ចំណេះដឹង និង ព័ត៌មាន

រដ្ឋាភិបាល បានអនុម័តទាំងស្រុងលើសេចក្តីព្រាងគោលនយោបាយជាតិស្តីពី«ស្វាយចន្ទីឆ្នាំ២០២២-២០២៧» នាកិច្ចប្រជុំពេញអង្គកាលពីថ្ងៃទី១៣ ខែមករា ឆ្នាំ២០២៣នេះ។ គោលនយោបាយនេះរៀបចំឡើងដោយក្រសួងពាណិជ្ជកម្ម និងដៃគូពាក់ព័ន្ធ តាំងពីឆ្នាំ២០២៩មកម្ល៉េះ។ គោលនយោបាយជាតិស្តីពីស្វាយចន្ទី គឺស្របទៅនឹងគោលនយោបាយ និងក្របខ័ណ្ឌយុទ្ធសាស្ត្រផ្សេងៗសំដៅធានាឲ្យបាននូវឧត្តមភាពប្រកួតប្រជែងលើទីផ្សារក្នុងស្រុក តំបន់ និងពិភពលោក។

ក្រុមហ៊ុ​ន ហ្គោលដេន ទ្រី (Golden Tree Co., LTD) ទទួលបានសិទ្ធិបោះផ្សាយលក់មូលបត្របំណុលជាសាធារណៈជាប្រភេទសញ្ញាបណ្ណបៃតងដំបូងនៅកម្ពុជា ដែលអនុញ្ញាតដោយនិយតក្រមូលបត្រកម្ពុជា (ន.ម.ក.) ។ ក្រុមហ៊ុ​ន នឹងបោះផ្សាយលក់មូលបត្របំណុលក្នុងទំហំជាង ៦ពាន់លានរៀល (៦,០៧២,១០០,០០០រៀល) ក្នុងតម្លៃ ១០ម៉ឺនរៀល ក្នុងមួយឯកតាមូលបត្របំណុលដែលមានអត្រាគូប៉ុង ៧ភាគរយ ក្នុងមួយឆ្នាំ ជាមួយនឹងការទូទាត់គូប៉ុងប្រចាំឆមាសនិងមានឥណទានប្រតិទាន ៥ឆ្នាំ (២០២២-២០២៧)។

គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា (CDC) បានសម្រេចចេញវិញ្ញាបនបត្រចុះបញ្ជីគម្រោងវិនិយោគដល់ក្រុមហ៊ុនចំនួន ២បោះទុនប្រមាណ ៤៥,៤លានដុល្លារ ដើម្បីបង្កើតរោងចក្រកាត់ដេរសម្លៀកបំពាក់ និងផលិតស្បែងជើង និងកាបូបនៅខេត្តកំពង់ស្ពឺ និងខេត្តកណ្តាល ដែលអាចបង្កើតការងារបានជាង ៦០០០កន្លែង។

សេដ្ឋកិច្ចកម្ពុជា ត្រូវបានរំពឹងដោយសុទិដ្ឋិនិយមថា​ កំណើននឹងបន្តសម្រេចបានក្នុងរង្វង់ ៦% នៅក្នុងឆ្នាំ២០២៣ បើទោះជាមានបញ្ហាកើតឡើងពីខាងក្រៅខ្ពស់ក៏ដោយ។ នេះបើយោងតាមវឌ្ឍនភាពម៉ាក្រូសេដ្ឋកិច្ចនិងវិស័យធនាគារឆ្នាំ២០២២ និងទស្សនវិស័យឆ្នាំ២០២៣ របស់ធនាគារជាតិនៃកម្ពុជាដែលចុះផ្សាលកាលពីថ្ងៃទី១១ ខែមករា ឆ្នាំ២០២៣។

