ចំណេះដឹង និង ព័ត៌មាន

អគ្គនាយកដ្ឋានពន្ធដារ ក្រើនរំលឹកដល់ម្ចាស់អចលនទ្រព្យទាំងអស់ ឲ្យស្រូតទៅប្រកាសបង់ពន្ធលើដីធ្លីមិនបានប្រើប្រាស់ សម្រាប់ឆ្នាំ២០២៣ ដែលនឹងត្រូវបិទបញ្ចប់នៅថ្ងៃទី៣០ ខែកញ្ញា ឆ្នាំ២០២៣ ខាងមុខនេះ ដោយអនុលោមតាមប្រកាសចុះថ្ងៃទី១៩ ខែកក្កដា ឆ្នាំ២០១០ ស្តីពីការប្រមូលពន្ធលើអចលនទ្រព្យ និងប្រកាសចុះថ្ងៃទី០៥ ខែកក្កដា ឆ្នាំ១៩៩៦ ស្តីពីការប្រមូលពន្ធលើដីធ្លីមិនបានប្រើប្រាស់។ ក្នុងករណីខកខានដាក់លិខិតប្រកាសបង់ពន្ធទាន់ពេលកំណត់ ម្ចាស់អចលនទ្រព្យ នឹងត្រូវទទួលរងនូវទណ្ឌកម្មរដ្ឋបាល តាមច្បាប់ស្តីពីសារពើពន្ធ។

គណៈកម្មាធិការតំបន់សេដ្ឋកិច្ចពិសេសកម្ពុជា នៃក្រុមប្រឹក្សាអភិវឌ្ឍន៍កម្ពុជា (CDC) បានសម្រេចចេញវិញ្ញាបនបត្រចុះបញ្ជីគម្រោងវិនិយោគជូនដល់ក្រុមហ៊ុនចំនួន៦ បោះទុនប្រមាណ ១៦៣,៥លានដុល្លារ ដើម្បីបង្កើតរោងចក្រនៅក្នុងតំបន់សេដ្ឋកិច្ចខេត្តក្រចេះ ស្វាយរៀង ព្រះសីហនុ និងរាជធានីភ្នំពេញ ដែលអាចបង្កើតការងារបានប្រមាណ ៣២៥៨កន្លែង។

អគ្គនាយកដ្ឋានពន្ធដារ កោះហៅម្ចាស់ក្រុមហ៊ុនចំនួន៣ ឲ្យចូលខ្លួនទូទាត់បំណុលពន្ធជូនរដ្ឋតាមកាលកំណត់ ដោយមិនឲ្យលើសពី ១៥ថ្ងៃ បន្ទាប់ពីការជូនដំណឹងរបស់អគ្គនាយកដ្ឋានពន្ធដារ កាលពីថ្ងៃទី២០ ខែមិថុនា ឆ្នាំ២០២៣នេះ ដោយផ្អែកតាមច្បាប់ស្តីពីសារពើពន្ធ និងប្រកាសស្តីពីការគ្រប់គ្រងបំណុលពន្ធ។

រដ្ឋាភិបាលជប៉ុនបានផ្តល់ឥណទានសម្បទានសម្រាប់អនុវត្តគម្រោងចំនួន២ ដែលមានទឹកប្រាក់សរុបប្រមាណ ១៨៨,១១លានដុល្លារ។ គម្រោងទី១ មានទឹកប្រាក់ចំនួន ២៣,៦៩២លានយ៉េន (ប្រមាណ ១៧២,៩៣លានដុល្លារ)សម្រាប់អនុវត្ត «គម្រោងកែលម្អការតភ្ជាប់ផ្លូវជនបទ» និងគម្រោងទី២ មានទឹកប្រាក់ចំនួន ២,០៨១លានយ៉េន(ប្រមាណ ១៥,១៨លានដុល្លារ) សម្រាប់អនុវត្ត «គម្រោងពង្រីកសមត្ថភាពផ្គត់ផ្គង់ទឹកស្អាតខេត្តសៀមរាប ដំណាក់កាលទី៣»។

គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគជូនដល់ក្រុមហ៊ុនចំនួន៦ បោះទុនវិនិយោគប្រមាណ ១២៨,៣លានដុល្លារ ដើម្បីបង្កើតរោងចក្រ និងអាចបង្កើតការងារបានប្រមាណ ៤៧២៧កន្លែង។

