ចំណេះដឹង និង ព័ត៌មាន

ក្រោយធនាគារជាតិនៃកម្ពុជា ប្រកាសពីសកម្មភាពរបស់ជនខិលខូចមួយចំនួនដែលបានផ្សព្វផ្សាយនិងមានប្រតិបត្តិករផ្តល់ឥណទានក្រៅផ្លូវការ និងបានសហការជាមួយអាជ្ញាធរមានសមត្ថកិច្ចពាក់ព័ន្ធដើម្បីចាត់វិធានការតាមផ្លូវច្បាប់ អគ្គនាយកដ្ឋានពន្ធដារ បានរកឃើញសហគ្រាសចំនួន២ដែលប្រកបអាជីវកម្មជាប្រតិបត្តិករឥណទានពុំបានចុះបញ្ជីនៅរដ្ឋបាលសារពើពន្ធដោយស្នើសុំកិច្ចសហការជាមួយធនគារជាតិ ដើម្បីចាត់វិធានការតាមផ្លូវច្បាប់។

រដ្ឋាភិបាល អនុញ្ញាតឲ្យជនបរទេសដែលកំពុងរស់នៅប្រទេសកម្ពុជាចាប់ពីពីរឆ្នាំឡើងទៅអាច ស្នើសុំបណ្ណចូលទស្សនារមណីដ្ឋានអង្គរនិងប្រាសាទកោះកែរ រយៈពេល១ឆ្នាំម្តងដោយមិនគិតថ្លៃចាប់ពីថ្ងៃទី០១ ខែកញ្ញា ឆ្នាំ២០២២តទៅ ដើម្បីជំរុញទេសចរណ៍ផ្ទៃក្នុង ក៏ដូចជាផ្តល់ការលើកទឹកចិត្តដល់ជនបរទេសដែលរស់នៅកម្ពុជា។

គណៈកម្មាការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា (CDC) បានអនុម័តចេញវិញ្ញាបនបត្រចុះបញ្ជីរគម្រោងវិនិយោគដល់ក្រុមហ៊ុនចំនួន៥បោះទុនប្រមាណ ៨២,៧លានដុល្លារ សម្រាប់បង្កើតរោចក្រចំនួន៥ នៅក្នុងរាជធានី-ខេត្ត ដែលអាចបង្កើតការងារបានចំនួន ១៩១៨កន្លែង។

នាជំនួបពិភាក្សាការងារជាមួយប្រតិភូសភាអាមេរិកក្នុងកិច្ចសហប្រតិបត្តិការពាណិជ្ជកម្មនិងវិនិយោគកម្ពុជា-អាមេរិក រដ្ឋមន្ត្រីក្រសួងពាណិជ្ជកម្មបានស្នើឱ្យសមាជិកសភាសអាមេរិកជួយគាំទ្រនិងបន្តផ្តល់ប្រព័​ន្ធអនុគ្រោះពន្ធទូទៅ (GSP) របស់អាម៉េរិកដល់កម្ពុជាបន្តទៀត។

ទំហំពាណិជ្ជកម្មទ្វេភាគីរវាងកម្ពុជា-ជប៉ុនសម្រេចបានទំហំទឹកប្រាក់ជាង ១៧០០លានដុល្លារអាមេរិក ក្នុងឆ្នាំ២០២១។ ក្នុងនោះ ការនាំចេញរបស់កម្ពុជាទៅជប៉ុនមានទឹកប្រាក់ជាង១,០៩៣លានដុល្លារ រីឯ ជប៉ុននាំចូលមកកម្ពុជាមានទឹកប្រាក់ជាង ៦០៧លានដុល្លារ។ នេះបើតាមការបញ្ជាក់របស់ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម។

លោក ម៉ែន ភក្តីប្រធាននាយកដ្ឋានគ្រប់គ្រងទិន្នន័យនិងវិភាគម៉ាក្រូ ធនាគារជាតិនៃកម្ពុជា បានលើកពីការសិក្សាស្រាវជា្រវរបស់មូលនិធិ UNCDF ថា ក្នុងឆ្នាំ២០២១ ការប្រើប្រាស់សេវាហិរញ្ញវត្ថុផ្លូវការរបស់ប្រជាពលរដ្ឋកម្ពុជា ជារួមមានការកើនឡើងពី ៥៩% ទៅ៦៧% ។ ប៉ុន្តែ ការប្រើប្រាស់សេវាហិរញ្ញវត្ថុផ្លូវការរបស់ពលរដ្ឋជាស្ត្រីនៅទ្រឹង ៦០% ហើយការប្រើប្រាស់សេវាហិរញ្ញវត្ថុផ្លូវការរបស់ពលរដ្ឋនៅទីជនបទមានត្រឹម ៦១% ។

