ចំណេះដឹង និង ព័ត៌មាន

សម្តេច ហ៊ុន សែន បានស្នើឱ្យគ្រឹះស្ថានហិរញ្ញវត្ថុ និងធនាគារ ​ផ្តល់នូវការអនុគ្រោះដល់ពលរដ្ឋដែលរងផលប៉ះពាល់ពីគ្រោះទឹកជំនន់ តាមរយៈការពន្យារពេលសងបំណុលការបន្ធូរបន្ថយអត្រាការប្រាក់ ឬតាមរយៈការរៀបចំឥណទានឡើងវិញ។ ការអំពាវនាវនេះ ធ្វើឡើងនៅក្នុងពិធីចែកសញ្ញាបត្រដល់និស្សិតនៃសាកលវិទ្យាល័យជាតិគ្រប់គ្រងជាង៦ពាន់នាក់កាលពីថ្ងៃទី១៧ តុលានេះ។

អគ្គនាយកដ្ឋានគយនិងរដ្ឋាករកម្ពុជា (អគរ) ពន្យារពេលបង់ពន្ធនិងអាករលើរថយន្តចង្កូតស្តាំគ្មានពន្ធមានស្រាប់ក្នុងប្រទេស ដែលបានចុះបញ្ជីរួចរហូតដល់ថ្ងៃទី៣១ ខែធ្នូ ឆ្នាំ២០២២ ដោយពិនិត្យឃើញពីស្ថានភាពលំបាកក្នុងរដូវវស្សាដែលប៉ះពាល់ដល់អាជីវកម្មរបស់ម្ចាស់រថយន្តចង្កូតស្តាំគ្មានពន្ធមានស្រាប់ក្នុងប្រទេសដែលបានចុះបញ្ជីរួច។

រយៈពេល ៩ខែ ឆ្នាំ២០២២នេះ អគ្គនាយកដ្ឋានគយនិងរដ្ឋាករកម្ពុជា ប្រមូលចំណូលបានប្រមាណ ៨២៥៨,៧ ប៊ីលានរៀល ស្មើនឹង ២០២៦,៨ លានដុល្លារ ត្រូវជា ៧៨,៨% ។ បើធៀបនឹងរយៈពេលដូចគ្នាឆ្នាំ២០២១ កើនឡើងប្រមាណ ២០% ស្មើនឹង ១៣៧៧,៣ ប៊ីលានរៀល។ នេះបើតាមការបូកសរុបលទ្ធផលការងារគយនិងរដ្ឋាករ នៅថ្ងៃទី១២ ខែតុលានេះ។

ក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ (អ.ស.ហ) បានអនុម័តលើសំណើបោះផ្សាយលក់មូលបត្របំណុលជាសាធារណៈ នូវប្រភេទសញ្ញាបណ្ណបៃតងដំបូងគេនៅកម្ពុជា។ មូលបត្របំណុលប្រភេទនេះត្រូវបានបោះផ្សាយដោយក្រុមហ៊ុន ហ្គោលដេនទ្រី ដែលជាក្រុមហ៊ុនអចលនទ្រព្យឈានមុខគេនៅកម្ពុជា​ ក្នុងការផ្តល់សេវាជួលអគារការិយាល័យពាណិជ្ជកម្ម គ្រប់គ្រងអគារនិងប្រឹក្សាផ្នែកអចលទ្រព្យ។

ឧត្តម Stefan Anton Messerer ក្នុងនាមជាឯកអគ្គរដ្ឋទូតថ្មី នៃសាធារណរដ្ឋសហព័ន្ធអាល្លឺម៉ង់ប្រចាំកម្ពុជាបានឱ្យដឹងថា ក្នុងបេសកកម្មការទូតនេះ ឯកឧត្តមនឹងប្រឹងប្រែងជំរុញទំនាក់ទំនង និងកិច្ចសហប្រតិបត្តិការប្រទេសទាំងពីរ ជាពិសេសជំរុញឱ្យមានការវិនិយោគកាន់តែខ្លាំងឡើងមកកាន់កម្ពុជា។

