល៩ខែ នៃឆ្នាំ២០២៣នេះ កើនឡើង១០.២២%ធៀបនឹងរយៈពេលដូចគ្នាក្នុងឆ្នាំ២០២២។

រដ្ឋាភិបាលជប៉ុននឹងផ្តល់ហិរញ្ញប្បទានឥតសំណង ប្រមាណ ៩,៧លានដុល្លារអាមេរិក ដើម្បីគាំទ្រដល់ការអង្កេតវាស់វែងសុរិយោដី និងការចុះបញ្ជីដីធ្លី។ជំនួយនេះ ដ្ឋមន្ត្រីការបរទេស និងសហប្រតិបត្តិការកម្ពុជា និងត្រូវត្រូវបានចុះហត្ថលេខាជាមួយនឹងឯកអគ្គរាជទូតជប៉ុនប្រចំាកម្ពុជានៅថ្ងៃទី២៦ ខែតុលា ឆ្នាំ២០២៣។

ឯកឧត្តម ស៊ុន ចាន់ថុលឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានលើកឡើងពីផែនការយុទ្ធសាស្រ្តថ្មីៗរបស់កម្ពុជា រួមមានផែនការមេគ្រប់ជ្រុងជ្រោយស្តីពី«ប្រព័ន្ធដឹកជញ្ជូនអន្តរមធ្យោបាយនិងភស្តុភារកម្ម» ដែលមាន១៧៤គម្រោង ជាមួយតម្លៃសរុបប្រមាណ ៥០ពាន់លានដុល្លារអាមេរិច ក្នុងផែនការ។

ក្រុមហ៊ុនចិន Yuexiu Group បានបង្ហាញចំណាប់អាម្មណ៍លើវិស័យមួយចំនួន នៅប្រទេសកម្ពុជា ក្រោយពីបានបានជួបពិភាក្សាការងារនិងស្តាប់ការបង្ហើញរបស់ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា។ក្រុមហ៊ុននឹងសិក្សាលទ្ធភាពដាក់ទុនវិនិយោគនៅកម្ពុជា ក្នុងក្របខណ្ឌណាមួយដោយផ្តោលើវិស័យហេដ្ឋារចនាសម្ព័ន្ធដឹកជញ្ជូន អចលនទ្រព្យ និងកសិឧស្សាហកម្ម ជាដើម។

ទេសាភិបាលធនាគារជាតិនៃកម្ពុជា លោកជំទាវបណ្ឌិតជា សិរី ក្នុងជំនួនជាមួយនឹងក្រុមប្រឹក្សាភិបាលសមាគមមីក្រូហិរញ្ញវត្ថុកម្ពុជា បានជំរុញលើកទឹកចិត្តឱ្យសមាគមចូលរួមអភិវឌ្ឍន៍វិស័យមីក្រូហិរញ្ញវត្ថុប្រកបដោយបរិយាបន្ននិងឱ្យពង្រីកចំណេះដឹង ពង្រឹងវិន័យ និងក្រមសីលធម៌វិជ្ជាជីវៈ ក្នុងការផ្តល់ឥណទានដល់អតិថិជន។

សម្តេចធិបតី ហ៊ុន ម៉ាណែត បានថ្លែងក្នុងសុន្ទរកថាក្នុងក្នុងវេទិកាកម្រិតខ្ពស់ក្រោមមូលបទ៖« សេដ្ឋកិច្ចឌីជីថល ជាប្រភពថ្មីនៃកំណើន» ដោយបានអំពាវនាវឱ្យបង្កើនការផ្តល់មូលនិធិដល់ហេដ្ឋារចនាសម្ព័ន្ធឌីជីថលនៅក្នុងប្រទេសកំពុងអភិវឌ្ឍ។​ កាលើកឡើងនេះ ធ្វើនៅចំពោះមុខបណ្តាមេដឹកនាំមកពីជាង១៤០ប្រទេសនិងអង្គការប្រមាណ ៣០ ដែលបានចូលរួមក្នុងវេទិកា​ខ្សែក្រវាត់ និងផ្លូវលើកទី៣សម្រាប់កិច្ចសហប្រតិបត្តិការអន្តរជាតិ នៅទីក្រុងប៉េកាំង កាលពីថ្ងៃទី១៨ ខែតុលា ២០២៣។