ចំណេះដឹង និង ព័ត៌មាន

ក្នុងឆ្នាំ២០២២ មន្ទីរពេទ្យគន្ធបុប្ផា បានចំណាយថវិកាសរុបប្រចាំឆ្នាំប្រមាណ ៣៧លានដុល្លារ (ដោយមិនរាប់បញ្ចូលថវិកាជាតិតាមរយៈក្រសួងសុខាភិបាល) ដើម្បីផ្តល់សេវាពិនិត្យ ពិគ្រោះ និងព្យាបាល ជូនទារក កុមារនិងស្ត្រីមានផ្ទៃពោះ ដោយឥតគិតថ្លៃ។

ក្នុងឆ្នាំ២០២២កន្លងទៅ ការដឹកជញ្ជូនួទំនិញឆ្លងកាតកំពង់ផែក្រុងព្រះសីហនុមានការកើនឡើងចំនួន ២,៤៥ភាគរយ ដោយរកចំណូលបាន ៨៦លានដុល្លារ ខណៈការដឹកជញ្ជូនទំនិញរបស់កំពង់ផែភ្នំពេញក៏មានការកើនឡើងជាង​ ១៧ភាគរយ ដោយរកចំណូលចូលជាតិបាន ៤០លានដុល្លារ។

ឯកឧត្ដម ស៊ុន ចាន់ថុល រដ្ឋមន្ដ្រីក្រសួងសាធារណការនិងដឹកជញ្ជូន បានឱ្យដឹងថា ក្នុងឆ្នាំ២០២២ ការចុះបញ្ជីផ្លាកលេខពិសេសផ្ទាល់ខ្លួនបានចំនួន៧.១២៥ផ្លាក ដោយបានចំណូល ៤៤ប៊ីលានរៀលនិងការចុះបញ្ជីផ្លាកលេខពិសេសថ្នាក់រាជធានី-ខេត្ត បាន ៣១.៧៥៦ស្លាក រកបានចំណូលជាង ៤០ប៊ីលានរៀល។

ក្នុងឆ្នាំ២០២២​កន្លងទៅ ការនាំចេញកៅស៊ូទៅបរទេសបានចំនួន ៣៧២,៩០០តោន គិតជាទឹកប្រាក់ប្រមាណ ៥២៨លានដុល្លារ នៃផ្ទៃដីដាំកៅស៊ូសរុបទូទាំងប្រទេសចំនួន ៤០៤,៥៧៨ហិកតា។ ក្នុងនោះផ្ទៃដីកៅស៊ូចៀវជ័រមានចំនួន ៣១៥,៣៣២ហិកតា ហើយតម្លៃជ័រកៅស៊ូជាមធ្យមក្នុងឆ្នាំ២០២២ ស្មើនឹង ១,៤១៥ដុល្លារ ក្នុងមួយតោន។ចំណែកការនាំចេញឈើកៅស៊ូពីការកាប់ដើមកៅស៊ូចាស់ៗអស់ប្រសិទ្ធភាពសេដ្ឋកិច្ចបានចំនួន ២៦,៤៨៩ម៉ែត្រគូប ស្មើនឹង ៤,‌១លានដុល្លារ។

ក្រសួងអប់រំ យុវជន និងកីឡា បានចេញសេចក្តីសម្រេច ដោយណែនាំឲ្យគ្រឹះស្ថានសិក្សាឯកជនដែលអនុវត្តកម្មវិធីសិក្សាអន្តរជាតិ ត្រូវដាក់បញ្ចូលកម្មវិធីសិក្សាមុខវិជ្ជាភាសាខ្មែរមុខវិជ្ជាវប្បធម៌ និងមុខវិជ្ជាអរិយធម៌ខ្មែរ ក្នុងម៉ោងសិក្សារបស់ខ្លួនជាកាតព្វកិច្ច។ ការកំណត់នេះ ដើម្បីលើកកម្ពស់ការបង្រៀនភាសាខ្មែរ និងការយល់ដឹងពីវប្បធម៌ និងអរិយធម៌ដល់សិស្សានុសិស្ស ចាប់ពីឆ្នាំសិក្សា២០២២-២០២៣ តទៅ។