និយ័តករបរធនបាលកិច្ចនិងសហគ្រិនវ័យក្មេងកម្ពុជា រួមគ្នាលើការលើកកម្ពស់ការយល់ដឹងជាសាធារណៈ និងជំរុញការចូលរួមក្នុងវិស័យបរធនបាលកិច្ចនៅកម្ពុជា តាមរយៈកិច្ចសហប្រិបត្តិការដោយចុះអនុស្សរណៈនៃការយោគយល់ជាមួយគ្នា។ អនុសារណៈនេះ នឹងជួយពង្រឹងនិងអភិវឌ្ឍសមត្ថភាពរបស់សហគ្រិនវ័យក្មេងបន្ថែមអំពីវិស័យហិរញ្ញវត្ថុការវិនិយោគ រួមទាំងជំរុញការអភិវឌ្ឍសេដ្ឋកិច្ចជាតិដោយផ្អែកតាមប្រព័ន្ធទីផ្សារផងដែរ។

លោកជំទាវ គង់សូរីតា បានមានប្រសាសន៍នៅក្នុងសិក្ខាសាលាពិគ្រោះយោបល់អំពីការលើកកម្ពស់បរិយាបន្នហិរញ្ញវត្ថុសម្រាប់ស្ត្រី និងស្ត្រីក្នុងសហគ្រិនភាព ថា ស្រ្តីគួរតែបានផ្តល់ឱកាសឱ្យចូលរួមពង្រឹងសមត្ថភាពនិងបរិយាបន្នហិរញ្ញវត្ថុ ដើម្បីវិវត្តខ្លួនឲ្យទាន់យុគសម័យសេដ្ឋកិច្ចឌីជីថលនិងបដិវត្តន៍ឧស្សាហកម្មជំនាន់ទី៤។ ការផ្តល់ឱកាសនាពេលនេះ ត្រូវបានអនុរដ្ឋលេខាធិការនៃក្រសួងកិច្ចការនារីគង់ សូរីតា ថា ទាន់ពេលវេលាក្នុងស្ថានភាពផ្លាស់ប្តូរ និងជាពេលវេលាមួយដែលត្រូវពន្លឿននិងកែលម្អនូវរបៀបវារៈឌីជីថល។

រយៈពេល៥ឆ្នាំ កម្ពុជានិងតួកគីសម្រេចបានទំហំពាណិជ្ជកម្មទ្វេភាគីប្រមាណ ៤៦២,៦៣លានដុល្លារ ចាប់តាំងពីឆ្នាំ២០១៧-២០២១ ខណៈដែលឆ្នាំ២០២១ ទំហំពាណិជ្ជកម្មទ្វេភាគីរវាងប្រទេសទាំងពីរ មានចំនួន ៩០,៦៣លានដុល្លារកើនឡើង ២,០៦% បើធៀបនឹងឆ្នាំ២០២០។ នេះបើតាមការបញ្ជាក់របស់លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម។

ធនាគារជាតិនៃកម្ពុជា សង្កេតឃើញមានជនខិលខូចមួយចំនួនបានផ្សព្វផ្សាយយ៉ាងបើកចំហ និងផ្តល់ឥណទានក្រៅផ្លូវការដល់ពលរដ្ឋតាមរូបភាពផ្សេងៗជាច្រើនដូចជា ប្រព័ន្ធអនឡាញ បណ្តាញសង្គម ការផ្សព្វផ្សាយតាមខិត្តប័ណ្ណ និងការបិតផ្សាយតាមទីសាធារណៈនានា។ ការផ្តល់ឥណទានទាំងនេះជាសកម្មភាពល្មើសច្បាប់ជាធរមាន ជាពិសេសច្បាប់ស្តីពីគ្រឹះស្ថានធនាគារនិងហិរញ្ញវត្ថុ។