ពន្ធដារប្រមូលចំណូលបាន ១​ ០២៨,៩៥ ប៊ីលានរៀល (ប្រមាណ ២៥៤,០៦ លានដុល្លារ) ស្មើនឹង ៩,០១ ភាគរយ នៃផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២ សម្រាប់ខែកញ្ញា នៃឆ្នាំ២០២២។ បើធៀបនឹងចំណូលពន្ធ-អាករប្រចាំខែកញ្ញាឆ្នាំ២០២១ កើនឡើងប្រមាណ​ ៥២,៤០ លានដុលលារ ដែលស្មើនឹង ២៥,៩៨ ភាគរយ។

កាលពីថ្ងៃទី៩ ខែកញ្ញា ឆ្នាំ២០២២ រាជរដ្ឋាភិបាលកម្ពុជាបានអនុម័តដាក់ឱ្យប្រើប្រាស់ជាផ្លូវការនូវឯកសារ គោលនយោបាយអភិវឌ្ឍន៍វិស័យប្រៃសណីយ៍​​ ២០២២-២០៣០ ក្នុងគោលដៅពង្រឹងនិងពង្រីកការផ្តល់សេវាប្រៃសណីយ៍ឱ្យបានទូលំទូលាយប្រកបដោយគុណភាព ប្រសិទ្ធភាព ប្រសិទ្ធផល សុវត្ថិភាព និងភាពជឿទុកចិត្ត។ គោលនយោបាយនេះ គាំទ្រដល់ការធ្វើពិពិធកម្ម សេវាប្រៃសណីយ៍និងការធ្វើអាជីវកម្មផ្តល់សេវាក្នុងវិស័យប្រៃសណីយ៍ជាមួយនឹងការជំរុញការធ្វើទំនើបកម្ម និងប្រើប្រាស់បច្ចេកវិទ្យាឌីជីថលដើម្បីរួមចំណែកទ្រទ្រង់ការអភិវឌ្ឍពាណិជ្ជកម្ម តាមប្រព័ន្ធអេឡិចត្រូនិកនិងគាំទ្រដល់ពិពិធកម្មសេដ្ឋកិច្ចកម្ពុជាផងដែរ។

សម្តេច ហ៊ុន សែន មានប្រសាសន៍នៅក្នុងពិធីប្រគល់សញ្ញាបត្រដល់និស្សិតនៅវិទ្យាស្ថានវ៉ាន់ដា កាលពីថ្ងៃទី០៣ ខែតុលា ឆ្នាំ២០២២ ថា ក្រសួងអប់រំយុវជន និងកីឡាបានដាក់ចេញនូវរបៀបនៃការសិក្សាក្នុងដំណាក់កាលនៃជំងឺឆ្លង បានធ្វើឲ្យវិស័យអប់រំមានការរីកចម្រើនឡើង និងឆ្ពោះទៅមុខនៃបច្ចេកវិទ្យាព័ត៌មាន ឬហៅថា«ឌីជីថល»។

សម្តេច ហ៊ុន សែន បានលើកទឹកចិត្តឱ្យធនាគារនិងគ្រឹះស្ថានមីក្រូហិរញ្ញវត្ថុ​ រឹបអូសទ្រព្យសម្បត្តិបុគ្គលដែលមិនព្រមសងប្រាក់តាមការញុះញង់របស់គេ ខណៈពេលដែលសម្តេច ខំស្នើសុំឲ្យធនាគារឬមីក្រូហិរញ្ញវត្ថុយោគយល់ដល់អ្នកជំពាក់ប្រាក់ ដោយសុំកុំធ្វើការរឹបអូស ហើយផ្តល់ការយោគយល់រៀបចំឥណទានសារជាថ្មីអំឡុងពេលកូវីដ-១៩។

ឯកឧត្តម ប៉ាន សូរស័ក្តិរដ្ឋមន្ត្រីក្រសួងពាណិជ្ជកម្ម និងឯកឧត្តមបណ្ឌិត អ៊ិត សំហេងរដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីរៈ តំណាងរដ្ឋាភិបាលបានចុះហត្ថលេខាលើអនុស្សរណៈយោគយល់គ្នាស្តីពី «គម្រោងរោងចក្រកាន់តែប្រសើរនៅកម្ពុជា សម្រាប់ឆ្នាំ២០២៣-២០២៧» ជាមួយតំណាងសមាគមន៍រោងចក្រកាត់ដេរនៅកម្ពុជា (GMAC) និងតំណាងអង្គការអន្តរជាតិខាងការងារស្តីពីគម្រោងរោងចក្រកាន់តែប្រសើរនៅកម្ពុជា (ILO-BFC)។