អគ្គនាយកដ្ឋានពន្ធដារកោះហៅម្ចាស់ក្រុមហ៊ុនចំនួន៣ទៀត ឲ្យចូលខ្លួនមកដោះស្រាយបំណុលពន្ធជូនរដ្ឋដោយមិនឲ្យលើសពី ១៥ថ្ងៃ បន្ទាប់ពីការជូនដំណឹងរបស់អគ្គនាយកដ្ឋានពន្ធដារ កាលពីថ្ងៃទី៨ខែកុម្ភៈ ឆ្នាំ២០២៣នេះ ដោយផ្អែកតាមច្បាប់ស្តីពីសារពើពន្ធនិងប្រកាសស្តីពីការគ្រប់គ្រងបំណុលពន្ធ។

ក្នុងឆ្នាំ២០២២ ការនាំចេញផលនេសាទបានចំនួន ៨ពាន់តោន គិតជាទឹកប្រាក់ប្រមាណ ៣៧០លានរៀល ស្មើនឹងប្រមាណ ៩ម៉ឺនដុល្លារ។ ក្នុងនោះ ការចិញ្ចឹមត្រីបានចំនួនជាង ៣៣ម៉ឺនតោន ស្មើនឹង ៩១,៨៣% ការភ្ញាស់ពូជកូនត្រីបានចំនួនជិត ៣ម៉ឺនកូន ស្មើនឹង ៩៤,៥% ការចិញ្ចឹមក្រពើបានចំនួនជិត ៤០ម៉ឺនក្បាល ស្មើនឹង ១៣០,៤៧% ការបង្កើតបណ្តុំវារីវប្បកម្មបានចំនួន ៣៣១កន្លែង មានសមាជិកជាង ១ម៉ឺននាក់ និងបានផ្តល់វិញ្ញាបនបត្របញ្ជាក់ការអនុវត្តវារីវប្បកម្មល្អដល់កសិដ្ឋានបានចំនួន៨កន្លែង។

អគ្គនាយកដ្ឋានពន្ធដារ កោះហៅម្ចាស់ក្រុមហ៊ុនចំនួន៣ទៀត ឲ្យចូលខ្លួនមកទូទាត់បំណុលពន្ធជូនរដ្ឋ ដោយមិនឲ្យលើសពី ១៥ថ្ងៃ បន្ទាប់ពីការជូនដំណឹងរបស់អគ្គនាយកដ្ឋានពន្ធដារ កាលពីថ្ងៃទី៧ ខែកុម្ភៈ ឆ្នាំ២០២៣នេះ ដោយផ្អែកតាមច្បាប់ស្តីពីសារពើពន្ធ និងប្រកាសស្តីពីការគ្រប់គ្រងបំណុលពន្ធ។

សហគមន៍កសិកម្មលើកកម្ពស់កសិករមកពីស្រុកគូលែន ខេត្តព្រះវិហារ និងគម្រោងពិពិធកម្មកសិកម្មកម្ពុជានៃក្រសួងកសិកម្មរុក្ខាប្រមាញ់ និងនេសាទ (MAFF) បានចុះហត្ថលេខាលើកិច្ចព្រមព្រៀងហិរញ្ញប្បទានឥតសំណងចំនួន ៤០% ស្មើនឹង ៣៧ ៤៦០ដុល្លារ ដើម្បីធ្វើជាទុនបង្វិលទិញ-លក់ដំឡូងមីស្រស់និងស្ងួត ពីសមាជិកជាផលិតករ។

ក្នុងខែមករា នៃឆ្នាំ២០២៣នេះ កម្ពុជាបាននាំចេញអង្ករទៅកាន់ទីផ្សារអន្តរជាតិចំនួន ៣៦ ៩០០តោន និងនាំចេញស្រូវបានចំនួន ២៥២ ៧១៤តោន ដែលគិតជាទឹកប្រាក់សរុបប្រមាណ ៩២លានដុល្លារ។ នេះបើតាមការឲ្យដឹងរបស់សហព័ន្ធស្រូវអង្ករកម្ពុជា នៅថ្ងៃទី០៩ ខែកុម្ភៈ ឆ្នាំ២០២៣នេះ។