អគ្គនាយកដ្ឋានពន្ធដារ កោះហៅម្ចាស់ក្រុមហ៊ុនចំនួន៥ ឲ្យចូលខ្លួនដោះស្រាយបំណុលពន្ធជូនរដ្ឋតាមកាលកំណត់ ដោយមិនឲ្យលើសពី ១៥ថ្ងៃ បន្ទាប់ពីការជូនដំណឹងរបស់អគ្គនាយកដ្ឋានពន្ធដារ កាលពីថ្ងៃទី១៤ ខែមិថុនា ឆ្នាំ២០២៣នេះ ដោយផ្អែកតាមច្បាប់ស្តីពីសារពើពន្ធ និងប្រកាសស្តីពីការគ្រប់គ្រងបំណុលពន្ធ។

គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា (CDC) បានសម្រេចចេញវិញ្ញាបនបត្រចុះបញ្ជីគម្រោងវិនិយោគជូនដល់ក្រុមហ៊ុនចំនួន៦ បោះទុនវិនិយោគប្រមាណ ៤៥លានដុល្លារ ដើម្បីបង្កើតរោងចក្រ នៅរាជធានី-ខេត្តចំនួន៥ ដែលអាចបង្កើតការងារបានជាង ៧ពាន់កន្លែង។

អគ្គនាយកដ្ឋានពន្ធដារ ប្រមូលចំណូលពន្ធ-អាករគ្រប់ប្រភេទតាមប្រព័ន្ធគ្រប់គ្រងទិន្នន័យអនឡាញ ក្នុងខែឧសភា ឆ្នាំ២០២៣នេះ បានចំនួន ៩៥៥,៣៧ ប៊ីលានរៀល (ប្រមាណ ២៣៥,៨៩លានដុល្លារ) ស្មើនឹង ៦,៦០% នៃផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣។

រដ្ឋាភិបាល​ សម្រេច​ផ្តល់​«របប​ថែទាំ​សុខភាព​»​តាម​ប្រព័ន្ធ​មូល​និធិ​សម​ធម៌​សុខាភិបាល ​ដល់​បុគ្គល​បម្រើ​ការ​ក្នុង​សេវា​កម្សាន្ត​ទេសចរណ៍​ នៃសេដ្ឋកិច្ច​ក្រៅ​ប្រព័ន្ធ។​ ជាពិសេស​ ស្ត្រី​ដែល​បម្រើ​ការ​​​នៅ​តាម​រង្គសាល​ ឌីស្កូតែក ខារ៉ាអូខេ បៀវហ្គាឌិន កន្លែងម៉ាស្សា និងស្ប៉ាជាដើម។ ការផ្តល់ប័ណ្ណប.ស.ស នេះផ្អែកតាម​លិខិត​បទដ្ឋានគតិយុត្តជាធរមាន ដែល​រដ្ឋ​នឹង​រ៉ាប់​រង​នូវ​ការ​ចំណាយទាំងស្រុង បើ​ទោះ​បីជា​ស្ថិត​ក្នុង​បរិការសុខសន្តិភាព និងស្ថេរភាព​នយោបាយក​ក៏ដោយ។

កម្មវិធីប្រកួតប្រជែងពានរង្វាន់ស្តីពី«ចំណេះដឹងហិរញ្ញវត្ថុ» ហៅកាត់ថា (FECA) ប្រចាំឆ្នាំ២០២៣ ជាមួយនឹងកម្មវិធីកាន់តែប្លែក! កាន់តែអស្ចារ្យ! កាន់តែចាប់អារម្មណ៍! បានមកដល់ហើយ។ ចុះឈ្មោះឥឡូវនេះដើម្បីទទួលបានទាំងចំណេះដឹងហិរញ្ញវត្ថុ, ចំណេះដឹងបច្ចេកវិទ្យាហិរញ្ញវត្ថុ, ចំណេះដឹងស្តីពីការផលិតមាតិកាវីដេអូខ្លីៗ, ការប្រើប្រាស់និងគ្រប់គ្រងបណ្តាញសង្គម (Social Media) និងការធ្វើការងារជាក្រុម ព្រមទាំងប្រាក់រង្វាន់និងពានរង្វាន់ជាច្រើនទៀត។