កម្ពុជានិងតួកគី មានសក្តានុពលជាច្រើនដែលអាចធ្វើកិច្ចសហប្រតិបត្តិការរួមគ្នាក្នុងការជំរុញទំហំពាណិជ្ជកម្មរវាងប្រទេសទាំងពីរឲ្យកើនឡើងដល់ ១,០០០លានដុល្លារក្នុងមួយឆ្នាំ។ នេះបើតាមការលើកឡើងរបស់ឯកឧត្តម វ៉ាហ៊ីត គីរីស៊ី រដ្ឋមន្ត្រីក្រសួងកសិកម្មរុក្ខាប្រមាញ់ នៃសាធារណរដ្ឋតួកគី នៅថ្ងៃទី១១ ខែមករា ឆ្នាំ២០២៣នេះ។

ក្នុងរយៈពេល ១២ខែនៃឆ្នាំ២០២២ កម្ពុជាបាននាំចេញអង្ករទៅកាន់ទីផ្សារអន្តរជាតិចំនួន៦៣៧,០០៤តោន និងនាំចេញស្រូវចំនួន ៣,៣៦៧,៨៨៦តោន ដែលគិតជាទឹកប្រាក់ប៉ាន់ស្មានសរុបបានប្រមាណជាង ១,២៥៥លានដុល្លារ។ នេះបើតាមការបង្ហោះលើផេកផ្លូវការរបស់សហព័ន្ធស្រូវអង្ករកម្ពុជា កាលពីថ្ងៃទី០៤ ខែមករា ឆ្នាំ២០២៣នេះ។

ក្នុងឆ្នាំ២០២២កន្លងទៅ កម្ពុជាសម្រេចបាននូវការនាំចេញគ្រាប់ស្វាយចន្ទីឆៅ ទៅទីផ្សារអន្តរជាតិចំនួន ៦៧០ ០០០ តោន គិតជាទឹកប្រាក់ប្រមាណ១,០៧៧លានដុល្លារ ថយចុះ ៣៤,៦៥% (ថយប្រមាណ ៣៥០ ០០០តោន) បើធៀបនឹងឆ្នាំ២០២១។ ចំណែក ការនាំចេញគ្រាប់ស្វាយចន្ទីឆៅទៅប្រទេសវៀតណាមមានចំនួន៦៦០ ០០០ តោន ថយចុះ ៣៧%។

រយៈពេល ១១ខែ នៃឆ្នាំ២០២២ ទំហំពាណិជ្ជកម្មទ្វេភាគីរវាងកម្ពុជានិងតួកគី សម្រេចបានប្រមាណ ១៣៦,១៤៩លានដុល្លារ កើនឡើង ៦៣,៦% បើធៀបនឹងរយៈពេលដូចគ្នាក្នុងឆ្នាំ២០២១។ដោយឡែក ទំហំពាណិជ្ជកម្មទេ្វភាគីរវាងកម្ពុជា-តួកគី ក្នុងរយៈពេល៥ឆ្នាំ (២០១៧-២០២១) សម្រេចបានប្រមាណ ៤៦២,៦៣លានដុល្លារ។

ប្រមុខរដ្ឋាភិបាលសម្តេច ហ៊ុន សែន បានចាត់ទុកការពង្រីកកំណាត់ផ្លូវជាតិលេខ៧ ឆ្លើយតបនឹងទំហំកំណើនចារាចរណ៍ និងកំណើននៃការដឹកជញ្ជូនដែលមានការកើនឡើងយ៉ាងគំហុកពីមួយថ្ងៃទៅមួយថ្ងៃ។ បើតាមឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ការសាងសង់កំណត់ផ្លូវនេះទទួលបានឥណទានសម្បទានពីរដ្ឋាភិបាលចិនជាង ១១៧លានដុល្លាររួមជាមួយប្រាក់បដិភាគរបស់រដ្ឋាភិបាលកម្ពុជា សម្រាប់ការដោះស្រាយផលប៉ះពាល់និងពន្ធអាករផ្សេងៗ។

គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា (CDC) បានសម្រេចចេញវិញ្ញាបនបត្រចុះបញ្ជីគម្រោងវិនិយោគដល់ក្រុមហ៊ុនចំនួន​ ៣ បោះទុនប្រមាណ ១៦លានដុល្លារ ដើម្បីបង្កើតរោងចក្រនៅខេត្តកំពង់ស្ពឺ ដែលអាចបង្កើតការងារបានប្រមាណ ៤៥៨៥កន្លែង។